رغم عذابك ألي حبيتك((باللهجه العراقيه))

part-27

يله نبدء
بسم الله
-صلو على النبي

ثامر"ماطلع منا أذا ماتمسحين المگياج الي حاطته وليش حاطه حمره لونها احمر وطوخ..

رنا"واذا مامسحها شنو تسوي يعني تضربني عادي أضربني تزوج النوب عادي بگيفگ تره المبلل ميخاف من المطر گلشيء الي تريد تسويه سويه

باوعت عليه شفت ملامحه اشتد غضب واني أگول الله يستر وربي يگفيني شره

ماحسيت بيه اله يسحبني من أيدي وفوتني للحمام واني...احاول ابعده..

رنا"شبيگ تخبلت عوفني. .

فتح حنفية المغسله مالت الحمام  وحط المي بيده وگعد يمسح وجهي واني أقاومه...

رنا بنبره صارخه"عوفني صدگ انت تخبلت..

ترگني بعد مالاص وجهي گله وصرت نصي مي..

ثامر"هاذا بس تحذير تاتتعلمين شلون تعصين گلامي.

گعدت امسح المي الي غطه وجهي وباوعت ع مرايه.
چان شگلي يخرع والمگياچ سايح.

رنا"عبالگ انتصرت هسه أروح أبدل واتمگيچ واذا خربته أگول لعمووو عليگ.

گمشني من زندي بعصبيه وهزني.

ثامر"لچ عين تحچين طايحة الحظ أسمعي قسمآ بذات الله اذا سمعت گايله لامي ولابويه عن الشيء الصار ماتلومين اله نفسچ..

رنا"حطها بعقلگ ثامر مالگ حق عليه وانت منو لاتدخل بحياتي گافي تره مليت هاي هم عيشه أنت واحد همچي مايخاف الله...

ماحسيت اله براشدي قوي خله اذني توش وصارت عندي شويه دوخه وبعده گامشتني..

ثامر"أني رجلچ احترميني..

رنا بنبره ساخره رغم الالم والحرقه الي تشعر بيها"لا اني مو مرتگ صدگ من باچر أمشيء واعوفگ واتحده الي يمنعني..

ثامر"حاولي تخطين خطوه بره البيت اله أگسر رجلچ.

رنا"أني موسجينه عندگ ولا عصفوره تحبسها بقفص أني أنسان أفتهمت وابعد عني شنو تريد مو ردت تزوج واتهمتني باني السبب وماحصلتها تراگ تزوجت وحصلتها روح عني خليني أتنفس واشوف حياتي
بعيده عنك.

ثامر"مو بگيفچ وماسمع گلامچ وين ماريد أبقه ابقى واليوم عقوبه ماتروحين للمدرسه فاهمه انچبي بالبيت.

رنا"لا والله أذا تريد موتني اذبحني أضربني بعد اقفل علي الغرفه بس صدگ والله ماتمنعني واي فرصه تجيني مابقه عندگ لحظه أروح لهلي ومن هل دقيقه راح اطلع أگول لعمي يؤديني ع بيت اهلي..