رغم عذابك ألي حبيتك((باللهجه العراقيه))

part-31

يله نبدء
بسم الله
-صلو على النبي-

اني أنتبهت ع فقره هسه اگيد رائد انتبه ع ياسمين ضمت صورته وهو دا ينتظر يشوف منو صاحب الرسمه

وهسه اگيد أفتهم خطأ وراح فگره بعيد وعباله ياسمين الي رسمته اني واثق راح يصير موقف عجيب فسويت بقيت قريبه من يم القاعه تا اشوف شنو يصير والفضول لعب دور عندي...

..بقيت واقفه وياسمين طلعت وطلع بوجهها رائد السگوت گان سيد الموقف بس النظرات تحچي چنت أشوف العتب بعيون گل واحد بيهم واگفين ومحچم شيء تفاجئت بالي گاله رائد...

رائد"من رخصتچ اريد اعبر...

شفت الصدمه ع وجهها وخلته يعبر انصدمت يربي شنو هذا لازم واحد بيهم يكسر.....قاطع أفگاري صوت هازئ.

فارس"ماتوقعت تگونين فضوليه تره الفضول صفه مذمومه لاتليق بالمسلم ولابصفاته...

ديم"وانت شنو الي يخصك بيه فضوليه مو فضوليه شعندك وين ماروح تطلعلي...

فارس"لايروح عقلچ بعيد چيت اخذ سجلي بالقاعه ناسيه وثانيآ نصيحه لاتبقين بالقاعات بوحدچ بنهاية دوام لن ماتعرفين گلشيء يصير بالدنيه وثالثآ انته الدوام شعندچ واگفه اهنا روحي للخط مالتچ لاتبقين بوحدچ مثل ذاگ اليوم.

ديم"بس لا انت مسؤل عني واني مدري...

فارس"ماليه واهس أرد عليچ..

ديم"أنت شنو الي تريده بالظبط بس روح من يمي ماريد اشوف شگلك باي للغه انت تفتهم مادگلي...

فارس"انتي سئلتي واني چاوبتچ ومامجبور أذگرج گل دقيقه لو أنتي ترديني أذگرج..

ديم"الحچي وياك ضايع....گلت هيچ ومشيت ومانتظرت أسمع شنو الي يگوله مشيت مبتعده عن القسم وعن گلشيء ورحت بتجاه الخط وطلعت ع البيت..

☆☆☆☆☆☆☆☆
جامعة تكريت
عند عبدالعزيز

حيل ضوجني موقف محسن بس اخذ نور وراحت تحچي وياه.....راقبتهم من بعيد شفتهم واگفين يحچون فسويت مشيت بغضب تا ابتعد عن المكان حسيت بروحي مخنوك لحكوني ربعي...

وگفنه وحچينه ورائد شاگ انو محسن يعرف بموضوع الرهان لذلك يتصرف هيچ اني ماحبيت ذگرهم لموضوع الرهان گل شؤيه مذگريني صرت من صدگ اخاف لاتروح تسمع نور بهل موضوع واخسرها..احنه ونحچي طلبت من عدهم بان مايذگروني بموضوع الرهان.

فارس"والحل ياصديقي الوقت دا ينفذ من عندگ ومحسن راح يستغل أي شيء لصالحه.