رغم عذابك ألي حبيتك((باللهجه العراقيه))

part-5

يله نبدء
بسم الله
-صلو على النبي-
اني ودا أرگض أصدمت بواحد فات للمستشفى يرگض...لو ماتدارگت الموقف گان وگعت على الگاع...عاد عاط عليه"أنتي عميه ماتشوفين ترگضين مثل جهال....

ريم"ألله هم طولگ ياروح الله باليني بناس همچ...
سمعت صوته يگول عيدي شگلتي..

ريم"گلت ناس همچ.....مشيت وعفته....واحسه يغلي من الغضب......رحت مستعجله وفتت للعنايه انطيتهم لعلاج .....

طلعت وچان أشوف هدى حاضنه هذا الي شفته گبل شويه وتبچي....بس شافتني أبتعدت عنه وگالت...

هدى"أعرفچ هذا أخويه الصغير أسمه معتز رجع من الخارج قبل أسبوع..اني أذگر حجيتلگم عنه بس ماصار فرصه تلتقو...

ريم"تشرفنه بمعرفتگ....مادام أخوچ يمچ هسه راح أروح أودي تحاليل مموجوده بالمستشفى للمختبر احللهن واجي...

هدى"تمام طمنيني عود على نتيجه..

ريم"تمام....رگبت سيارتي ورحت واني اگول من هذا طلع هيچ ثاري اخته هدى سبحانگ الله نفس طينه...

وگفتها للسياره گبال المختبر وفتت لي چوه وسديت الباب بالقفل لن اني اليوم قررت مفتح المختبر وبلغت حلا وياسين.....أخذت العينات وگعدت احللهن..طلعت النتائچ....عدهم التهاب بالجسم....وأبو صفار صاير عدهم......

خابرتني هدى گلتلها ابو صفار عدهم والتهاب وهسه مسافة الطريق واگون عندچ......وصلت المستشفى شايله التحاليل بيدي چان يطلع بوجهي معتز...

معتز"شون أخوچ يسمحلچ تسوقين سياره..

ريم"گلتها بنفسگ أخويه واخويه معنده مانع لذلگ لاتدخل ولاتضيع وقتي..

معتز"أخوچ ماعلمچ تحترمين الي أگبر منچ..

ريم"شوف أعصابي لحالها تلفانه لذلگ گلمه زياده راح أشوفگ وجهي الثاني.....

مد ايده وسحب التحاليل من أيدي ومشه....

ريم"هي شبيگ رجع تحاليل أريد أنطيهن للدگتور.....

معتز"أولآ اسمي...معتز مو هي...

ثانيآ ميحتاج أني دگتور وراح أهتم بيهم...

ثالثآ"يراد واحد يعلمچ الاحترام تا تحترمين الي أگبر منچ لو عندي وگت چان علمتچ من منو اني راح اروح لن مريد اضيع وقتي مو لغير شيء.

نبرة التگبر الي بصوته أستفزتني...

ريم"أني محترمه قبل ماشوف ناس مثلگ وأنت الي غلطت عليه وانت الغلطان مو اني وباي حق واگف أهنانه وتحچي ويايه ولي مناه لا أگول لمازن عليگ أدبسزز...