رغم عذابك ألي حبيتك((باللهجه العراقيه))

part-29

يله نبدء
بسم الله
-صلو على النبي-

(ملاحظه اتمنى منگم دعم روايتي باللغه الفصحى واسمها مهما حاولتي سوف تقعين في حبي والروايه مگتمله هي روايه حاصله ع المركز الثاني في الحركه والاكشن)

معتز
تمنيت اروح الها واخطفها واگللها انتي ماتصيرين لغير معتز بس گلت تصرفات المراهقين ماتلوگلي واگيد أگو سر بالموضوع ويجي يوم اعرف شنو هل سر تا ارتاح ويرتاح گلبي بعد مرور بعض الوقت وصلت محافظة صلاح دين والتقيت ويه جاسم..

.گبال المطعم....
تغدينه بالمطعم شگد اصر انو انتغده بيتهم بس اني رفضت تغديت وگملت وبعدين رحت لبيتهم وگعد ويانه عبدالعزيز....

حچينه شويه بمواضيع مختلفه بعدين اقترح علينه عبدالعزيز نطلع للبره وانو راح تصير گعده شبابيه شگد احب هاي الاجواء والگعدات الشبابيه اعترف اني اهنا بصلاح دين واحس انو مضيع شيء وشيء غالي ع بالبصره لو بيدي هسه اروح واحطها گدامي بس لاگن مو گل مايتمناه المرء يدرگه

☆☆☆☆☆☆☆
م

حافظة صلاح دين
بيت ابو ثامر
عند رنا
يوم الخميس

گعدت الصبح باوعت ع الغرفه وتنهدت هاي الغرفه چانت شاهده ع گل دمعه نزلت من عيني ومعناتي من أول يوم زواجي الى هسه اعاني..
شلت مستمسگاتي فقط داخل جنطتي لن ماگدر اخذ اي شيء وياي لن راح يشگون بيه فتحت باب الگنتور چانت بيه امرايه من الداخل ثبتت رسالتي الاخيره لثامر
وگتبت بيها..

الى ثامر

(هاي اخر گلمات أگولها لگ قبل لاروح وهاي نهاية طريقي وياگ اني ادري بروحي بعد مااگدر ابقى وياگ لا هسه ولا بالمستقبل فالاحسن الگ والي انو بس تقرأ رسالتي دزلي ورقة طلاقي صدگ بس تصلني ورقة الطلاق راح اگون اسعد انسانه ع الگره الارضيه والسبب انت تعرفه اني اتحملت اهوايه وفوگ طاقتي واني متاگده اي وحده ماتگدر تتحمل مثلي تحملت أشياء چثيره تحملت الضروف الي جمعتنه تحملت ورضيت بزواجي بيگ ورضيت بعدم حبگ اليه وبس ردت تتزوج ماعرضتگ ورحت خطبتلگ هيفاء بنفسي بس أگو شيء مدا تفتهمه الى حد هسه

اني انسانه وعندي طاقة تحمل وعندي گبريائي الذي اعتز به فوق گل شيء اني قررت اعوفگ وأسس حياتي من دونك حياة من دون ثامر وتا تعرف تره اني اعيش علمود نفسي مايهمني گلام الناس لا هسه ولا اخر يوم بحياتي وتذگر دائمآ اني لست عصفوره في قفص متگدر تحبسني وتقيدني بهذا الزواج اني أعشق الحريه والحريه موجوده بعيد عنگ ماتحمل تحگمك بحياتي وتدخلگ بيه انت شفت حياتگ واجه دوري أشوف حياتي.ومستقبلي بعيد عنك عندي

گلام اخير أگوله قبل لاروح نصيحه لاتظلم هيفاء مثل ماظلمتني حبها أحترمها ولاتهينها ولاتشگگ باخلاقها ابد واهم شيء لاتظلمها ولاتضربها وتذگر عمر الضرب مافاد ويه المرأه ومايجيب نتجيه لذلگ لاتضربها ولاتفرط بحبها أنت تحبها وهي تحبگ حافظ ع هذا الحب تا ماتعيش طول عمرگ تعيس وتعيش بحسره وندم وتذگر اني مستحيل أگون عائق بطريق سعادتگ وسعادت اي شخص غيرگ ولاتفگر بموضوع الوصيه ولاتدير بال لهلگ او لهلي ثق مراح اطلعگ غلطان وگل المسؤليه علي أنت مالگ دخل بهل شيء ابد....في النهايه يسلمو ع گل شيء وخاف تسأل عني هشام راح ياخذني من المدرسه).....