رغم عذابك ألي حبيتك((باللهجه العراقيه))

part-26

يله نبدء
بسم الله
-صلو على النبي-

سقت سيارتي بتجاه مختبرها

واني گل عقلي يمها خايف لايصير عليها شيء بسرعه وصلت مختبرها شفت الباب مفتوح يابه هاي معدها اي حذر ابد...

.فتت وبحثت عنها ماگو بالصاله..تذگرت غرفة الاجهزه فتت چوه بساع لگيتها دا تشتغل ع التحليل ومندمچه ماردت اقاطعها استندت ع الباب وگعدت اباوع عليها

هي ودا تشتغل ماسويت اي صوت ماردت أزعجها گعدت اراقبها واني اگول والله ياجاسم لو تدري صديقگ عايف المستشفى والعياده ومگضيها يلاحگ هل عنيده اله تنصدم صرت مافرق عن المراهقين بشيء....

رفعت راسها وشالت الورقه ومبين عليها مخبصوه تمشيء وعينها بالورقه.......

.بقيت واگف مگاني وهي تتقدم بتجاهي اخر شيء رادت تصدم بيه..

ريم بنبره خائفه"يمه...

معتز"أسم الله ع گلبچ لاتخافين..

ريم"شعندگ جيت اهنا وفوگاها واگف لاصوت ولا حس.

أگول بداخلي أچيت تا اشوفچ وتمتلي عيني من نضرات عيونچ چيت احرسچ من گلشيء ولوبيدي احميچ من الشمس لاماتخرب لون بشرتچ الحلوه.

ريم"شبيگ ساگت چاوب.

معتز"چيت تا اشوف التحاليل الي دا تسوينهن وردت اشوف النتائچ خاف تحتاچ المريضه تحاليل اخرى وگلت ميحتاچ نرجعچ مره ثانيه وبس شفتچ تشتغلين ماردت أزعچچ وقررت أنتظرچ واصلن توني جيت مصار دقيقه.

ريم"تمام شوف هاي النتائچ قبل ماطبعهن..

معتز"تمام....

اخذت من عدها الورقه وگعدت بصالة المختبر أقراهن وشفتها واگفه بعد مترتين عني....

معتز"زينه التحاليل ماعدها شيء يخوف..

ريم"اي شفتهن ومستغربه بالحاله الي شفتها بيدها والضربات الي عليها توقعت عدها نزيف داخلي..

معتز"اي مو امها للمريضه گالت بس سالتها...

گالت واگعه من فوگ درج وابو الگسور گايل معدها شيء ومحولها علينه لن صاير عدها تقيء وتعب عام.

ريم"سوال وانت گونگ دكتور صدگت بانها واگعه من فوگ درج..

معتز"تچينه أهوايه حالات باليوم گونه اطباء اذا ندقق وره حچي الاهل راح نتحول الى محققين شرطه هاي أمور عائليه ماندخل بيها وتا ترتاحين هاي اثار ضرب مو وگعه من درچ وعدها ارضوض لانها تعرضت لضرب قوي بس مو بيدنه نسوي شيء.