" معذبتى " لنوران الدهشان

كلمة بسيطة 💜

السلام عليكم.. ازيكم يا بنات 🌸
فى كلمتين محشورين فى زورى من اول يوم نزلت فيه اول فصل.. ولازم اقولهم دلوقتى 😂✋

الموضوع الأول.. كان دايماً صحابى والبنوتات اللى قرأوا روايتى.. يسألونى لية تتعبى وتألفى رواية ؟ 💪

هجاوب بالتفصيل على السؤال دة 🌸

أولاً.. السبب الرئيسى.. انى كنت عايزاها ثواب ليا بعد ما اكون فى ذمة الله.. لعل وعسى بنوتة تستفاد من الأحاديث والأخلاق الموجودة بكل شخص فى الرواية وتدعى لى 💙

ثانياً.. الرواية دى أول خطوة فى طريقى للنجاح.. وروايتى القادمة بإذن الله كذلك.. عشان لو ربنا ادانى عمر.. روايتى التالتة هتبقى كتاب 💜🌸

ثالثاً.. كل كلمة كتبتها فى الرواية.. وكل موقف حصل مع أى بطل.. اتمنيتها تحصل فعلاً فى الوقع.. لعل وعسى.. لو روايتى دى اتشهرت.. وفى رجال قرأوها او حتى بنات يعملوا بيها.. وخصوصاً المواقف بين الزوجين ❤✋

رابعاً.. وآخر سبب.. عايزة روايتى دى تبقى سيرة حسنة ليا.. وانا حققت دة فعلاً لما لقيتكم كلكم بلا استثناء قولتوا لى كلام يفرح القلب.. حقيقة بجد فرحت جداً 😊😍

الموضوع التانى.. هتكلم عن بعض الحاجات فى الرواية.. واتمنى تركزوا فى اللى هقوله.. فضلاً 💙

أولاً.. يوسف.. مثال للشاب الملتزم والصبور والمحبوب والحنون.. اتأثرتوا جداً بموته زى ما فرحتوا جداً برجوعه للرواية من تانى.. عايزة اقول ان ممكن اى شخص فينا يبقى يوسف فى أخلاقه.. والموضوع مش صعب خالص.. فقط جهاد النفس الأمارة بالسوء.. وهنبقى أفضل منه كمان.. وممكن برده اى حد فينا يبقى فى نفس موقف يوسف لما اهله شكوا فيه.. ربنا يبعد عنكم الشر.. الواحد بيبتلى بحاجات كتير جداً وبيفكر ان ربنا مش بيحبه.. بس أبشروا.. كثرة الابتلاءات دليل على شدة حب الله ليك.. هو بس بيختبرك.. هتفضل صابر وراضى ولا هتعترض 😉

ثانياً.. مريم.. بنت طايشة اتربت فى بيت مفيش فيه ام وأب متحملين للمسئولية.. سابوا بنتهم فى زحمة الحياة هى اللى تعلمها.. وللأسف علمتها الوحش.. صحاب السوء والبعد عن ربنا.. هقول لكم نصيحة بسيطة * فاقد الصحبة الصالحة فاقد لأول درع يقيه من فتن الدنيا * ودى حقيقة.. أحيانا صحابك بيكونوا اقرب ليك من والدك ووالدتك.. عشان كدة اختار الصحبة الصح اللى تاخدك للجنة مش ترجعك لورا.. كمان بلاش غرور وتسلط.. وخصوصاً فئة من البنات.. طالما مستواها كويس بتتغر على خلق الله ومش عاجبها العجب 😂 الرسول صلى الله عليه وسلم كان متواضع جداً جداً.. احنا نبقى مين عشان نتغر ونتكبر على الناس.. كلنا من طين وكلنا سواسية 🌸

ثالثاً.. حمزة.. مثال للصديق الوفى.. نادراً ما تلاقى فى الواقع صديق وفى ليك.. مش بتغيره الظروف والأيام.. رغم إنهم قلة بس موجودين.. متستناش صحابك يبقوا كدة.. خليك انت كدة.. ابدأ بنفسك.. واتأكد ان دة هيترد لك.. لو مش فى الدنيا يبقى فى الجنة.. رزقنى الله بها وإياكم 💜🌸

رابعاً.. شادى وفريدة وعادل وهشام.. ( مكروا ومكر الله والله خير الماكرين) دى الآية اللى تنطبق عليهم.. ربنا عمى قلوبهم.. خلاهم عبرة لناس كتير.. بعت لهم رسالة واتنين بس مفاقوش الا متأخر.. اوعى تسيب نفسك لحد فوات الأوان.. قبل ما تنام افتكر يومك كله.. اتأكد إنك معملتش سيئة.. استغفروا كتير.. لعلها المنجية ❤💪

كلمة أخيرة بس.. كنت أتمنى أخلى كل فصل فيه على الأقل لو حديث واحد مفيد ليكم.. ودى كانت من أكبر غلطاتى.. لإن مفيش الا فصول قليلة اللى فيها عبرة أو حديث عن الرسول صلي الله عليه وسلم.. وان شاء الله الغلطة دي مش هتتكرر فى روايتى الجديدة.. هغذيها بأكبر قدر ممكن من الإفادة.. وانا شرفنى بجد انى انزل لمتابعين حلوين زيكم.. التعب اللى حسيت بيه فى كتابة الرواية وكل فصل فيها راح بسبب ردودكم المبهجة.. يكفينى تعليقاتكم الحلوة.. ربنا يفرح قلوبكم ويرزقكم بأكتر من اللى بتتمنوه.. وبحبكم من كل قلبى 💜🌸

وبعتذر جداً لأى بنت سواء هنا او ع الفيس لو مرديتش على تعليقها غفلةً منى 💙🌼

أتمنى منكم لو تشيروها لأصحابكم او تعملوا لهم منشن وخلوهم يقرأوها.. فضلاً 🌸

انتظروا منى الرواية الجديدة ❤

#معذبتى..
#نوران_الدهشان