الدكتور البريطاني اتصل على دكتور علي قال ليهو الفحوصات الرسلتها لي دي محمد ماينفع يتحرك انا حااجيب الطاقم حقي واجي السودان بس انت لازم تشوف متبرع في اسرع وقت خلال تلاته ايام لازم العمليه تكون اتعملت وضعو مابستحمل تاخير دكتور علي كلم كل الدكاترة انو يعملو إعلان أو اي حاجه عايزين متبرع كل الدكاترة الفي المستشفى كانت للصبح قاعده ومارجعو بيوتهم محمد كان محبوب ومميز وعندو كاريزما❤️كل الناس مصدومه امنه كانت في كراسي الانتظار في عالم تاني ماحاسه حواليها عماد اتصل علي مرتو تجي تسوق امنه ..امنه مشت صلت ركعتين وبعداك الصبح كانت بتدعي وبتبكي انو ربنا يحفظو وانو محمد يتحمل لحدي مايلاقو متبرع الموضوع كان صعب واحمد كان هايج شديد واتصل على كل المستشفيات وطلب يساعدو اثناء ماهم قاعدين جات ام محمد وابوهو كان حالتهم صعبه الام بتقول عايزة اشوفو روحو صحو لي انا مابقدر اعيش انا حاسه روحي بتطلع محمد بموت وحيدي بموت كانت بتبكي وتضرب في خدها احمد حضنها وبقى يبكي معاها حتى الوزير ماقدر يتماسك كل المال والسلطه مانفعتو في حاجه كل غرورو راح في لحظه ورفع كفو للواحد الاحد انو يشفي ولدو وانو حايعمل اي حاجه بس هو يصحى وانو تاني ماحايزعلو هو ماعندو غيرو لمن شافو محمد الاب ماقدر يقيف الدكاترة لحقوهو كان ضغطتو مرتفع طلعوهو من الغرفه الام كنت بتمشي يدها على وش محمد وبتبكي وبتردد قوم حبيب ماما قوم وجعت قلبي مااشتقت لي يامحمد انا حااموت ياولدي انا ماعندي اعز منك احمد طلعها من الغرفه عشان الازعاج ممنوع حاول يتماسك قدامها كان خايف تحصل ليها حاجه خصوصا انو عارف محمد روحو معلقه في امو❤️
امنه كان نفسها تحضنها وتبكي معاها كانت شايفه وجعها اتمنت اللحظات دي تمر سريع ومحمد يفتح عيونو امنه ماقدرت تقعد في نفس المكان نزلت الطابق الاول كان في زحمه وفجاه الناس بتبكي وتصرخ لمن سألت الممرضه في شنو قالت ليها ده طفل مات في حادث حاولو الدكاترة يلحقوهو بس يومو تم امنه بقت في حاله جمود كل الاحزان بتجي سوا والوجع بجر وجع شافت حاله الام والاخوان وقعدت تدعي لي محمد مراه عماد شافت امنه لمن جات داخله وسلمت عليها وقالت ليها انتظريني طلعت سلمت علي ام محمد وكلمت عماد انو سايقه امنه وطلعو في البيت كانت بتتكلم مع امنه انها تهدى وانو حايبقى كويس جابت ليها عصير وشربتو ليها دخلت امنه الغرفه وحاولت معاها انو تنوم امنه بعد رقدت حلمت بي محمد انو مبتسم وبعاين ليها كانت نظرتو حلوة صحت مخلوعه تكورك يا روى روى جاتها مخلوعه مالك ياامنه قالت ليها اتصلي بي عماد انا عايزة اتكلم مع احمد أرجوك اتصلو علي عماد وقال ليها احمد مافاضي أمنه قعدت تبكي قالت لي عليك الله اديني ليهو مشى ليهو قال ليهو امنه عايزة تتكلم معاك احمد كان ناسيها واتخلع لمن اتزكر انها جات معاو اول ما رد قال ليها معليش ماانتبهت انك معاي وحااخلي السواق يرجعك البيت امنه كانت بتبكي قالت ليهو في متبرع انا شفت متبرع احمد مخلوع قال ليها وين ومنو وهو وين قالت ليهو في طفل مات في حادث انا شفتو في المستشفى قبل ساعه ونص احمد قفل قبل تتم كلامها وجرى علي الاستقبال يسال قالو لي لسه إجراءات خروج الجثه ماكملت هو لسه في المستشفى أحمد كان جاري زي المجنون يفتش على اهل الميت شاف الاب والاخوان ماكان عارف يقول شنو
