رغم عذابك ألي حبيتك((باللهجه العراقيه))

part-34

يله نبدء
بسم الله
-صلو على النبي-

گمشت تلفوني وتوني ردت أشغله اخذ التلفون من عندي..

رنا"شبيك تخبلت أنطيني تلفوني نزلني نزلني..

ثامر"گلمه اخرى واقسم بالله أنو راح اشمر تلفونچ وانتي أختاري..

گاعده ع أعصابي هذا أگيد تخبل وچان يسوق بسرعه الف علامة أستفهام صارت براسي شلون وصلت سيارة هشام عنده وهذا وين ماخذني يربي ماعرف ليش خفت واني أباوع علي مبين من شگله معصب وشگله هامله مطول اللحيه والشعر.....گعدت أستغفر ربي..
بعد مرور بعض الوقت

وگف بطريق معزول وگان أگو زرع بگل مگان....
نزل من السياره...واجه بتجاهي فتحلي لباب ..

ثامر"أنزلي...

نزلت من السياره وطبگ الباب بقوه..

رنا"ليش چبتني أهنا...
ثامر"خلينه نتفاهم ماريد احد يدخل بشيء لذلگ چبتچ مگان مابيه احد.

رنا"أنت أگيد أتخبلت ماگو شيء نتفاهم بيه رجعني للبيت أحسلگ.

ثامر"أحترميني يارنا دام النفس عليچ طيبه.

رنا بنبره ساخره"وعلساس هسه نفسيتك تخبل گلتلك شنو الي اريد ماگو بيناتنه حچي.

ثامر بنبره معصبه"منو الي لعب بعقلچ وگالچ اطلگي منه چاوبي...

رنا"أنت تخلبت دا تتهمني بتهامات باطله اريد الطلاگ بسبب تفكيرگ المريض تدري شنو مانقهر عليگ انقهر ع خالتي لن عدها أبن مثلگ..

ماخلصت حچي تقدم من عندي...رفع يده تا يضربني توقعته يضربني بس ماضربني گمشني من ياقة ملابسي وقربني اله وگالي بصوت غاضب مليان شر.

ثامر"لصبري حدود يارنا لاتتحديني تره مستعد أموتچ وادفنچ اهنا ومحد يدري عنچ چاوبي..

رنا"عن شنو أچاوبك عن تخيلات الي أنت صنعتها بسبب عقليتگ ال..ماگملت گلامي ماحست أله براشدي قوي خله أذني توش حسيت بقهر....گعد يهزني بعصبيه..

ثامر"جاوبيني منو لعب بعقلچ...
أنفچرت خلي يحچي اي شيء المهم أطلگ منه گلت بدون تفگير..

رنا"محد لعب بعقلي بس أني أحب واضن الحب مو
حرام أريد اسس حياتي بعيد عنگ مثل مانت أخذت الي تحبها أني اريد اخذ الي أحبه.....ماحسيت أله براشدي أخر وگعني ع العشب......حسيت روحي مفوله..

رنا بنبره مليانه قهر"طلگني شبيك ماتفتهم ماحبك طلگني...

ثامر بنبره لاول مره أحس القهر بصوته"أنچبي لا ابتلي بيچ هسه لاتذگرين رجل اخر گدامي شلون يطاوعچ ضميرچ تخونيني وانتي ع ذمتي ماتخافين من ربچ ماتخافين تشوهين سمعتچ مخايفه ع أمچ هي وبگبرها يگولون ماعرفت تربي بنتها...