امنه ماكانت عارفه تعمل شنو واقفه بعيد بتتفرج لجين مشت ليها قالت ليها تعالي ساعديني ووريني شطارتك وجرت امنه من يدها امنه ماعندها حل غير انها تمشي معاهافي مريضه عندها التهاب في القولون وكانت تعبانه لجين قالت لي امنه اهتمي بيها انتي اكيد عارفه حاتديها علاج شنو؟!لي بتعايني لي طيب شكلك ماعارفه اديها حقنه كورتيزون امنه قالت ليها ماينفع اديها كورتيزون اذا كانت مصابه بي سكري لانو حايرفع السكر حقها المراه قالت ليها عندي سكري امنه سألتها اذا بخرج دم مع الغائط المرأه قالت ليها لالا امنه ادتها مضاد حيوي ومسكن لجين كانت بتعاين ليها مغيوظه شديد خصوصا لمن شافت دكتور احمد متابعهم وابتسم لي امنه كل مره اعجابو بيها بزيد واتاكد انها بتحب الطب شديد بس كان عايز يعرف هي عرفت الكلام ده من وين!وقت الصلاه جاء والوحده لسه زحمه والدكاترة بدو يتناوبو جزء مشى للصلاه وجزء قعدو يتابعو المرضى امنه بعد صلت اتلاقت مع الدكتور جنب المسجد قال ليها انتي عرفتي الكلام ده من وين؟ قالت ليهو انا قريت كورس اسعافات اوليه وبديت كورس تمريض بس ماتميتو قال ليها ماشاء الله ده عملتي متين قالت ليها في الاجازة قبل امتحن ابوي اداني قروش انزل كورس بس انا ماكان عندي مشكله في ماده وشفت إعلان فيهو كورس الاسعافات دخلتو وبعداك بديت حق التمريض ماتميتو عشان كان المدرسه فتحت بس بديت انسى القريتو قال ليها لالا طالما رغبتك ما حاتنسي بسهوله ماشاء الله بالتوفيق ليك❤️محمد كان في المستشفى وتعب شديد لانو من الصباح شغال من الوجع دموعو بتنزل بس كان بردد يارب ركب الاصانصير ومشى قسم الكلى الدكتور المتابع معاو محمد اتكلمو معاو كتير انو مفروض يوري زول من اهلو عشان لو تعب فجأه زول يلحقومحمد كان راسو قوي شديد وقال ليهو امي مابتقدر تستحمل الخبر ده قال ليهو انت لازم تعمل زراعه بس هنا ماينفع انت حالتك ماشه للاسوء وماعايز تسمع كلامي انت دكتور وعارف خطورة البتعملو في نفسك وبعداك ربنا حايسالك عليها يوم القيامه محمد قال ليهو انت موجوع اديني اي حاجه تسكن الالم الدكتور اداهو حقنه وقال ليهو انت عارف المسكن الكتير ما كويس في حالتك و الكلى التانيه بدات تدهور كمان انا حااكلم دكتور احمد ماف زول حايقنعك غيرو محمد قال ليهو لو كلمتو تاني ماحاتشوف وشي وبعدين انا مؤمن بقضاء ربنا وبحمد الله علي الابتلاء وبدعي ربنا يصبرني قال ليهو ياخ انت مفروض اكتر واحد عارف انو لكل داء دواء بس اسمع كلامي وخليني ابدا اجراءات العمليه وماحاتكون هنا عشان ماف زول من اهلك يعرف محمد قال ليهو ان شاء اللهلينا كانت معاها نفيسه وورتها بالقروش والورقه وقالت ليها انا حااوري امنه نفيسه قالت ليها انتي عويرة انتي عارفه لو وريتيها حايحصل شنو حاتوافق وحايعرسها وتمشي معاو وانتي تقعدي هنا تنتظري عبدالله يخلص جامعتو😒زينب كانت بتسمع في كلامهم طوالي خشت الاوضه وقالت لي نفيسه ده شنو البتقولي في ده بتحرشي الاخوات في بعضن يخسي على دي صحبه وامرقي من بيتي وتاني ما اشوف وشك هنا لينا قالت ليها يا امي دي صحبتي كيف تطرديها قالت ليها تفوو على دي صحبه دي سوسه عايزة تخرب بينكم نفيسه طوالي طلعت ونزلت ليها كم دمعه لينا عايزة تلحقها زينب مسكتها وقفلت عليهم الاوضه قالت ليها انا دايراك تسمعي كلامي الحااقولو وماتقاطعيني انتي عندك اخت غير امنه؟