امونه بدأت تجهز حاجات الخبيز وعجنت وشغلت الفرن وخالتو أسيا جابت المكنه كانت حقت كهرباء مريحه وبدو يشتغلو وقفو لصلاه العصر امونه عملت الغداء مع خالتو أسيا امونه كانت حاسه انها قريبه ليها وطيبه شديد معاها خالتو أسيا قالت ليها انتي ذي بتي شايفه تعامل محمد معاك ما ذي باقي البنات امونه اتخلعت قالت ليها ماانتبهتي ليهو والله ياامونه لو محمد طلع من نصيبك احمدي ربنا عليهو والله ولد مافيهو كلام بعتبرو واحد من اولادي واعز بس انتي لو جاك ماترفضي استخيري وفكري وانا زاتي شايفاك مبسوطه امونه قالت ليها والله ياخالتي ماعارفه حاسه بشنو بس هو زول طيب شديد وحنين وراجل❤️ربنا يسهل انا ماعايزة اكضب علي نفسي واتعلق بيهو خصوصا بعد سمعت انو ابوهو وزير وانتي عارفه حالتنا وابوهو اكيد داير ليهو واحده من مستواهم قالت ليها فعلا ابوهو صعب بس محمد راجل ولو قال دايرك ببقى قدر كلامو الله يسهل يابتي ويجعلو من نصيبك انتي تستاهلي كل الخير❤️امونه حست بي راحه بعد كلام خالتو أسيا وبدأت تدعي انو يكون نصيبها ويادوب حست با ابتسامه الحب على وشها منورة❤️بعد خلصو واتغدو محمد جاء شايل الصينيه المطبخ امونه كانت بتسوي في الشاي وشعرها طالع برا التوب وفي وشها مرسومه ابتسامه سحرت محمد وبقى بيردد ياحفيظ❤️امونه سرحانه وماانتبهت ليهو بعد دخل الصينيه اتردد يطلع وقف قصادها وقال ليها الجميل سرحان وين امونه اتخلعت وحست انو عايزة الواطه تبلعها من الاحراج هو ابتسم على شكلها قالت ليهو ولاشي بس لسه ماخلصتا من الخبيز والواطه بدأت تضلم قال ليها بيتي الليله هنا..امنه عجبتها الفكرة لانها عايزة تنتهي بدري قبل الصباح قالت ليهو ان شاء الله بمشي اكلم امي قال ليها تمام وفات كان مبسوط انو هم حايكونو سوا في بيت واحد الليله❤️قال لازم يتكلم معاها الليله لانو خلاص ماقادر يكون بعيد منها وفكرة انو يرجع من غير يتكلم معاها مخوفاهو💔امونه مشت البيت اقنعت امها بس قالت ليها مابتمشي براك لينا تمشي معاك لينا ماصدقتك جررت استحمت ولبست عبايه وشالت شنطه صغيرة فيها بجامه وطلعت امونه شالت قميص اكمام طويله
امونه قالت لي لينا انتي اتقدمي لي انا حااغشى نهله ونجي سوا لينا صرت وشها لانها مادايره نهله تقرب لي عبدالله خصوصا بعد هي اخدت رقم عبدالله من تلفون اختو من غير تعرف وبقت ترسل ليهو اي عبد الله مااداها ريق ولا عبرها بس هي بتعمل الفي رأسها واسي جات تبيت عشان تتقرب منو..امونه وصلت بيت نهله فتحت ليها اخت نهله الصغيره وقالت ليها نهله راقده جوا امونه مشت سلمت علي ام نهله وسالتها عن صحتها واتونست معاها ام نهله حكت ليها انو معتز جاي بعد كم يوم امونه فرحت لانو هو طيب شديد وبعتبرها ذي نهله استاذنت من ام نهله ودخلت تشوف نهله واتخلعت من منظرها ..
