Where Do I Start?

Chapter 8

Chapter 8

Lunod

Second semester na. And here I am, currently sitting at a class but my mind is floating somewhere else. Wala akong maintidihan sa tinuturo ng professor ko.

I can still remember that time during our sembreak.

Flashback

"Let's go swimming!" masayang deklara ni Hannah. Hila-hila nya ang boyfriend nyang si Luke. Accountancy student din like Klare the devil. Ay mali pala. Scratch the devil part.

Natawa na lang kami ni Jacob. At sa likod ko? Hayun, busy sa pakikipag-usap si Tristan kay Klare.

Kahit ako, di ko alam kung paano sya napasama sa lakad na ito. Ang alam ko kasi, kami-kami lang naman ang nagplano nito.

"Pst! Ash, lika na!" tawag saken ni Hannah. Di ko napansin na napatigil na pala ako at nakatingin lang sa dalawang naglalakad sa likod ko.

Hinila na nya ako.

"Hayaan mo na sila. Usap lang naman eh. Wag ka mag-alala, aalma na tayo pag lampas na sa usap." sambit ni Hannah.

Ayaw ko mang aminin, unti-unti ko na palang napapansin ang presence ni Tristan. Minsan nga napapaisip ako, na sana hindi ko na lang napansin.

Kasi simula noon palagi ko nang binibigyan ng kahulugan ang mga kilos at salita nya which is alam kong mali. Dapat hindi ako mag-assume. Mahirap yun.

Kaso mukhang huli na eh. Namalayan ko na lang na humahanga na ako sa kabaitan at katalinuhan ni Tristan. Idagdag pa ang pagiging palabiro nya. One more thing, pareho kaming mahilig sa anime which is a big point for me.

Pero ang mahirap kasi kapag one-sided, palihim ka lang na makakaramdam. Di mo pwedeng ipahalata ang totoong emosyon mo.

At sa ngayon, kailangan kong isantabi at itago ang inis na nadarama ko sa nakikita ko. Sa totoo lang, mabigat ang loob ko kay Klare. Ewan ko ba. Girl's instinct maybe. Yung tipong alam mong threat sya sa kung ano man o sino mang gusto mo.

Nagulat kami ng malaman namin na kasama si Klare. Tinanong ko agad sina Hannah at Jacob tungkol dun pero nalaman ko na si Tristan pala ang nag-invite sa kanya. Makaka-angal pa ba ako? Baka makahalata pa sya.

Nagpasya akong maupo sa duyan na malapit sa dagat. Napaka-aliwalas ng panahon. Wala pa ako sa mood maligo kasi pagod pa sa byahe. Pinanuod ko na lang sina Jacob, Hannah at Luke na magswimming.

Sina Tristan at Klare? Malay ko kung nasaan sila.

October 26, 2013

Para sa'yo,

Gustong-gusto kong magtampo sa'yo. Bakit mo ba sinama si Klare? Di naman sya kasali sa tropa ah.

Di mo ba alam na ayaw ko sa kanya? Ang manhid mo naman kasi.

Tingin mo, paano ko maeenjoy itong bakasyon natin kung ganyan na naiirita ako pag nakikita ko kayong magkasama? Actually, di ko rin alam kung bakit ganito ang nararamdaman ko.