رغم عذابك ألي حبيتك((باللهجه العراقيه))

part-10

يله نبدء
بسم الله
-صلو على النبي-

مشيت وگعدت على المسطبه واني بداخلي أگول ديم حيل ظالمه عبدالعزيز وليش تكرهه وماتثق بيه

چنه گاعدين اني ومنى عاد جتي طالبه من شعبتنه اسمها ياسمين.....وگعدت بسدنه وگعدنه نسولف سالتنه سوال فاجئنه..

ياسمين"أنتو تؤمنون بالحب...

نور"اي أني أومن بيه بس مموجد بزمنه..

منى"اؤمن بالحب بعد الزواج فقط وانتي ياسمين..

ياسمين"بصراحه أومن بي لن بابا وماما تعرفو عن حب وبعدها تزوجو لذلك كلتلهم اذا ماعيش مثلكم ماتزوج وشرطي يكون حباب وگيوت من جيل هل وگت..

دا اسمع لكلامها واني انصدمت واشرتلنه على واحد فات سبايكي وجهه مزلوط عبالك معايف خلطه محاطها......

ياسمين"مثل هذا بس هذا ستايله حلو مو شگله.....تنهدت براحه وبعدها فجئه سكتت وشفتها تباوع بتجاه شلت عبدالعزيز وخصوصآ على رائد وشلون يضحك وبعدها راح دخل هو وعامر للمختبر شگلهم متاخرين....

وحسيتها سرحت وبين على ملامحها الالم اخذت ارجع بالايام شويه لي وره تذكرت شلون چانت تحكي ويه رائد بداية دوامنه ويضحكون بس هسه صار معرفت ومردت ادوخ روحي بهيچ سوالف...

منى"وين سرحتي ياسمين..

ياسمين"وياگم چنت افكر صحيح احد گاللكم باجر راح يسون سفره بكلية الزراعه...تحضرونها لا...

نور"معرف بعدني ممقرره بس اذا اكو محاظرات نداوم.

☆☆☆☆☆☆☆☆
محافظة الانبار قضاء رواه
عند هديل

مر يومين واني گلما اطلع اذب زباله ماشوف حسام
هل قرر تركي اخيرآ تنهدت براحه....واني دا امشي بالشارع حلو بس تمشي وتشعر بروحك محد يراقبك
وصلت المدرسه وماما راحت على مدرستها.........

بعد مرور ساعات..طلعت من المدرسه واحس شگل ماما متغير طول الطريق تباوع عليه بديت أخاف معقوله احد حچلها شيء عن الي صار ويه حسام.....وصلنه البيت واني حاطه ايدي على گلبي......

أرتبكت بس ماما گالتلي"هديل أگو موضوع اريد احچي وياچ اكعدي..

كعدت....
هديل"خير شنووو الصاير..

ماما"هديل أنتي گبرتي والي بگدچ عدهم جهال...

صفنت على حجي ماما واني مفهم شنووو تقصد