رغم عذابك ألي حبيتك((باللهجه العراقيه))

part-35

يله نبدء
بسم الله
-صلو على النبي-

ريم"أقصد انت تختار بنيه تحبها وتقتنع بيها وتروح تخطبها.

شفته يباوع علي هو ومبتسم أبتسامته خلتني أشك بروحي معقوله گلت شيء غلط...سگت شويه وبعدها..

معتز"يعني أنتي تريدين أخطب بنيه أحبها واقتنع بيها.

ريم"أي..

معتز"ليش مو أنتي چنتي ماتومنين بالحب.

ريم"اني علمودك دكتور گلشيء يصير بالمستقبل وتروح تبلانه.
معتز"أي شيء يچي من عندچ لو حتى بلوه أريدها..
أرتبگت وماعرفت شنو أچاوبه.

معتز"أذا ردت بنيه وحبيتها وتقدمتلها وهي رفضتني شنو راح أسوي.

ريم"لاتخاف أني أحاول أساعدك لما توافق وماگو بنيه عاقله ترفضك...

سگتت وباوعت علي بصدمه شفته مبتسم يربي معقوله دا يستدرجني بالحچي واني دا أتزحلك بدون مادري يربي ماينتبه ويعبرها للسالفه.

معتز"بس أگو وحده عاقله رفضتني وأسمها ريم ياريم جيت أگلچ سالفه واراح أروح ماريد غيرچ مره راح أنطيچ مهله ثلاث أيام تفگرين وترديلي خبر وأتمنى ماتخذين قرار تتندمين علي الله يشهد يابنت الناس اني شاريچ ولاتدمرين مستقبلچ وريحيني جعل الله يريح أهلچ گلهم.

سگتت وماجاوبت باي شيء چنت أباوع علي جتني فرصه ولي يمي ولازم هل مره أعرف أختار..

معتز"ماگلت هل مره لمازن ماريده يجبرچ ع شيء ماتريدينه بس بلغت هدى بالموضوع واعدتني ماتسولف واصلن هدى تشجعني وحيل تحبچ.

وهسه أترخص راح أروح.....شفته طلع وتوه راد يصل الباب...لحگته...
ريم"أنتظر...
باوع علي.

ريم"أريدك توعدني أنو هل مره تحترم أي قرار أخذه ومتاخذ ع خاطرك..

معتز"أؤعدچ بس أعرفي أختاري هل مره فگري بين عقلچ وگلبچ لاتمشين وره عقلچ وتعوفين گلبچ...

طلع من البيت واني أگول أستودعكم الله الذي لاتضيع وداعه ربي يحفظك من گل سوء وربي يقدرني أنو أسعدك فتت للغرفه أفكر هل أوافق علي لا..

☆☆☆☆☆☆☆☆☆

بيت ابو هشام

عند رنا

گاعده بالبيت ماليه واهس أطلع من غرفتي ولا رحت للدؤام خليت هشام ياخذلي اجازه اسبوع ماريد أطلع وأشوف ثامر حتى بالغلط تعبت مجضوعه ع چربايه ودموعي تنزل