حصل ضرتك في شي حصل رفضت ليك طلب حصل اتكوعبت معاك!لي بتعملي فيها كده لينا طوالي قاطعتها قالت ليها انتي السبب انتي الماحصل قلتي لي عيب دي اختك الكبيره انتي قدامي بتعامليها كعب وبتفضليني عليها وماحصل سمعتك قلتي بتي امنه عملت وبتي امنه ماشاء الله عليها في حين انو كل الناس بتشكر فيها انتي كنتي بتزعلي وبتقولي مفروض انا ابقى احسن منها انتي الفرقتي بينا وولدتي الغيره دي جواي وجايه تحاسبيني اسي زينب قعدت تبكي قالت ليها كنت غلطانه عشان عمري مااعتبرتها بنتي وهي ما بنتي فعلا حتى انا ماكنت الام الربت والاهتمت لينا قالت ليها كيف يعني مابتك كيف يعني قصدك انحنا مااخوات!انتو اخوات يابتي بس من الأب امنه بت اختي سعاد لينا قالت ليها انتي عندك اخت وينها طيب زينب حكت ليها الحصل كلو ولينا بكت قالت ليها أمنه زنبها شنو يا امي تعملي فيها كده وزنبي انا شنو اكره اختي سندي الوحيد في الدنيا سعاد وامنه مختلفين امنه مستحيل تعمل زي امها بس انتي عارفه انا كنت حااعمل زي ما سعاد عملت فيك💔كنت حااظلم امنه عشان انانيتي ماكنت حااهتم هي دايره شنو او حايحصل فيها شنو انا كعبه شديد يا اميظلمتها كتير وحقدت عليها وعملت ليها مشاكل زينب قالت ليها مافات شي يابتي امنه قلبها ابيض حاتسامحنا بس انتي لازم تديها الجواب خليها تقرر مصيرها براها ماتبقي سبب في خراب حياتها💔ساعديها وكوني سندها ماعندكم غير بعض انا خسرتا اختي انتي ماتخسري الحاجه الوحيده الفاضله ليك ماحاتلقي زي اختك يهتم لا امرك وسامحيني يا بتي ظلمتك من دون مااعرف خليتك انانيه بدل ازرع فيك الخصال الطيبه زرعت فيك كراهيه لينا حضنت امها وبقو يبكو زينب قالت ليها الله اداك راجل يا لينا حافظي عليهو وخليك صادقه معاو وخلي يثق فيك عشان تعيشو مبسوطين ماتكرري غلطي وتندمي بعد فوات الاوان لينا قالت ليها حاضر يا امي وادت زينب الظرف عشان تدي لي امنه بعد ترجع..لينا اتصلت علي عبدالله وقالت ليهو عايزة الاقيك هو اتعزر بي انو مشغول وهي اصرت على في الآخر وافق ولاقاها كانت لابسه عبايه واسعه هو استغرب انو رضت تلبس كده كيف بعد سلمو وسالت عن اخبارو قال ليها دايرة تقولي شنو قالت لي انا اسفه قال ليها على شنو قالت ليهو عبدالله انا بحبك من زمان بس كنت شايفه نفسي وانانيه وكنت بحاول انسى الحب ده وبقول اني عايزة اعرس واحد يوديني الخرطوم بس انت بقيت حلو في نظري اكتر بعد عرفت علاقتك بي نهله حاولتا اتقرب منك كم مررة مفروض بت الناس ماتعملها بس انا كنت حاقدة على نهله وانو هي اخدتك مني كنت بتصل عليك واتونس معاك بس عشان تنساها انت ماكنت عارف دي انا وانا ماكان عندي جراءه اقول ليك بس حسيت انك انتبهت لي وطلبت رقمي وبقيت متواصل معاي انا حبيت فيك كل حاجه حتى عصبيتك علي كانت بتبكي وعبدالله مصدوم قال ليها معقوله الانانيه دي كلها لي ياخ عملتي فيني كده البحب زول بحب يشوفو مبسوط وانا كنت مبسوط مع نهله لينا بقت تحنس فيهو انو يديها فررصه وأنها اتغيرت وعايزة تكمل معاو من غير كزب عبدالله ماقدر يسمعها وفات خلاها. .