These Three Jerks

XII. The Third

Just a simple recap of the previous chapter: Dominique kissed Eumi for her to know that a kiss won't make her pregnant.

12. The Third

Biglang bumilis ang tibok ng puso ko. Hindi lang s'ya bumilis kung hindi bumilis ng bumilis ng bumilis. Hindi ko nga alam kung paano nakakaya ng puso ko ang ganitong kabilis na pagtibok. Naiwanan akong nakatayo ni pogi sa kinatatayuan ko, ni hindi ko nga maigalaw ang mga paa ko. Nawala ata lahat ng senses ko ng dahil sa halik na iyon.

Paano na 'yan, Eumi? Dalawa ng nakahalik sa'yo, ibig sabihin ba nito ay magiging kambal na ang anak mo? Hindeee! Hindi pwede mangyari 'yun, masakit yun. Masakit yun no! 

Bigla akong napahawak sa labi ko, bakit kaya ang lakas ng epekto ng halik na 'yun? Ano bang meron kay Dominique at napabilis n'ya ang tibok ng puso ko?

"Ahh..." daing ko ng bigla na namang sumakit ang ulo ko. Sa sobrang sakit ay napahawak ako sa hagdanan. Bigla akong napaupo habang sapo ng isang kamay ko ang ulo ko. Para itong binibiyak at tumatagos ang sakit hanggang sa loob ng bungo ko.

Ano bang nangyayari? Tanong ko sa sarili ko. Hindi ko maexplain pero sunod sunod na imahe ang lumabas sa isip ko: dugo, dugo at napakaraming dugo.

Bigla akong natakot sa mga nakikita ko. Tungkol ba saan 'yon? Kasabay ng mga imahe ang pag-iyak ng isang babae. Tanging ang mga sigaw at pagmamakaawa nya lang ang naririnig ko. Mas tumindi ang sakit ng ulo ko, kung kanina ay parang binibiyak, ngayon naman ay parang binubuksan.

"Maawa kayo please..." tinig iyon ng isang babae, halos mabasag na ang boses n'ya ng dahil sa pag-iyak. Maraming dugo sa paligid at tanging pag-iyak n'ya lang ang naririnig ko. May isang lalaking papalapit hanggang sa unti-unting nanglabo ang paningin ko at nilamon na ng tulutan ang paningin ko ng kadiliman.

Pagkagising ko kinabukasan ay parang may kumakatikot ng mukha ko, tinabig ko pa ang kamay n'ya dahil nakikiliti ako. Para n'ya kasing hinahawi ang mga buhok ko na nakaharang sa mukha ko.

"Ano ba.." sita ko at tumagilid ako ng higa. Niyakap ko yung nasa tabi ko, biglang nayupi ang side ng kama ko dahil sa malaking unan na 'to.

Kontento lang ako sa pagkayakap ko sa kanya, bakit ba kasi ang bango bango ng unan ni Dominique? Amoy pogi rin kasi.

"Eumi, wait. Malelate tayo.." bigla akong napabangon sa kama ko.

"Ano?!" gulat na tanong ko at tinapunan ko kaagad ng tingin yung maganda kong orasan sa dingding ng kwarto ko.

"That's your fault. You hugged me, I was about to wake you up pero anong ginawa mo? You wrestled me." wow hah, ako pa pala ang may kasalanan.

"Pwede mag-sorry? Baka pwede?" tumayo s'ya sa pagkakahiga n'ya at inayos ang gusot ng uniform.

"Sure. Apology accepted. By the way, Eumi 'yung tungkol sa nangyari kagabi.." kinamot n'ya yung batok n'ya, at hindi ko na naman mabasa kung ano ang tumatakbo sa isip n'ya, "I'm sorry." sabi n'ya at naglakad s'ya papalabas ng kwarto.