Rank 1st love story (23/08/2019)
Rank 1st short story (25/11/2019)
Rank 1st fiction (19/10/2019)
Rank 1st marriage (12/2/2020
Rank 1st sentiment (10/12/2019)
Rank 2nd romance (10/12/2019)
Ranj 1st lovable (9/03/2021)
காதல் சில நேரங்களில் நாம்...
என் கண்கள் மட்டுமல்ல என் ஒவ்வொரு அணுவும் உன் முகம் பார்த்தே உயிர்க்கின்றன... வருவாயா சிம்டாங்காரா... 🌹🌹🌹🌹
நிறைமதியும் அவள் அண்ணியும் மணப்பெண்ணை அழைத்து வந்து பெண்வீட்டாருக்கு நடுவில் அமரவைத்து விட்டு, தன் குடுபத்தினர் அருகில் அமர்ந்தனர்.
அதே வேளையில் அவர்களை நோக்கி வந்த மேகனை பார்த்த நிறைமதிக்கு, இளஞ்சாரல் மழையில் நனைந்ததைப் போன்று சிலுசிலு வென்று மனம் குளிர்ந்தது. அவளையும் அறியாமல் முகம் மலர்ந்து சிரித்தாள். பின் சூழ்நிலை புரிய, தன் அப்பாவிடம் மேகன் வந்திருப்பதை கூறினாள்.
அவர் விரைந்து சென்று மேகனை வரவேற்றார். தங்களின் குடும்பத்துடன் சேர்ந்து அமருமாறு கேட்க, பரவாயில்லை, இன்னும் சிறிது நேரத்தில் என்னுடைய தாத்தா வந்து விடுவார்கள்... நீங்கள் உங்கள் சம்பிரதாயங்களை ஆரம்பியுங்கள், நான் இங்கேயே இருந்து கொள்கிறேன்." என்று கூறிவிட்டு சற்று தள்ளி நின்றபடி இங்கு நடப்பதை பார்த்துக் கொண்டிருந்தான்.
'இவன்தான் கோயில் நிர்வாகியா? இவனை எங்கேயோ பார்த்திருக்கிறோமே!' என்று நிறைமதியின் இரு அண்ணன்களும் யோசித்தபடியே மேகனைப் பார்த்தனர்.
மேகன் வந்ததிலேயே, 'அவனும் விரும்புகிறானோ?' என்று, மனம் சிறகடித்து பறக்க ஆரம்பித்ததால், நிறைமதியின் முகம் இன்னும் பொலிவடைந்தது. தோழிகளும் அதையே நினைத்தபடி, மேகனையே பார்த்துக் கொண்டிருந்தனர். இன்னொரு ஜோடிக் கண்களும் நிறைமதி யையே பார்த்துக் கொண்டிருந்தது. அது மணப்பெண்ணின் ஒன்று விட்ட அண்ணன்.
மேகன் நின்றுகொண்டிருந்த இடத்தில் இருந்து பார்க்கும் பொழுது, நிறைமதி மணப்பெண்ணாக நாணம் கலந்த சந்தோஷத்தில் தலை குனிந்து இருக்க, அவளுக்கு எதிரில் மணமகன் அமர்ந்து பெண் பார்ப்பது போல இருந்து தொலைத்தது.
Oops! This image does not follow our content guidelines. To continue publishing, please remove it or upload a different image.