اليوم العلاجي فى القافله انتهى ورجعو بيت العمده كلهم تعبانين اي واحده غيرت هدومها وصلت امنه بعد خلصت استاذنت مره العمده تطلع السطوح الجو كان حلو عندها دفتر بتكتب فيهو طلعتو وبدأت تكتب جاتها مراه العمده شايله شاي وزلابيه قالت ليها جبت نصيبنا نشربو سوا انا حبيتك والله امنه قالت ليها القلوب شواهد وانا ارتحت ليك امنه قالت ليها انتي صغيرة ماشاء الله ضحكت قالت ليها قصدك صغيره على العمده امنه قالت ليها لا ماقصدي واتحرجت قالت ليها لا عادي انا حااحكي ليك قصتي العمده اسي عمرو40وانا28متزوجين لينا سته سنين انتي عارفه انا كنت حااموت لو ماعرستو هو كان حب طفولتي كنت فى المدرسه وهو في الجامعه في الخرطوم كنت بفرح لمن اشوفو رجع البلد ماكنت عارفه ده حب بس كنت دايما مشدودة ليو كان راجل بمعني الكلمه بقيف مع الكبير والصغير وكل زول ❤️بعد دخلت الثانوي هو كان استقر في الخرطوم وبقى مابجي كتير بس لو جاء بقعد كم يوم اتخيلي كنت بنتظر رجعتو زي الزول العطشان نقطه مابترويهو كنت بدعي يكون نصيبي ماحصل مليت وزهجت ووقفت دعاء اهلو ديل حاولو معاو يعرس بس كان برفض حتى انا ابوي وقفني من القرايه الجامعه مادخلتا عشان ماف عندنا بت بتسافر مرة جاني عريس وابوي وافق بكيت قدرتي بس ماسمعوني مسكت في قيام الليل لحدي ماالعريس براو خلاني قال مسافر برا السودان ومابقدر يربط مصيري بيهو الأمل رجع لي ومسكت في الدعاء لحدي ماف يوم جات ام العمده وخطبتني ليو هو اي ماكان بحبني بس بعد اتزوجنا خليتو يحبني بي تعاملي واهتمامي ووقفتي معاو❤️اسي الحمد لله عندنا محمد ونعمه وهو مسكو عمده المنطقه لانو راجل ومابرد زول محتاج امنه حست بي الأمل وانو ممكن في يوم دعوتها تتحقق بس لازم تصبر وتنتظر❤️امنه قالت ليها انتي بتعرفي كيف انك بتحبي يعني شنو البخليك تقولي انا بحب مراه العمده قالت ليها انتي حاسه بي شنو امنه قالت ليها اشتقت ليو انتي عارفه هم3ايام بس عندي بحياتي كلها انا اشتقت ليو اشتقت لي ضحكتو المابتفارقو ماعارفه لي بجيني إحساس انو حزين بس بحاول ينسى بي انو يضحك ويشاغل ويساعد الناس هو كل حاجه بحسو ابوي لمن يقيف جنبي ويساعدني وبحسو حبيبي لمن يضحك معاي ولمن يعاين لي بحس انو عيونو فيها كلام كتير بحب لمعتهم بس هو لي كان متردد انا مستعده كان انتظرو العمر كلو هو مشى من غير مايقول حاجه هو ليهو تلاته اسابيع غايب انا ماقادرة اتعود انا عايزاهو جنبي نفسي اشوفو مرة واحده لي خلى لي الزكريات ومشي انا بحبو صاح؟!مراه العمده ابتسمت قالت ليها انتي عارفه انك بتحبي بس زعلانه منو عشان كده بتقنعي نفسك انو اعجاب بس ده حب يا امنه وكمان الحب البكون من دون سبب مابتنسي يعني انتي بتحبي ومشدودة ليو ماعشان شكلو او وضعو كويس هو كده انتي بتحبيهو وخلاص وانا بتمنى انك ماتخسري الحب ده انتي عارفه انا افتكرت دكتور احمد حبيبك امنه اتخلعت قالت ليها لا لي فكرتي كده قالت ليها حسيت بيهو بعاين ليك بطريقه مختلفه امنه قالت ليها بالعكس هو مابطيقني😪بس ماحانسى مساعدتو لي انتي عارفه انهم اصحاب قالت ليها منو قصدك قالت ليها دكتور احمد ومحمد الحكيت ليك عنو مراه العمده ختت يدها في صدرها قالت ليها مشكله لو الحسيتو انا صاح الاتنين بحبوك امنه قالت ليها لالا مستحيل وبعدين محمد ماعارف اني بحبو ودكتور أحمد كلها يومين ويرجع وماف شي من القلتي صاح امنه خافت يكون كلامها صاح غيرو الموضوع وبقو يتكلمو عن الجو بالليل حلو وهادئ وشكل النجوم والقمرة حاجه كده مريحه جدا❤️
