رغم عذابك ألي حبيتك((باللهجه العراقيه))

part-12

يله نبدء
بسم الله
-صلو على النبي-

حسام"وين جنتي بس گل المدرسه طلعت وين جنتي تصفنين لوما اني جاي چان شصار بيچ يابابه الدنيه متتامن شلون تمشين بوحدچ وبالشارع والشارع يصفر مابيه اي احد وينه عقلچ وينه السانج قبل دقايق غير تعيطين تطلبين مساعده لو السانچ يطلع بس على حسام....

هديل"وانت منو لا ابررلك باي حق واگف تحاسبني..

حسام"بصفتي خطيبچ وزوجچ قريبآ....

هديل"ضحكتني اني رفضتگ ومستحيل تصير خطيبي ولا زوجي بيوم من الايام لذلگ روح وعوفني بحالي..
حسام"قبل دقايق مثل الفاره جنتي ترجفين شمحلات السانچ بس يطلع عليه وتردين اعوفچ بحالچ تا يجي واحد ميخاف الله يتغزل بيچ......تعالي أركبي ويايه أوصلچ على البيت......

هديل"تاگلني ذياب البراري ولا أرگب وياگ وانت هسه شتفرق عنهم هم رادم أروح وياهم واني رفضت وانت هسه مثلهم

حسام بنبره غاضبه"بالله عليچ شايفتني شاب مستهتر ميخاف الله تره الشباب ذولاك هم الي ميخافون الله والله اعلم شنووو رادم يسون بيچ ولصبري حدود لاتعصبيني اكثر.

هديل"اني سمعتي فوگ گلشي هسه شگولون عليه الناس بس يشفوني واگفه وياگ بنص الشارع لا وفوگاها تريدني أرگب وياگ لاصدگ انت مجنون اني بنت محمد والناس تشهد باخلاقنه لذلگ روح من گدامي اعصابي الحالها تلفانه..

حسام"والنعم من بنت محمد واني مو جابرچ امشي گدامي واني ارقبچ بين متوصلين لبيتچ واذا شفتچ تمشين بوحدگ مره الخ أكسر رجلچ فاهمه..

هديل"گلتلك مالگ سلطه عليه ومو بگيفگ تدخل بحياتي..

حسام"يابنت الناس لو أريد أجبرچ من اليوم خليتچ خطيبتي وحتى رأي الناس ميهمني بس اني ماريد أجبرچ على شيء انت ماتريدينه..

هديل"وانت شعندگ تخطبني روح اخطبلگ بنيه بگبر جدي من جيلگ شعندك جاي عليه قحط نسوان واني ماريد أتزوجك قابل هي غصب..

حسام"مو گلتلچ اني بعدني صغير شوفي شگلي واصلن الفرق بيناتنه بس ثمن اسنين بس شنو يفهم مراهقه مثلچ.

هديل"وانت گلتلها بنفسگ مراهقه شتسوي بيه عيني عوفني بحالي لخاطر الله وگلشي ما اريد منك.

حسام"باعي فگري بمنطقيه شويه قبل دقايق بس نقذتچ جنتي ترجفين وهسه شمحلاتچ يعني انتي متخافين مني...

هديل"ومنو گالك اني اخاف منگ گلتلك مخاف بس من الي خلقني..

حسام"عدم خوفچ مني اعتبره من العلامات الي تبشر بخير والدليل ترتاحين بس تحجين ويايه وخاف متدرين صالچ فوگ الخمس دقايق واگفه ويايه..