رغم عذابك ألي حبيتك((باللهجه العراقيه))

part-17

يله نبدء
بسم الله
-صلو على النبي-

ذبيت نضره ديم گاعده ويانه على اعصابها ومعاجبها الوضع بس القريب انها ساگته ومتدخلت...

نور"تسلم هذا من خوفگ ومن حرصگ عليه وهذا يدل على طيب اصلگ...

عبدالعزيز"أنتو أهل الاصل والطيب من رخصتگم هسه اخذوو راحتگم ماريد احد يحچي عليگم شيء من سببي واي شيء تحتاجونه اني حاضر

نور"تسلم ماتقصر ولاديرلهم بال خليهم يحچون طنشهم هذوله يغارون منگ والله وياگ..

رحت واني ابتسم على تصرف نور وفرحان بنفس الوقت يعني مستحيل تعوفني علمود اي شخص

☆☆☆☆☆☆☆
عند ديم

گاعده على اعصابي واني دا اشوفه أشلون يحچي وياه وشلون هي تزحلگت ماعرف ليش دا اشگ بگلامه صدگ اني شفته بس باوعم عليه بس اخذ الورقه مالت نور بس ماعرف شنوو صار الباقي..

والورطه اني شفت محسن بس سحب دفتر من عنده عقلي مدا يجمع أشگ بگلامه بس خلاني شاهده ومگدرت انگر الي صار لازم اجمع ادله ضبطت لساني اله شويه أگله ليش مرحت وصرت ممثل راح عبدالعزيز الشگگني اگثر انتبهت محسن وجماعته عبرم من يم الحديقه وشفتهم يباوعون علينه بنضرات تشبه الاتهام

نور"شفتي خطيه شگد تورط من ورايه شلون ناس بس يحبون يدخلون...

ديم"لاتعصبين عوفيها وتانشوف وين تصل تاليتها...
نور"مافتهمت..

ديم"اقصد مايصير تحكمين بس تسمعين طرف واحد..
نور"اروح اسال محسن..

ديم"الله عليچ ذگيه واني أگول هاي لبنيه طالعه على منووو..

نور"صدگ تمدحيني..

ديم"تروحين تسالين محسن تا تثيرين شبهات عن علاقتچ ويه عبدالعزير انتضري بين مانتاگد.

نور"ماشي....احنه وگاعدين تذگرنه غراضنه وسجلات عفناهن بالشعبه..

ديم"غراضنه عفناهن بالشعبه تا نجيبهن هسه خلصم امتحان ومعدنه بعد محاظره..
نور"يله...

رحنه للقاعه وتوني ردت افوت لو طلع فارس بوجهي ردت ادعمه اله اشويه بس وگفت باخر لحظه.....
باوعلي بنضره حاده وگمل طريقه ومحچه شيء اني من صدمه باوعت على نور....شفتها گامشه ضحكتها....

ديم"شبيچ...

نور"الله يبعدنه فشله لو صاير الموقف...