احمد بقى يكح ويحاول يصحصح وبياخد في نفسو امونه قربت عليهو وبقت تضربو في خدو عشان يفوق قالت ليو انت سامعني الله يخليك قووم انا تعبت والله وقعدت تبكي احمد فتح عيونو شاف امونه كانت جميله شديد بس شعرها الغزير والطويل هي كانت لابسه بلوزة نص كم كبديه واسكيرت اسود هي حلبيه والبكاء حمر ليها وشها أحمد بقى يقول ماشاء الله تبارك الخالق امونه شافتو بعاين ليها ويادوب انتبهت لي نفسها بقت تفك التوب من العود وهي بترجف وخافت من احمد لبست توبها وهو يادوب انتبه انو هي نفس البت الشاكلتو قال ليها انتي 😳مالك معاي امونه قاطعتو قالت لي انت الجيت مكاني ماانا وبعداك الناس بتقول شكرا ولا حتى دي ما بتعرفها هي وماشه سمعتو قال شكرا اتلفتت تتاكد انها ما سمعت غلط معقوله ده الولد المغرور الأمس قال ليها ما تعاين لي كده شكرا علي العملتي معاي الليله امونه قالت لي بس الليله ناسي انك امبارح اهنتني قدام الناس ومااعتزرت قال ليها ما حااعتذر لانك اخدتي حقك من امس امونه اتغاظت ومشت خلتو امونه جات الحله وانتبهت ليها صحبه لينا انو التوب مبلول وامونه دخلت البيت طوالي وظهر بعدها في الشارع أحمد وكان مليان طين صحبه ليها اسمها نفيسه قالت الليله ووب ديل مالهم اشكالهم كده وكانو بعملو في شنو سوا😱جرت بيت العرس تكلم لينا ..محمد وعبدالله اتخلعو لمن شافو احمد بي حالتو دي قالو لي الحصل شنو وانت كنت وين انحنا غلبنا عليك البلد حتى هنا مالقيناك قال ليهم دخلت ترعه اظن المهم مكان ارضو طينيه شديد واتزلقتا ماوراهم انو كان عايز يغرق وانقذتو امونه عبد الله قال ليو دي سلامه والله ماتمشي براك تاني او كلمنا ماشي علي وين قال ليهم سمح أحمد دخل استحمى واخد معاو القميص الأبيض الغسلتو امونه فجأه اتزكرها وسرح في تفاصيلها جسمها الحلو وشعرها وقلبها الطيب ودموعها القريبه ابتسم ولي اول مرة من فتره طويله يبتسم من قلبو بس طوالي قال ده شنو البعمل فيو انا دي بت ريف وشافعه ساي مامفروض افكر فيها ومن متين انا اصلا بفكر في بيت بعد جهز نفسو طلع لي اصحابو محمد قال ليهم ياجماعه عايز رأيكم في موضوع
عماد قال ليو عايز تعرس ولاشنو😂محمد قال ليهو عرفت كيف طبعا كلهم اتخلعو قالو لي انت جادي قال ليهم اي والله ومن هنا كمان عماد أحمد قالو لي ما جادي اكيد انت عارف ابوك حايعمل فيك شنو محمد قال ليهم ياخ ماتقفلوها في وشي بتتحل ان شاء الله احمد قال ليهو خليت الدكتورات وبنات الخرطوم وعايز تختار من بنات هنا عماد قال لي مالم بنات هنا يا ابوحميد احمد قال ليهو ما قصدي شي بس اغلبهم ما مكملين تعليمهم وبعداك حضرة الوزير ماحايرضى ..محمد حس ياداب انو في مشكله وكلام احمد صاح ابوهو مستحيل يرضى ليو ..لينا بعد سمعت الخبر النار ولعت فيها وقالت هي الشافتو الاول لمن طقشها جنب الباب وختت عينها عليو ماحاتخليهو لي امونه بعداك امونه شنو البتمشي الخرطوم وانا اقعد هنا لا والله ما يحصل بس خلي عرس عماد يخلص عشان مايقولو انا بتاعت مشاكل والفترة دي حااتقرب منو انا اذا فطومه قدر تقرب منو معناها انا بقدر اعرسو عدييييل..
