رغم عذابك ألي حبيتك((باللهجه العراقيه))

part-1

يله نبدء
بسم الله
-صلو على النبي-

🔝🔝الي يريد الاحداث المستقبليه نشرتها فوق

(في محافظة صلاح دين ساعه7:15ص)
في بيت ناصر
عند عبدالعزيز

كعدت صبح بكل نشاط ودا اشسور شعري واسويلي تسريحه چان تجي ماما....شنو هل نشاط من صبح حتى البنات ماصارن مثلك...

عبدالعزيز بكل فخر"غير أني أبن ناصر ولازم أكون گشخه..

امي"أبني أسمعني أسالك سؤال أنته رايح تدرس لؤ رايح تتخطب وتتغزل بنات الؤادم.

عبدالعزيز"ماچابتها أمها الي أركض وراها هن الي يرگضن ورايه واني مامعبر وحده بيهن وين يلگن موظف واعزب وفوگاها دا أكمل دراسه وياگلبي أنتي طبعآ رايح أدرس أنتي تعرفيني أني أبنچ تربيتچ...

أمي"واضح صدگت ربي يحفظك من العين يارب.
عبدالعزيز"راح أروح محتاچه شيء قبل لا روح.

امي"سلامتك يالغالي تروح وترجع بالسلامه..
طلعت وركبت سيارتي ودا أسوق بتجاه الجامعه......

خليني أعرفكم على نفسي..
أسمي عبدالعزيز...العمر25سنه اني بصراحه موظف بالصحه خريج معهد تحليلات مرضيه.تخرجت قبل خمس سنوات...وهسه اني دا أدرس بكلية العلوم قسم علوم حياة مرحله أولى
ت أعلي شهادتي أني ماتهمني الفلوس ماشاء الله ألوالد تاجر چبير بالبصره وعنده أهنانه محلات وعقارات بمحافظة صلاح دين....

خوالي من محافظة صلاح دين بصراحه سكنه صلاح دين قبل9سنوات لن أختي تزوجت أبن خالي فماتحملت الوالده تفاركها ولحكناها...
..وصلت الجامعه ونزلت من السياره ودخلت الجامعه واني لابس مناظري الشمسيه أني ودأ امشي أحس كل الموجودين يباوعون عليه ....تقريبآ كمت أصل قسمي چان يطلع بوجهي فارس.
وحضني..أشتقتلگ ليش مامريتني...

عبد العزيز"عمي مالحگت تشتاگلي البارحه لل12:30احنه سوه..وليش مامريتك ياعيني أنته شعندك تجي من 7الي يشوفك يگول مكطع الكتب دكطع....

فارس"ليش مامالي عينك غير أنته مشايفني بس أشد حيلي أذا ماطلع الاول على القسم ماگون أسمي فارس...

عبدالعزيز"ديربالك عيني لايؤگع السگف علينه...بعد دقايق اجه رائد وعامر وكعدنه نسولف بمواضيع مختلفه چان يصير وقت المحاظره وفتنه للقاعه...بعد دقايق أچه دكتور يدرس مادة علم النبات..
أول مشافني گالي أنته....كتله أني دگتور..گالي أي ليش احد موجود غيرك...وچان يسالني أنته طالب مرحله أولى ماچنت موجود ذأك الاسبوع وشو مبين أكبر من جماعتك...

عبد العزيز"أي دكتور أني طالب أهنانه قناة النخبه قبلتني لاني ألاول على المعهد الطبي قسم تحليلات مرضيه فسمحولي أدرس صباحي أهنانه..