رغم عذابك ألي حبيتك((باللهجه العراقيه))

part-6

يله نبدء
بسم الله
-صلو على النبي-

اني ودا امشي بالشارع أنتبهت سياره واقفه براس الفرع اني متاگده هاي سيارة حسام صخام الصخمه هذا شعنده أهنانه حسيت بالالمان لن ماما دا تمشيء ويايه لن مستحيل يتجرأ يقترب مني بوجودها ويايه...گلت لماما وحاولت يگون صوتي طبيعي شگد ماگدر.
هديل"ماما أريدچ تمرين عليه بنهاية الدوام تا تعرف المدرسه گلها أنو أنتي معلمه ونطلع سوه..

ماما"شعچب هديل عمرچ مفگرتي هيچ...

هديل"أريدچ انتي تمريني ماشي ماما لن ماحب أجواء الابتدائيه..

ماما"ماشي بنيتي دللي..

وصلنه المدرسه وگل وحده فاتت على مدرستها مگانت عندي الجرأه تا أباوع واشوف السياره وين راحت..
بدأ الدوام وخلص...لاول مره أتمنه يطول الدوام تا ماشوفه ماعرف ليش أحساسي يحذرني بالخطر....
.....اجتي وحده من البنات.

.وگالتلي أمچ تنتظرچ يم الباب....فاخذت جنطتي وطلعت الصدمه گانت ماما گاعده بسيارته لي وره والمديره گاعده لي گدام...
ماما أشرتلي تا أرگب....

دا أتقدم للسياره ورگبت واني أجر رجليه چر .....رگبت السياره وگلت السلام عليگم....سمعتهم ردم السلام رفعت راسي لحظه للمرايه الي بالنص وگان أشوفه نظراته بتجاهي ويباوعلي بحقد حسيته دا يتوعدلي حط أيده على لحيته ودا يسوي حرگة بسيطه أني ألج دنگت راسي وصديت بتجاه چامة السياره والقشعريره صابتني...وصلنه للبيت وراح..

ماما"ماشاء الله أبنها شهم گال خليني أوصلگم بطريقي فگلت خلينه نروح بدال مانمشي..

هديل"ماما حبيبتي تعرفيني أني ماحب أرگب سياره أشعر بدوخه فاتمنى بعد ترفضين واذا ردتي خلي يوصلونچ واني أجي مشيء.

ماما"ماشي لاتخافين شفته مصر وماردت أگسر بخاطره ويله خلينه نفوت بالبيت بدل ماوگفين بالشارع...
دخلت اني وماما للبيت واني أگول بداخلي ماما لاتصدگينه ولاتفرحين هذا شخص ميستحي على نفسه ويريد ينتقم من بنتچ.......دخلت غرفتي وخلصت وتوضيت وگعدت أصلي تا أهدي من روحي وگعدت

أدعي" أللهم ربي أبعد عني هذا ألبلاء أني أدري الي سويته غلط يارب سامحني لگن گلشي ماريد بس أبعده عني يالله أحميني وابعد عني هاي الاشگال...أللهم أنك عفو گريم تحب العفو فاعفو عنا)....دعيت هوايه وخلصت وحسيت شويه براحه....شويه....

.صاحتلي ماما أذب الوصخ بالشارع طلعت أذبهن ذبيتهن وأريد افوت وقبل مادخل البيت شفت سيارته وأگفه يم فرعنه وحسيت رجليه أرتخت من الخوف