சிம்டாங்காரன் (இனிதே நிறைவடைந்தது)

35

மிருத்திகா எங்கே இருக்கிறாள்? என்று தெரியாததால், வழக்கம் போல மேகன் நிலாவிடம் உதவி கேட்டான்.

காதலித்ததால், தன் வீட்டிலும், சமுதாயத்திலும் மிருத்திகா நிறைய கஷ்டப்பட்டிருக்கிறாள்... இத்தனை துன்பம் அனுபவித்தவளுக்கு காதல் னாலே கோபம் வந்திருக்க வேண்டும். ஆனால் மிருத்திகா என்மீது தீராத காதல் இருந்திருக்கிறது. ஆனால் நான்!... மீண்டும் அவளைத் தொலைத்து விட்டேன். இந்நேரம், என் உயிருக்கும் மேலா நினைக்கும் அவள், எங்கே? எப்படி இருக்கிறாளோ?" என்று கலங்கி தவித்தான்.

நிலா விடம் பேசிவிட்டு தன் அறைக்குள் செல்லும் போது எங்கேயோ பாடும் பாடல் கேட்டது.

"பாடி பாடி அழைக்கின்றேன் ஜாடையாக சேதி சொல்வாய்...
பாதை ஒன்று கண்டுக்கொள்ள நீயும் பாடுவாய்
தயக்கம் என்ன கலக்கம் என்ன தேவி நீ குரல் கொடு.
ஓ பிரியா ஆ ஆ ஆ ஓ பிரியா ஆ ஆ ஆ ஓ பிரியா ஆ ஆ ஆ

ஸ்ரீராமனின் ஸ்ரீதேவியே அனுமான் உன்னை காக்க
சிறையில் மீட்க கடல் தாண்டி வந்தானம்மா
எதிர்போரை வெல்வானம்மா...

என்று பாடிக் கொண்டிருந்தது.

"நல்ல ஐடியா! நன்றி!" என்று நிலவிடம் கூறிவிட்டு வேகமாக அறைக்குள் வந்தவன். சிபி, கதிர்க்கு ஃபோன் செய்தான்.

"ஒரு ஐடியா! செயல்படுத்திப் பாராப்போம்... ஒரு ஆட்டோ எடுத்துக் கொண்டு, அதில் ஸ்பீக்கர் வைத்து, நான் மிருத்திகாவை அழைப்பதைப்போல் பதிவு செய்து, அழகு இருக்கும் ஊரில் தெருத்தெருவாக சுற்றி சுற்றி ஓட விடுவோம். நிச்சயம் மிருத்திகா எப்படி யாவது அவள் இருக்கும் இடத்தை நமக்குத் தெரியப்படுத்துவாள்." என்றான்.

எல்லோருக்கும், 'இந்த ஐடியா மிகவும் சரியாக வொர்க் ஔட் ஆகும்' என்று தோன்ற, அதற்கான வேலையில் ஈடுபட்டனர்.

"ரித்தி!.... நான் இங்கேதான் இருக்கேன் வா! எந்தவகையிலாவது நீ இருக்கும் இடத்தை எனக்குத் தெரியப்படுத்து."

என்ற, மேகனின் வாய்ஸை ரெக்கார்ட் செய்து, ஆட்டோவில் சுற்றி சுற்றி வந்தனர். ஒரு நாள் முழுவதும் ஆட்டோவில் சிபியும், மேகனும் சுற்றி வந்தனர்....