امي كانت منتظرانا طلعنا وهي قفلت الباب وشالت المفتاح الصيوان كان حلوو شكلهم تعبو فيو دخلنا وقعدنا مع البنات ونهله تتلفت ذي مروحه التربيزة قلت ليها مالك يابت قالت لي ماف شي طبعا انا عارفاها بتفتش في عبدالله اخو عماد بحبو بعض بس ماف زول عارف غيري لانو هو في آخر سنه في جامعه الجزيرة بقرا هندسه شفناو جاي بااتجاهنا سلم علينا وعلى البنات قال لي اختو عايز لي كم بت منكم تجهز العصير طبعا لينا قعدت تتظارف ليو ونهله عايزة تموت من حركات لينا عبدالله زاتو كان مستغرب فيها اخت عبدالله واحده اسمها عائشه بقولو ليها عشوشه قال ليها طيب جهزو انتي وصحباتك وبجي اشيلو بعدين مشيت معاهم انا ونهله طبعا لينا قالت ليهم امونه بتسوي عصير سمح اصلا دي شغلتها ومعاها ضحكه مامحتاجه نساعدها انحنا لسه ما لبسنا للحفله وهي مابتحضر حفلات خلوها وارررح نهله طوالي نطت قالت ليها مش اسي قلتي لي عبد الله بتسويهو انتي وين كلامك عايزين نشوف شطارتك لينا اتحرقت من كلام نهله وفاتت وقفت معانا عشوشه تساعد قلت ليها امشي انا ونهله بنعملو اجهزي وتعالي نادي عبدالله يشيلهم للرجال قالت لي مابتقصرو وفاتت طبعا انا عملتا كستر وروح مع الكركدي وخلطهم بالخلاط طبعا بيت ناس عماد سممح شديد عماد ولد الهنا مامقصر فيهم كلو كلو قربنا نخلص من العصير جانا عبد الله داخل من شافنا سوا قعد يتبسم ويشاغل في نهله وهي تتخجل😂قال لو عملتو نهله العصير حررم ماف راجل يشربو غيرو ضحكتا انا ونهله طوالي قالت ليو لالا عملتو امونه اديتو شرب قالي عجيب عديل ياامونه قالي انا عايزة نهله دقائق وبجي اشيل الكبابي الجهزت وطلعو وقفو ورا الحوش عشان ماف زول يشوفهم بس في زول كان بعاين ليهم والنار ولعت فيو..انا في المطبخ الطرحه ضايقتني طوالي طلعتها وطبقتها وختيتا جنبي طبعا انا بسوي في العصير في المصطبه وخاتا صينيه الكبابي في البنبر جنب باب المطبخ بعد خلطتا وكبيت العصير في الكبابي قلت اشيل الصينيه اختها في المصطبه ماتقع والعصير يتكشح وانا شايله الصينيه تقيله في كبايه وقعت حسيت انها اتكشحت في زول رفعت راسي لقيت ولد صاري وشو وقميصو الابيض بقى احمر قالي انتي عمياء ما بتشوفي وبعدين شايله الصينيه دي وين ماشايفاها مليانه ولا بس شلاقه منك شوفي وسختي القميص كيف بتغسليهو انتي عالم غبيه مابتفهم😡ومشى انا قعدت ابكي بحرقه اول مرة زول غريب يتكلم معاي كده اصلا هو منو كمان عشان يقول علي غبيه اول مرة ازعل واحس انو شخصيتي ضعيفه حتى لو بسكت في البيت مامفروض اسكت لي اي زول وقررت اخد حقي منو بس انا غلطتا فيو وحااصلح غلطي مشيت على جهه البرنده شايفاو طالع من غرفه عبد الله غير القميص وشكلو صاري شديد ماعارفه بس جاتني خوفه منو اتجرأت ودخلتا غرفه عبد الله سريع قبل زول يشوفني شلت القميص وجرري طلعتا مشيت لي امي محل الشغله قلت ليها عايزة مفتاح البيت قالت لي عايزة بي شنو قلت ليها عايزة اجيب حاجه لي لينا حتى ادتني ليو طلعت كمكمت وشي عشان الرجال كتار في الشارع ودخلت البيت عند محمد قال البت دي كانت هنا وانا ماشفتها انا لازم اشوفها تاني واعرف اسمها دخلت الحمام جبت الطش والصابون قعدت اغسل فيهو وعصرتو شديد ونفضتو عشان ينشف سريع لانو لو في زول شافو من ناس البيت بضبحوني كان في هواء علقتو في الحبل وبقيت منتظراو ينشف وكل شويه انزلو انفضو وتاني اشرو كنت زعلانه شديد قلت لازم اديهو ليو نضيف باقي اليوم دا مشيت غيرت الجلباب لبست واحد حق بيت عادي بس ما طويل وكم نص ولبست توب حق امي اسمو فركه اسود وشلت القميص وقفلت البيت وطلعتا دخلت بيت العرس لاقيت عشوشه قالت لي وينك انتي من قبيل الحفله شغاله تعالي احضريها النبي فيك قلت ليها برري ماطالعه بس عايزة المكوة معليش عندي هدم داير لي كوي قالت لي عادي يابت انتي هبله فتشتها وادتني ليها طبعا الناس كلها في الحفله كويت القميص وبقيت قاعده براي حتى نهله ماشفتها نزلت التوب من شعري وبقيت اخلخل في شعري زهجانه حسيت بي حركه رفعت راسي لقيتو ده الولد القبيل😱
