امونه كانت خايفه امها ترفض بس اتوكلت على الله وقالت ليها ياامي عايزاك في موضوع قالت ليها خير ان شاء الله قالت ليها انا عايزة اشتغل امها قالت ليها اها يادكتورة امنه حاتشتغلي في ياتو مستشفى ان شاء الله امونه زعلت شديد وبدأت تبكي قالت ليها ياريت لو خليتيني اخش الطب النفسي فيهو وماوقفتي في وش احلامي بس ربنا كريم ياامي وان شاء الله حااحقق الأحلام دي بس اسي عايزة اعمل كعك وقريبه لي خالتو أسيا وقالت بتدفع لي قروش وانا جيت اخد أذنك ودعواتك انو يظبط معاي الشغل زينب سكتت ساي بتقلب الموضوع في رأسها وعرفت انو حاتستفيد لانو امنه نفسها حلو في الاكل والناس كلهم بشكرو أكلها قالت ليها طيب موافقه لكن لا انا لا لينا مابنساعدك انا مراه عيانه واختك وراها قرايه اشتغلي شغلتك براك امونه قالت ليها حاضر بس اسي عايزة امشي السوق اتناول مواد الخبيز واجي ابداو عشان الزمن قالت ليها سمح امونه دخلت غيرت العبايه السودا لانو الشمس كانت حارة شديد ولبست توب لونو زرعي امها لمن شافتها هاجت قالت ليها تيابي ديل عزبتيهم ماعندك هدوم دولابك مليان آخر مرة تلبسي مني توب امونه زعلت شديد لانو هي فعلا ماعندها هدوم زي لينا ولينا مابترضى انو امنه تلبس منها بتقول ليها بتوسعيهم لي ومعنو لينا اسمن من امونه ..محمد يدخل ويمرق ما خلى قميص ماجربو😂كمل فتيل الريحه كلو فيو واصلا شعرو حلو ملاو كريم😂💔محمد لبس قميص زرعي وبنطلون بيج لمن طلع من الديوان امونه كانت داخله ابتسم ليها وقال توارد خواطر لكن😉امونه غصب عنها ضحكت محمد دمو خفيف وبخلي اي زول يحبو❤️امونه دخلت تكلم خالتو أسيا خالتو أسيا جهزت ليها ورقه فيها كل حاجه محتاجنها وادتها القروش امونه طلعت لي محمد عايزة تركب ورا قال ليها ياخ معقوله تعالي قدام اتحرجت وجات قدام اول مرة تركب عربيه مع ولد براها بس كانت ما خايفه كانت حاسه بي امان❤️محمد قال ليها علي وين وجهتنا ايتها الجميله امونه ضحكت قالت لي ايتها الجميله دي شنو قال ليها انا زاتي ماعارف😂قعدت تضحك وهو بقى سرحان فيها متمني اللحظات دي ماتنتهي امونه ياداب انتبهت لي نظراتو وارتبكت قالت ليو محل الخبائز قال ليها ياسلام انا بحب كعك العجوه جدا امونه قالت ليو حتى انا بحبو شديد بس انحنا ماعايزين نشتري جاهز عايزين المواد عشان اعملو قال ليها حاتعمليهو انتي قالت لي اي قال ليها معقوله بتعرفي امونه ضحكت قالت ليهو اي كل عيد بعملو انا لي ناس البيت قال ليها ماشاء الله والله خلاص انا عايز اجربو واديك رأي امونه قالت ليو لا ماف ليك قال ليها معناها ماحلو قالت لي والله قعد يضحك امونه حست انو هي مرتاحه معاو في الكلام ومبسوطه وياداب ركزت في ملامحو شعرو ناعم بس لونو بني ولونو القمحي وعيونو
لونها بني امنه من دون ما تحس قالت ليهو انت سوداني!محمد بقى يضحك قال ليها أيوة قال ليها ابوي سوداني بس امي مصريه قال ليها لي ما شبه السودانين!ضحكت قالت ليو لا بس صوتك البقول سوداني محمد بقى يضحك على براءتها وعفويتها قال ليها فعلا بس انا بحب السودان معنو ماقعدت فيو كتير بس هو في النهايه بلدي وجزوري فيهو❤️قالت لي مستقر في مصر يعني قال ليها لا قريت الجامعه في لندن وعشان مركز ابوي كن بنسافر كتير ويادوب استقرينا في السودان لينا سنتين ولاقيت فيهم عماد في المستشفى بس انا واحمد اصحاب من الجامعه واشتغلنا هنا سوا قالت لي احمد منو!قال ليها مالاقيتي قطع كلامهم تلفون احمد رد محمد قال ليهو ود حلال بتجي على السيرة احمد قال ليهو وين انت محمد قال ليهو قربت على السوق احمد قال ليهو في المستشفى اتصلو ولازم ارجع الخرطوم الليله محمد قال ليهو كيف الكلام ده مابترجع براك نرجع سوا احمد قال ليهو لالا انت خليك مع عماد بس في حالات طارئه ودكتور وليد براو حاامشي انا وانت بعد العرس حاتلحقني بس ياخ زعلان انو ما حااكون مع عماد بس الله يسعدو المهم بعد خلصو مكالمه محمد اضايق لانو هم اصحاب شديد ومابتفارقو امونه قالت ليهو انت كويس قال ليها كويس بس صحبي راجع الليله في حاله طوارئ في المستشفى امونه حبت تغير الجو قالت ليهو انت اخصائي شنو قال ليها أطفال امونه قالت ليهو ماشاء الله معناها انت زول حنين لانو الأطفال عايزين تعامل خاص قال ليها فعلا انا بحب الأطفال شديد قال ليها وانتي بتقري ياامونه ..سكتت حس سوالو محرج قال ليها انا اسف قالت ليهو انا امتحنت وجبت89.6 السنه دي بس الظروف ماسمحت أقدم للجامعه الله يسهل للسنه الجايه ان شاء الله محمد زعل شديد بس حاول يغير من الزعل الظهر علي فطومه قال ليها عايزة تدرسي شنو قالت ليو طب قال ليها دفعه😉امونه ضحكت قال ليها في تخصص معين في رأسك قالت ليهو أيوة باطنيه قال لي ذي أحمد يعني..
