قال ليهو السلام عليكم انا محمد علي صاحب عماد وعايز اتكلم معاك في موضوع وماعايز تفهمني غلط الموضوع بخص بنتك امنه..
امنه بعد دخلت البيت قعدت تبكي لانو محمد حايسافر بالليل وماحاتشوفو تاني💔هي ماعارفه ده حب ولا إعجاب بس هي بتكون مبسوطه معاو امنه بقت ترتب في البيت عشان تشغل نفسها وماتفكر في حاجه بعد خلصت كان العشاء أذن استحمت وصلت ولبست تووب ومشت بيت العرس الحفله بعد خلصت محمد كان بفتش علي أمنه لانو مسافر وسائق العرسان معاو هو اتفق مع ابوها لقدام حانعرف الحصل..
أمنه مشت وقفت مع البنات وكان بحكو عن الحفله ساقت نهله ومشت باركت للعرسان بعداك العرسان بدو يودعو في الناس عشان مسافرين دبي❤️امنه كانت بتفتش بعيونها على محمد بس ماشافتو محمد كان مع عبد الله بشيلو في شنط العرسان محمد دخل يودع خالتو أسيا كانت في غرفتها بتبكي لانو عماد حايستقر في الخرطوم عشان الشغل جاها محمد وبقى يشاغل فيها انو هو اتعلق
بيها وطوالي حايجيها زيارات ضحكت قالت ليهو جاي عشاني ولا عشانها قال ليها للدرجه دي مفضوح😂اكيد عشانها قالت لي نعم وبقت تضحك وتدعي ليهو انو ربنا يجعلها من نصيبو وهو طالع شاف امنه بتتكلم مع لينا ابتسم ليها وطلع ..العرسان ركبو ورا وعبدالله ومحمد قدام ودعو الناس واتحركو امنه من الزعل قعدت تبكي انو ما سلم عليها ولاشافتو💔قشت دموعها ودخلت تشوف خالتو أسيا قعدو يتكلمو عن العرس وطلع حلو امنه ودعت خالتو أسيا عشان ماشه البيت بس قبل تطلع أسيا قالت ليها في ظرف في الدولاب شيليهو امنه افتكرتو قروش الخبيز شالتو وطلعت لمن وصلت البيت وهي راقده في السرير بالليل بتتزكر في محمد وبتحرك السلسله حقتو في رقبتها وقالت لي ماودعني معقوله مابهمو نامت من التفكير الكتير الصباح صحت ورجعت لي نفس الروتين حقها وبعد كم يوم جاتها طلبيه من منطقه قريبه ليهم بدات تشتغل وساعدتها نهله وآسيا خلتهم يشتغلو بالفررن حقها امنه ساعدت ابوها من الطلبيات البتجيها لينا اهتمت بي عبد الله شديد وطوالي بتمشي ليهم معتز جاء من السعوديه ونهله كانت فرحانه بيهو مره أخوها قعد معاها وقال ليها في عريس متقدم ليها قالت لي مابقدر اوافق عشان وضع امي مابخليها براها قال ليها انا فكرت في الموضوع ده محمود صحبي برضو شغلو هناك في السعوديه حايسفرك معاو وانا بسوق امي وروى وجمال معاي السعوديه مابخليهم ورأي فكري في الموضوع ماف شي هنا بخلينا نقعد نهله قالت بتستخير وفعلا يومين كانت بتفكر في الموضوع ووافقت❤️الخبر انتشر وعبدالله عررف زعل شديد وحسه بالخيانه طوالي اتصل علي لينا وقال ليها داير يجي البيت هي كانت عايزة تطير من الفررحه امنه كانت زعلانه علي فراق صحبتها بس مبسووطه ليها وبتدعي ليها طوالي❤️امنه وضعهم بقى احسن من شغل الخبيز بس لسه علاقتها مع امها في محلها ونفسها تعرف سبب تعامل امها معاها💔بدأت جووطه عرس نهله وأمنه انشغلت معاها ووقفت معاها بعد العرس نهله بداو يعملو ليها في الإجراءات محمود كان طيب وحنين معاها جدا❤️بدأت تتعود عليهو وتنسى عبدالله بالذات بعد خطب نهله هو صاح جاء البيت وماعمل خطوبه رسمي بس في النهايه هو عمل العايزو وهي نستو ..اي واحد فيهم كمل حياتو الاختارها ..احمد كل يوم حالتو ماشه اسوا بقت تجيهو كوابيس بصحى منها بصررخ وابوهو واصحابو غلبهم البعملو معاو مابسمع كلام زول..محمد اتكلم مع ابوهو ورفض ليهو الموضوع وقال ليهو انو مايفتح السيرة تاني معاو محمد زعل وخلى البيت وقاعد مع احمد..
