رغم عذابك ألي حبيتك((باللهجه العراقيه))

part-7

يله نبدء
بسم الله
-صلو على النبي-

معتز"بس اني أريدچ أنتي تشتغلين على تحليلي.

ريم"عندي گلام واحد يعچبك لا ميهمني أذا ماتريد ياسين يسحبلگ الدم ويشتغل علي تحليك فغادر ولاتخليني أطردگ هسه..

معتز"واني منتظرچ تطرديني وتصير فضيحه وتا نشوف أخوچ مازن راح يسگت على هذا الشيء لو لا...
لاحظت حلا وياسين يباوعون علينه وماتدخلم وحلا تبتسم.....

ريم"الله ياخذگ أبقه اهنانه للصبح مايهمني...
گعدت أشتغل واني مفول عندي الضغط واحس اصابعي بس تضرب على الكيبورد تريد تگسره...

ياسين"دكتور معتز شرائيك اني أسحب منگ دم وهي تحلل لن ريم أبد ماتسحب من أي رجال دم...

معتز"لعد ليش صارت محلله..وفوگاها ماستر..لعد ليش مخلصتي الدگتوراه بطريقچ..

ريم"هذا الشيء ميخصك.

معتز"عندي گلمه وحده وماثنيها ريم تچي وتسحب من عندي دم وأذا ماقبلت تسحب معندي شيء أخسره أگعد أهنانه للصبح...بس هذا الشيء راح ياثر على سمعت مختبرگم..والقرار راجع الگم

ياسين"ريم نفذي طلب دكتور معتز لن شگله مصر ومايصير نرفض طلبات المرضى...واذا أحد سمع بعد محد يجينه..

گعدت أباوع عليه ياربي ماگو أنسان مستفز مثله قحط أماگن عاف المختبرات گلها واچه على مختبري.....هزيت راسي لياسين بالموافقه وقررت أنسه منو هذا الانسان لگدامي لحظه..

ياسين"تعال ويايه على غرفة السحب وهسه تجي ريم
تاخذ منگ دم....

شفت معتز گام وراح أخذت سرجنه ولبست گفوف واخذت الادوات المطلوبه.....طلع ياسين وبقه هو گاعد.

ريم"مد أيدگ تا أسحب دم...
لاحظت أبتسامته وهو يباوع عليه.گام وگف گبالي..

معتز"أنتضري دقيقه مد ايده بجيب سترته وطلع من چيبه أنبوبتين دم....هاي العينات موچود اسم المريض عليهن راح أدز عليهن بعد ساعه ونص..

.باوعت عليه باستغراب...

معتز"واني بالاصل مچيت أسوي تحاليل چيت لا أثبتلچ الي أگوله أگدر أسويه مثل ما مشيت گلمتي عليچ يچي يوم وأعلمچ شلون تحترميني..

ريم"أنت ماتستحي چاي على مختبري وتهدد وخاف متعرفني أني ماخاف لامنگ ولا من أحد غيرگ أخاف بس من الي خلقني لذلگ أنقلع من گدامي لا أنادي ياسين عليگ يطلعگ اني لخاطرهم سگتتلگ...