امونه ومحمد وصلو السوق وبقى مراقب فيها وهي بتشتري كان حاسي بسعادة غريبه ومتمني اللحظات دي ماتنتهي انتبه على امونه بتتكلم معاو قالت ليهو انا خلصتا بس حاسه انو ناسيه حاجه بقى يسالها جبتي دقيق تهز راسها بمعني اي راجع معاها كل الطلبات قال ليها في حاجه نسيتيها قالت ليو شنو قال ليها شوكلاته خام قالت لي بس انا مامحتاجه خالتي جابت جردل بتيفور قال ليها القال منو عايزنها للخبيز قالت لي طيب لي شنو قال ليها كيكه شوكلاته قالت ليهو انا ماحصل عملتها مره عملت كيكه عاديه قال ليها انا بعرف حااعلمك تعمليها كيف فرحت امونه لانها بتحب شغل المطبخ هو زاتو حسه انو لقى فرصه يقرب من امونه امونه عايزة تحاسب محمد رفض ودفع هو قالت ليو خالتي آسيا حاتزعل قال ليها لالا انا بقنعها وعيب ياخ ماشي معاك راجل امونه ابتسمت وركبت العربيه محمد دخل الحاجات قال ليها دقيقه وراجع ليك في راجل ببيع في بترينه اكسسوارات محمد وقف عندو اشترى حاجه ورجع العربيه في الطريق كان بحكي ليها عن مواقفو في الجامعه وامونه تضحك اول مرة تضحك من قلبها كده كانت مركزة مع محمد في بساطو ودمو الخفيف ورجولتو❤️قالت ماتركزي معاو يا امنه ماتحلمي بي حاجه مستحيلة هو كده عفوي مع كل الناس بس انا لي مشدودة ليو كده!كانو قربو علي البيت والاتنين متمنين اللحظات دي ماتخلص محمد وقف العربيه قبل البيت وعاين لي امونه قال ليها انا مبسوط بي معرفتك امنه ابتسمت قال ليها ممكن تقبلي مني الهديه دي طلع سلسل فضه فيو قلب صغير كان رقيق وبسيط امونه عجبها شديد بس اترددت تشيلو قال ليها انحنا بقينا اصحاب وانا الصراحه عجبني شديد وماعندي اخوات بنات فااشتريتو عشانك😊امنه ابتسمت وقالت ليو شكرا حللو زوقك امونه طلعت السلسل من العلبه ولبستو بس ماقدرت تقفلو محمد قال ليها انا بساعدك قرب منها وبقى وشو في وشها وخت يدو ورا رقبتها وقفلو ليها بقى سرحان في عيونها حتى امنه حست نفسها مخدرة وماقادرة تتكلم بس حست قلبها بدق شديد محمد زح منها وقال ليها بقى احلى بعد لبستيهو❤️امنه خجلت ونزلت طوالي
محمد بقى قاعد في العربيه قال الخائف منو حصل يا محمد حبيتها انا بحبها والله بحبها كان مبسووط وقال لازم يعترف ليها قبل يرجع وحايعمل اي حاجه عشان تكون من نصيبو ..
نزل الأكياس ودخل البيت الناس كانو بساط اغلبهم الاهل القريبين وعشان البيت فوق وتحت الجوطه كانت كلها فوق البنات بغنو ويرقصو محمد دخل المطبخ لقى خالتو أسيا وعشوشه وأمنه خالتو أسيا ادتو عصير وشكرتو قال ليها انا وعماد أخوان عشوشه قالت لي امنه الكعك حايكون رهيب ياخ انا بجيكم في العيد عشان اكل منو كلهم بقو يضحكو امنه قالت ليها يعني مابتجي عشاني😂عشوشه قالت ليها لا طبعا 😜عارف يا محمد طبعا هو كان سرحان في امنه قال ليها ايوة قالت لي لاازم الليله تكون قاعد وتعرف امونه بتعملو كيف طبعا يا امنه محمد بحب المطبخ وكل مره بيخترع لي احمد وعماد اكله جديدة😂قال ليها ياريت ماحاافوت اللحظه دي وغمز لي امنه طوالي دنقرت وخالتو أسيا كانت بتعاين ليهم مبسووطه. .
