رغم عذابك ألي حبيتك((باللهجه العراقيه))

part-25

يله نبدء
بسم الله
-صلو على النبي-

دا اسمع الي يگولونه وصدگ توقعي اخ يانور لو تسمعين الي دا اسمع انتي بس مجرد رهان بيناتهم ماتحملت وتقدمت بتجاههم..

عبدالعزيز"انتو گلگم ماتعرفون نور بالنسبه اليه...قاطعت حچيه..

ريم"رهان مو أنتووو متراهنين توگعون نور صدگ طلعتو أناس مايخافون الله همكم الضحك ع بنات العالم

عبدالعزيز بنبره مبرره"أسمعي الموضوع مو مثل مامفگره اني مو شخص حقير.

ديم بنبره غاضبه"لعد تصرفگ هذا شنووو تسميه تراهن ويه اصدقائك تا توگع بنيه مسگينه فاهيه متعرف من دنيه شيء بحبگ وبعدين تترگه الي يفگر هيچ لعد شنووو نسميه للاسف البنات صارن ضحايه لناس ماتخاف الله مثلگم..

عبدالعزيز"بس اسمعي حچي وبعدين احچي ع راحتچ..

ديم"شنوو الي تريدني أسمعه اني مو نور الي تصدگ اي حچي ينگال اني اصدگ الي تسمعه اذني والي تشوفه عيوني شلون تريدني أثق بلي تريد دگوله ماشاء الله حتى حسافه بيگم گلمة شباب شلون شله تعبانه انتوو ماتخافون الله فوگاها مگيفين ودا تحچون بالرهان عبالگ مسوين انجاز عظيم شطول الواحد وعرضه ولگن للاسف عقل ماگو..

فارس"أسگتي صرعتينه بحچيچ اذا ماتردين تسمعين حچيه روحي وگافي لغو زايد..

ديم"وانت شنو الي يخصك بالموضوع اني وعبدالعزيز دا نحچي انت ليش تدخل وليش الگاع گاع ابوك تا تطردني.

فارس"شنو دا تحسين واگفه وبنصنه ودا تهينين بينه لذلگ روحي منا وتگفي الشر..

ديم"ليش خايف لا اگمل السوالف عنگم اذا چبيرگم داخل برهان الله ويعلم البقيه شنوو والدليل الي سويته اليوم بس ردت تخوفني بالعنگبوت شنوو عبالگ اعيط وافشل روحي بالقاعه انتو اساليبكم رخيصه واحد يسوي روحه مريض تا يستغل عطف البنيه اله ويحگي قصص وهميه والثانيه....خليني اسگت احسلي..

فارس"گلتلچ ماليه دخل بالعنگبوت واني ماستعمل حيل رخيصه واني حذرتچ سابقآ لاتچين گبالي لاتشوفين شيء عمرچ ماشفتيه انطيچ دقيقتين اذا مارحتي ماراح يعچبچ الي يصير..

ردت أجاوبه لن نبرة صوته استفزتني..

رائد بنبرة مزاح تا يلطف الجو"واني وعامر شو ماذگرتينه يعني الحچي مايخصنه..

ديم"لا مايخصكم وانت يارائد اخذت جزاگ وزايد..

رائد"مافتهمت..