رغم عذابك ألي حبيتك((باللهجه العراقيه))

مشاهد مستقبليه

يله نبدء
-بسم الله-
-صلو على النبي-

مشاهد من الاحداث المستقبليه للروايه..

...دخلت غرفتي وسيدت ألباب وگعدت على ألگاع ودموعي أخذت مجراها ليش ليش طلعت حقير ليش ضنيتك تختلف عن ألبقيه ليش طلعت ماتخاف الله....أبجي بحركه واني أتذكر ديم صديقة عمري ألي حذرتني أني الغبيه الي أعتقدت أنها تغار مني ماصدگتها بس حذرتني أن الموضوع تحدي ويه الشباب عليه....گذبتها حتى هوايه من طالبات قسمنه حذرني وماسمعتهن ماعرف وين چان عقلي...

أني خنت نفسي خنت ثقة أهلي...وألله وبسابع سماه أذا مانتقم منك أذا ماخليك تتحسر على الحچي ويايه أذا ماخليك تتمنى نضره مني مايكون أسمي نور بنت هادي....

☆☆☆☆☆☆

گاعده بغرفتي چان ينفتح الباب بگل قوه...واني اگول هذا أيمت يصير مثل الناس ألاؤادم ويدگ الباب...تقدم الي....ليش رفضتي....ريم"ماريد أتزوج ليش هي غصب خما غصب.....راح تتزوجينه برضاج وأذا ماوفقتي غصب عنچ لا أكسر راسچ شفتيني ساگتلچ وگلتي ماله دخل بحياتي تذكري دگومين ودگولين لخته أنتي موافقه على الزواج لو أطيح حظچ...

ريم بنبره صارخه"ماتزوج من هذا الصايع ماتزوج من هذا الصكط حتى لو تذبحني هاي حياتي وأني حر بيها...
....طلع وقبل لايطلع گالي أريد موافقتچ بلليل فاهمه....طلع وطبگ الباب وراه.

☆☆☆☆☆

گاعده بالحديقه الي قاهرني نور أني صديقة عمرها تبيعني علمود واحد مايسوه وفوگاها ماتصدگني وسفه يالزمن أعز صديقاتي معدها ثقه بيه گلشي سويته علمودها وشنو حصلت محصلت غير ألاتهام والشگ..گلت للگل باني راح أحميها لگن شنو صار لاگدرت أحميها ولا أحمي روحي ورطت روحي ويه ناس ماتسوه....قاطع أفكاري

صوت....لا لاه ألحلو گاعد زعلان بوحده فطرتي گلبي وينه الي وگفت گدامنه وگالت والله اله أفضحكم گدامها شو حتى صديقة عمرج ماصدگتچ....ديم بنبره قويه"أذا مارحت من گدامي أصيح وألم ألجامعه عليگ عابت هل شگل ناس تعبانه
.....محد چبرچ وگالچ تعالي وهينيني گدام أصدقائي وراح أدفعچ الثمن والله.
ديم"ماتخوفني لا أنته ولا عشره منگ وريني عرض أكتافگ روح منا لا تخليني أهينگ أكثر..
......"تا نشوف من يهين منو وألايام بيناتنا...راح واني أردد حقير مستفز...ناس ساقطه..

-سوف يتم تنزيل البارت الاول اليوم بالساعات القادمه ان شاء الله

في الختام

(أستودعكم الله الذي لاتضيع وداعه)