رغم عذابك ألي حبيتك((باللهجه العراقيه))

part-33

يله نبدء
بسم الله
-صلو على النبي-

ديم"بس لاصرت ولي أمري واني ما أعرف.
فارس"أني اترخص بس فكري بكلامي أنتي دا تاذين روحچ.... كملت طريقي واني أفگر هذا شبيء سبحانك الله كل شويه شگل مره هادئ مره خبل مره يهدد مره ينصح.....قررت تجاهله هو أحسن حل خليني أرگز ع الامتحانات أحسلي...

☆☆☆☆☆☆☆☆

محافظة صلاح دين
بيت ابو هشام
عند رنا

ماصار أي شيء بعد الرساله الي أرسلها الي... ماشفته ولا سمعت اي خبر عنه...

اني وگاعده بغرفتي خالتي ام ثامر خابرتني...

رنا"ياهلا بخاله شلونچ اخبارچ عساچ بخير.

ام ثامر"هلا بيچ يابنتي گلنه بخير مادگليلي وينچ شو رحتي لهلچ بدون ماتگليلنه لوما ثامر گاللنه انو رحتيلهم زياره لوما هو گاللنه گان لحد الان ماندري غير تنطينه خبر.

رنا"مو هشام صار عنده شغل اهنا فقررت أروح وياه..

ام ثامر"گليلي يابنتي واعتبريني مثل أمچ ثامر زعلچ بشيء سمعچ شيء تا تروحين لهلچ بهيچ طريقه..

صفنت بحچيها شنو أگلچ يخاله انو ثامر مايحبني وبس تزوج صار يهيني واخر شيء ضربني شنو أگللكم انتو دمرتو حياتي بس جبرتو يزوجني الله يسامحه ويسامحكم...

ام ثامر"الو وين رحتي بنتي.

رنا"الو خالتي وياچ لا ماعندي شيء وياه وثامر مامقصر وياي باي شيء ربي يحفظه اني أشتقت لعمتي وچيت أشوفها..

ام ثامر"أيمت تچين يابنتي..
ياربي هسه شنو أسوي شنو أگللها..

ام ثامر"شوفي يابنتي ثامر گالي أنو انتي زعلانه منه ليش يابنتي ثامر سوالچ شيء..

رنا"أعذريني خاله ماردت أزعچچ وافتح وياچ الموضوع واتمنه مادگولين لبابا شيء أني ماريد أگون عقبه بحياته خلي يرتاح يخاله أمانة الله لاتحاچينه ماله دخل بس أني أحس روحي ماگدر أعيش وياه هو مامقصر ويايه بشيء خليني أشوف حياتي وربي يسعده ويوفقه ويه هيفاء..

ام ثامر"يابنتي لاتكسرين بخاطري ترضينها تعوفين زلمتچ بوحده.

رنا"ماعاش من يكسر خاطرج بس يخاله ثامر مرتاح والله يديمها عليهم أعذريني اذا تگدرين تساعديني يخاله أتمنه تخلينه يطلگني گلشيء ماريد غير الطلاگ.
ام ثامر"طلاگ شنو أستهدي بالرحمن يابنتي لاتضعين مستقبلچ وتذگري أنت وافقتي ع زواجه شنو راح يگولون ناس..