رغم عذابك ألي حبيتك((باللهجه العراقيه))

part-24

يله نبدء
بسم الله
-صلو على النبي-

نور"اي عادي اشرحلك اهنانه..

محسن"تگدرين تجين ويايه وتشرحيلي بالمكتبه المركزيه لن هم اكو اشياء مفاهمها..

عبدالعزيز"ماگو وقت هسه والامتحان راح يبدي لذلگ اذا مفاهم شيء گلي اني اشرحلك وعوف البنات بحالهم لن گل المسائل اني ضابطها..

محسن"انت شرحگ سريع ونور گالتلي راح تشرحلي لذلگ تعالي ويايه للمكتبه المرگزيه..

أرتبگت من الموقف واستحيت ارفض بس صوت ديم قاطعني.

ديم"عبدالعزيز ومحسن اذا عدكم خلاف بينكم صفوه بعيد عنه ثانيآ يامحسن عندك سؤال أسئله اهنا واذا معندگ لاتضيعون وقتنه دا ندرس وروحو تفاهموو بيناتكم واحد يدرس واحد وقابل متعرف سوال الرابع اسهل سوال حتى المقاري يحله.

محسن"بس معندي هذا السؤال وسمعتهم يسولفون عنه وخفت لايطلع صعب واجيت لنور تشرحلي لني امون عليها وهي بنت منطقتي..

☆☆☆☆☆☆
عند ديم

حچه محسن واني اعرف نواياه عبالگ اكو شيء منافسه بينهم ع نور فسويت شگيت ورقه من السجل ومديتها اله.

ديم"تفضل يامحسن سوال الرابع وحله واذا ماتصير زحمه ياعبدالعزيز روح وياه واشرحله السؤال.

اخذ الورقه ومبين علي الانزعاج اما عبدالعزيز راح وياه وهو مبتسم..
☆☆☆☆☆☆☆☆

عند عبدالعزيز

تحچچت بحچه التعريف علمود احچي ويه نور الي زعجني چية محسن هذا اگيد دا يتحداني وگدامي يتقرب من عدها وفوگاها تجاوبه وتحچي وياه يدور يستدرجها للمگتبه المرگزيه ويگعدون اهناگه بحچة الدراسه والطلاب تبدي طلع اشاعه عدهم اشتعل دمي واني اشوفه هيچ تمنيت اضربه بس ماريد اخرب صورتي گدام نور فگلته اني اشرحلگ بس مسمع حچي...وانتظر يسمع ردها شفت تردد ع وجها واني ادعي بگلبي اگول ان شاء الله ترفض..

لاول مره تعجبني ديم صراحه قصفته محسن وحطتني وياه بس بردت نار گلبي بردها لو بيدي أشگرها بس مگدرت اشگرها

وطلبت مني اشرحله رحت واني مبتسم واشوف ملامح محسن الي بدت تتغير...

عبدالعزيز"يله محسن خليني اشرحلگ اگو شيء مفاهمه..

محسن"شگرآ ماحتاج شرحگ واريد أگلك ابقه بعيد عن نور تراها بنت محافظتي..

عبدالعزيز"والنعم منكم بس بصفتگ شنو تا تدخل بشيء مايخصك..

محسن"بصفتي ابن محافظتها..