رغم عذابك ألي حبيتك((باللهجه العراقيه))

part-2

يله نبدء
بسم الله
-صلو على النبي-

رائد"أتحداك تسويها بدال ماصارعنه بأن البنات يرگضن وراگ شو نور حتى بالغلط ماتباوعلك.

عبدالعزيز بكل ثقه وغرور الدنيا بيه"ماعاش من يهين أبن ناصر اني لو طير بالسمه أريد أطيحه خليته يطيح مو خلك بنيه....أنطوني مهله بالاكثر شهرين أذا ماخليتها ترگض ورايه مايگون أسمي أبو العز.

فارس"على گيفك بينه هيرتيك روشان لحد يحسدك..

عبد العزيز"هسه أني راح أطلع للبيت لن ماعدنه محاضرات بس كدامكم رائد راح تترك گلشي وتترك ألبنات وتلتهي بدراستك منا ورايح...

طلعت من الكافتريا واني أفكر هل شيء راح أسؤيه صح لو غلط......اني ودا أمشي شفتها كاعده ويه صديقتها على المسطبه بحديقه الجامعه.........تنهدت وگملت طريقي خارج الجامعه......

سقت سيارتي ورجعت للبيت..صليت وأتغديت بعدها أرتاحيت... وگعدت أباوع على ألكتب..چنت أباوع على الكتب بس عقلي مو يمهن عقلي بگلام رائد..ماعرف شگد مضه من الوقت واني على هذا الحال...بعد مرور الوقت بعد أذان العشاء...أجه بابا من الشغل.وتعشينه بعدها ...گعدت بصفه.بالصلاه....

عبدالعزيز"ألله يقويگ يبه.

أبويه"الله يدم عزگ يا أبني..أگلك مافگرت تچي تشتغل ويايه وتساعدني......

عبدالعزيز"تعرفني والله ما أحب هاي الاشغال وعندگ عمال هوايه ومايقصرون ولد عمي وخالي يشتغلون وياگ حتى مرات جاسم يساعدگ أذا فد يوم تحتاجني أساعدك بس أشتغل مستمر وياك أعذرني يالغالي تعرف طموحاتي واهدافي..

أبويه"مادام خشمي يشتم الهوه مستحيل أجبرك على شيء وأي شيء تحتاجه أمانه گولي مايردك اله ألسانك ماريد أبدآ أبن ناصر يحتاچ شيء واني عايش..

عبدالعزيز"تسلم ماتقصر والله عندي خير من ألله وممحتاچ شيء...بده يسؤلفلي عن مشاريعه .....چان تچي ماما.....

امي"ماتعبتو شگد تحچون گله بس عن الشغل...ودخيلگ ياأبو جاسم لاتعب روحگ..

عبدالعزيز"گولي خايفه على الحب مالتچ من البدايه..

امي"أنت أيمت تبطل سوالفك الي بگدك أبنهم يرگض وراهم...تزوج وخلصني.

عبدالعزيز"روحي انتي ياحياتي عندچ جاسم متزوچ وهذا الشيء حلووو واذا تردينهم يمچ راح أگللهم بعد لاتسافرون علمودها راح أخليهم يگعدون گبالچ اربع وعشرين ساعه..

أبويه"عوفيه على راحته خليه حر لن ألزواج هم ومسؤليه..

امي بنبره زعل"أني صرت هم لعد زعلت..