نهله وشها كان مورم من البكاء ومن شافت امنه زادت زياده امونه طوالي حضنتها وبقت تسال فيها في شنو يانهله اول مره اشوفك كده اسي انا افتكرتك فرحانه عشان معتز جاي نهله بدات تقش في دموعها وقالت ليها عبدالله يا امنه كسرني ووجع قلبي وبدأت تحكي ليها لمن شافتو مع لينا امونه مخلوعه في اختها معقوله تصل للدرجه دي من قله الأدب طيب وعبدالله مش بحب نهله لي عمل فيها كده سكتت ماعارفه تقول لصحبتها شنو عارفه ماف كلام بقدر يهديها لانو عبدالله غلطان 💔قالت ليها استغفري وماف شي يستاهل زعلك وبعدين امك حاتنتبه ليك وهي براها تعبانه انا ماصدقتا شفتها مبسوطه عشان رجعت معتز نهله قشت دموعها وقالت ماعايزة تسمع سيرة عبدالله تاني وحاتنساهو لانو مايستاهل وربنا الجبار حايجبر بخاطري❤️امنه حكت لي نهله بمشروع الخبيز وقالت ليها اسي انا كنت جايه اسوقك تساعديني بس خلاص حاارجع براي نهله قالت ليها مابخليك يابت وده اول ربح ليك لازم اساعدك وعبدالله شنو البفرق بينا ماتخافي حتى لو شفتو ماحاازعل بالعكس حاابقى اقوى واتجاوزو بعداك ده ماعبدالله الحبيتو ده واحد الجامعه والبنات غيرو ربنا يهديهو اررح نكلم امي ونطلع قبل الواطه تضلم علينا اكتر من كده ام نهله وافقت ليهم وبقت تدعي لي امونه انو ربنا يفتحها عليها نهله لبست عبايه وطلعو. .
محمد كان في الشارع بتكلم بالتلفون مع احمد وبسال عن الحاصل في المستشفى أحمد قال ليهو الشغل كتير والله استمتع بي يوم بكره لانك لمن ترجع حاتنضغط وماحيدوك اجازة قريب محمد واحمد اتونسو وقفلو محمد بقى ماسك تلفونو بتفرج علي الصور ايام كانو في لندن تلفونو ضرب كانت دي امو محمد بحب امو شديد وهي زاتها لانو ولدها الوحيد بقت تسالو بتاكل كويس وبتتغطى محمد ضحك قال ليها لو زول سمعك بفتكر اني شافع محمد كان شايف ضل حق بنات جاين من بعيد بس ماعرفهم امو قالت ليهو راجع متين حبيبي اشتقت ليك محمد قال ليها وانا كتير مشتاق ليك حبيبتي كلها يوم بكره وراجع ان شاء الله خلي بالك من نفسك وقال محمد رسول الله وقفل شاف امنه بتعاين ليهو قال ليها اها جاهزة يا شيف امنه هزت رأسها ودخلت هو استغرب من رد فعلها امنه كانت زعلانه شديد بعد سمعت كلامو عرفت انو مرتبط قالت اصلا مستحيل ما يكون في واحده في حياتو
بس انا عويره صدقتا انو ممكن يعاين لي بس هو بتعامل معاي حلو بس هو كده ظريف مع الناس كلها قطع تفكيرها نهله قالت ليها وين سرحتي قالت ليها ولاشي ارح المطبخ بدو يشتغلو وخالتو أسيا عملت شاي مغرب وشالت في صحن من البسكويت العملتو أمنه وجابتو ليهم عائشه ولينا وصحبه لينا برضو جو قعدو يشربو الشاي ومعاهم كم مراه أثناء ماقاعدين بشربو جاء داخل عماد وعبدالله بعدهم دخل محمد وعيونو كانت بتفتش على امنه جنب المطبخ مفرشين سراير قعدو يشربو الشاي فيها ومشغلين المسجل عماد قال ليهم مادايرين الشاي في الديوان قعدتكم سمحه خلونا نشربو هنا
خالتو أسيا قالت لي عشه جيبي ليهم الشاي نطت لينا انا بمشي اجيبو دخلت المطبخ جابت سيرمس وكبابي وجات عماد علق علي البسكويت وقال لي امنه ماشاء الله والله رهييب عشه قالت ليهو خبزت كتير والله ولسه فضل ليها كعك نط محمد قال ليها ممكن اساعدك كلهم بقو منتبهين معاو إلا عماد رقع ليو وقال محمد طباخ وبحب المطبخ وانا برضو حااساعد معاك في واحده من الحريم قالت خلاص الشباب كلهم اسي فاضين وانحنا برضو جيبي المواد نبدا عشان ننتهي بدري امنه قامت وجابت الجردل والمكونات وفي مراه عجنتو ليها نهله اصلو مارفعت عينها في عين عبد الله ولا كانو قاعد مشت تجيب الصواني والقطاعات لحقها عبد الله في المطبخ
