رغم عذابك ألي حبيتك((باللهجه العراقيه))

part-4

يله نبدء
بسم الله
-صلو على النبي-

رگبت سيارتي....ورگب يمي فارس...وصلته لبيته وبعدها رحت للبيت..

مادري ليش أحس فارس يفهمني على ألطاير بدون حتى ماگوله شيء أبتسمت واني أذگر گلشي سويته أليوم أني وياچ والدرب طويل طويل يا نور أله أجيبچ للدرب...اله أجيبچ...بعد دقايق

..وصلت البيت والابتسامه مرسومه على وجهي ...

فتت للمطبخ ولگيت ماما...
أمي"شنو سر هل ألابتسامه...

عبدالعزيز"شنو حرام الواحد يفرح بس يشوف أمه..

أمي"لگ ماتگدر تضحگ عليه..

عبدالعزيز"اليوم بالدوام بدعت والدكاتره گلها يحبوني..

امي"أن شاء الله دوم وأفرح بتخرجك مره ثانيه يارب شرايده غير أشوفگ متونس..صحيح نسيت لا أگلك بيت خالگ عازمينه على العشاء لن اليوم جيت جاسم ومرته وجهاله من الخارج وماقبل تصير العزيمه يمنه گالم تصير يمهم علمود بيتهم گبير وگلها تلتم وهم مناگ أشوف اختگ بس گبل لانروح خلي ناخذلهم شيء ويانه ميصير نروح وأدينه فارغه...

عبدالعزيز"دللي گلشي تردينه أجيبلچ ياه تامرين أمر.

امي"مايمر عليك ظالم وحاقد وحسود يارب..

فتت لي جوه أرتاحيت شويه بدلت ملابسي...وخلصت گلشي وعاد طلعت....للسوگ أتسوگ ماعفت شيء يعتب عليه من فواگه وحلويات ومگسرات......بعدين رحت اخذت ماما ورحنه للعزيمه لن بابا يطلع مناگ

اجمل لحظه هي چانت بس گلنه مجتمعين واخي فات للديوان تلگيناه بالاحضان....بابا گان يحضن بيه والفرحه مو سايعته....وعاد گل الگاعدين سلمم عليه وحضرم من عمامي 2 هم.سمعت هلاهل جوه هاي خالاتي أگيد گلبنها للدنيه گلاب.....أجمل شيء بس گالوله فوت سلم على أمگ فتنه جوه أول مشافته ماما....حضنته وتبچي لاحضات گانت ماتوصف باي شگل

واختي گامت تبچي وخالاتي دمعن عيونهن.....

ردت ألطف الجو شويه"ليش گل هل بچي على أبنچ الگبير واني صارلي ساعه واگف حتى بالغلط محضنتيني مثله...

أبتسمت ماما وهي تقول"أربعه وعشرين ساعه مگابلني شعندي أسلم عليگ خليني أشبع من أخوگ....

عبدالعزيز"فشلتيني گدامهم.......وبعدها گلها گامت تضحك علينه..

.واني أبتسمت الحمدلله رجع جاسم وهو رايح يساعد بابا على وگت فراغه خليني أگللكم عن جاسم هذا اخويه الچبير دگتور جراحه عامه وراح للخارج يطور مهاراته هو ومرته ورجع...