சிம்டாங்காரன் (இனிதே நிறைவடைந்தது)

12.

கண்களில் உன்
நினைவுகளை விதைத்து,
கண்ணீரால் வளர்க்கிறேன்
வருவாயா சிம்டாங்காரா..
      🌷🌷🌷🌷🌷🌷

மேகன் படிகளில் இறங்கி டைனிங் ஹாலில் அமர்ந்திருந்த அம்மாவிடமும் ஆச்சியிடமும்,

"நான் சிபியோட அண்ணா வீட்டுக்கு போயிட்டு வரேன்." என்று கூறி பைக் ஐ எடுத்து கிளம்பினான்.

சிபியின் அண்ணன் தமிழ்நாட்டு பெண்ணைத் திருமணம் செய்துகொள்ள விரும்பி, திருமணம் செய்து தமிழ்நாட்டிலேயே நிரந்தரமாக குடியிருப்பவர். சிபியின் அண்ணன் ஆதித்தன், அண்ணி ஜானகி, இவர்களுக்கு ஒரு பையன், ஒரு பொண்ணு. பையன், தீபன் கல்லூரியில் முதல் வருடம் படிக்கிறான்... பொண்ணு தீபிகா மெட்ரிக் பள்ளியில் பத்தாம் வகுப்பு படித்துக் கொண்டிருந்தாள்.

சிபியின் அண்ணன் வீட்டினர் ஒவ்வொருக்கும் ஆஸ்திரேலியாவிலிருந்து பரிசுகள் வாங்கி வந்திருந்தான் மேகன். அதை அனைவருக்கும் கொடுத்து விட்டு, எல்லோரும் சேர்ந்து அரட்டை அடித்துக் கொண்டிருந்தனர்.

பிறகு சிபியையும், மேகனை யும் தனியே விட்டுவிட்டு மற்றவர்கள் அவரவர் வேலைகளைப் பார்க்கச் சென்றனர். சிபியும், மேகனும் வீட்டின் பின் பக்கமுள்ள தோட்டத்தில் பேசிக்கொண்டிருந்த போது, வேகமாக ஓடிவந்த தீபிகா,

"மாமா! என்னைக் காட்டிக் கொடுத்து விடாதீர்கள்." என்று இருவரிடமும் பொதுவாக கூறிவிட்டு, அவர்களுக்குள் பின்னால் இருந்த மரத்திற்கு பின்புறம் ஒளிந்து கொண்டாள். யாரிடமிருந்து ஒளிந்து கொள்கிறாள் என்று ஃபரண்ட்ஸ் இருவரும் அவள் வந்த வழியைப் பார்க்க, பத்து நிமிடம் கழித்து தீபன் வந்தான். மேகனையும், சிபியை யும் பார்த்து விட்டு மீண்டும் வீட்டிற்குள் ஓடினான்.

"தீபன், உன்னைத்தான் தேடுகிறானா? ஒழிந்து பிடிச்சு விளையாடுகிறீர்களா என்ன?" என்று சிபி, தீபிகாவிடம் கேட்டான். அதற்கு அவள்,

"உஷ்ஷ்ஷ்!" என்று குவிந்த உதட்டில் விரலை வைத்து சொல்லி விட்டு, மீண்டும் வீட்டின் கொள்ளைப் புற வாசலையே பார்த்தாள். அவள் கண்களில் சிறிது பயம் தெரியவே,