محمد كان مناوب كان حاسي بلفه راس بس ما اهتم وكان مركز مع شغلو بعد خلص شغل كان طالع من مكتبو بس ماقدر يمشي ووقع كل الدكاترة والممرضين اتلمو دكتور الكلى قال ليهم جهزو العنايه وركبو ليهو اكسجين كان هايج في الممرضين واتوتر شديد وخاف انو الحاله تكون اسوا بقت عماد قال ليهو العنايه لي محمد بكون ضغط الشغل تعبو عماد حس انو الدكتور متوتر قال ليهو في شنو محمد مالو قال ليهو محمد عندو كليه اتعطلت والتانيه حالتها متاخرة لازمو زراعه عماد الخبر ماقدر يستحملو وقعد في الكرسي اتجرس شديد ودموعو ماقدر يتحكم فيها صاحبو دائما الواقف معاو وبيضحك وبشاغل يكون تعبان كده وماف زول حس بيهو الدكتور قال ليهو ماف زول عارف محمد ماكلم زول وانا حاولتا معاو كتير انت اتصل علي احمد وانا حاامشي اتابع حالتو لانو لازم يسافر كنت متفق مع دكتور بريطاني يعمل ليهو العمليه حااتصل اكلمو انو حانجي بطيارة خاصه لانو حالتو ماتستحمل تاخير وفات عماد كان مصدوم ومامستوعب البحصل وماعارف حايكلم احمد كيف ممكن يجن لو سمع عماد بقى يستغفر وماشي وجاي جنب غرفه محمد وشايف الأجهزة والاكسجين حوالينو وهو ماقادر يساعدو احساس الضعف ده احساس صعب انو ما في يدك حاجه تعملها💔
عماد اتصل علي احمد هو كان مع امنه قربو يصلو على بيت العمده رد على عماد العريس ده رقم من السودان رجعتا متين عماد قال ليهو امبارح قال ليهو يعني اسافر بي جاي انت ترجع عماد سكت أحمد وقف العربيه قال ليهو مالك ياعمده صوتك ماعاجبني حاصل شي معاك خالتو أسيا وناس البيت كويسين قال ليهو كويسين ماتخاف امنه بقت مركزة مع كلام احمد قال ليهو طيب الحمد لله مالك في مشكله في الشغل عماد قال ليهو لالا ماف شي قال ليهو طيب في شنو ياعماد قلقت بي قال ليهو محمد قال لي محمد مالو قال ليهو اسي في العنايه احمد ده حس الدنيا سودت وانو بيحلم ده كابوس قالي عنايه شنو ده شنو التخريف البتقول فيهو قبيل كنت بتكلم معاو امنه اعصابها باظت والأفكار الكعبه بتجيها انو حصلت ليو حاجه دموعها نزلت من دون حتى تفهم عماد قال ليهو محمد عندو كليه اتعطلت والتانيه حالتها مامستقره بكره حانسافر بي طيارة خاصه على بريطانيا احمد سكت وعماد بقول ليهو الو احمد محمد محتاج لينا جنبو عليك الله ارجع انا ماعارف اتصرف كيف انا ماقادر اكلم امو احمد قال ليهو اوعكم تتحركو على مكان قبل أجي لازم اشوفو عماد انت سامعني محمد مايطلع من العنايه ومن السودان كلو قبل اجي مستحيل البتقول فيهو ده صاح محمد بس جمبتو واجعاو ماف شي تاني قفل من عماد وبقى سائق بي اقصى ماعندو حتى ما انتبه انو امنه معاو كل الفي راسو انو الكلام ده كزب وانو ما حايخسر صحبو..مستحيل يامحمد تتخلى عني انتي دائما بتقولي انو حاتكون معاي وحاالقاك في اي وقت ماتوجع قلبي ياصحبي الدنيا من دونك مابقدر اعيش فيها انت النعمه البشكر ربنا عليها وانا صابر بي وجودك يارب ماتختبرني فيهو يارب ماتاخدو يارب سامحني لو في يوم اعترضتا على حكمك ي االله محمد يارب تحفظو. .امنه بس كل البتردد في رأسها ماتطلعو من العنايه يعني محمد كان موجوع وانا ماحسيت بيهو لي يامحمد ماكنت بتظهر المك لي زول لي ماخليت اصحابك يساعدوك يارب تحفظو يارب تشفي يارب ماتوجع قلبي فيو يارب انا ماقصدي اعترض على حكمك بس انت القادر يارب كل واحد فيهم كان بدعي جواهو انو محمد يشفى ..
احمد في ساعتين وصل المستشفى ونزل يجري حتى ما عاين لي امنه كان بجري على السلم ماانتبه انو يركب الاصانصير كان شايف قسم الكلى بعيد شديد كانت الساعه12بالليل احمد من الدموع ماشايف كان كل شويه بقع في السلم كل الطاقه الجواهو نفذت كان في رعب من فكرة انو ممكن يفقدو لقى عماد جمب باب الغرفه عماد حاول يوقفو بس هو ماكان سامع شي صدمتو كانت كبيره لمن شاف الأجهزة حوالين محمد وقع على الارض وبقى يبكي شكل محمد كان متغير شديد وشو قلب اسود وشكلو شاحب شديد احمد ما كان مصدق انو ده محمد الدكاترة والممرضين حاولو يطلعوهو بس مارضى يطلع كان زي الشافع الصغير الخايف يخسر امو بمسح في دموعو ويقول ليهم خلاص هديت بس خلوني معاو محمد عشره سبعه سنين ماحصل يوم اتفارقو محمد بي ضحكتو وهظارو واحمد بي برودو كانو ثنائي غريب بس كل واحد بحب التاني اكتر من نفسو احمد كان بلوم في نفسو معقوله كل الوجع ده فيك وانا ماحسيت بيك لي كنت بتكزب علي لمن اقول ليك اررح نفحص تقولي فحصت وده فقر دم وكل مرة كنت بتطلع لي مرض ..
امنه كانت في العربيه بتبكي غالبها تنزل تشوفو استغفرت كتير ومسحت دموعها ونزلت وسالت في الاستقبال عن غرفه دكتور محمد وقالو ليها في قسم الكلى الطابق التالت كانت متمنيه يطلع كزب ويقولو ليها انو كويس بقت ماشه وماحاسه حوالينها وطلعت بالسلم برضو لمن وصلت الممر حق الغرفه حست بي رعشه في جسمها عماد لمن شافها اتخلع قال ليها أمنه الجابك شنو قالت ليهو عايزة اشوفو وبتبكي هو ماكان فاهم حاجه دخلها حست الدنيا وقفت عند لحظه ماشافتو معقوله ده محمد ده
محمد الوشو منور بالضحك والهظار هو كيف وصل هنا كيف يامحمد وصلت المرحله دي كيف استحملتا الوجع ده براك..
