رغم عذابك ألي حبيتك((باللهجه العراقيه))

part-11

يله نبدء
بسم الله
-صلو على النبي-

معتز"لو اني بمگان اخوچ مستحيل انطيچ سياره وتسوقين وتطلعين بوحدچ الدنيه متتامن.

ريم"بس لا طلعت انت اخويه واني مدري.

معتز"اني مو اخوچ وعمري ماصير اخوچ..

ريم"أذا خلصت محاضرتگ روح من گدامي احسلگ واذا مرحت الم الناس عليگ...صدگ متستحي..

معتز"اني مستغرب شلون خلاچ تروحين ذاگ اليوم بوحدچ بلليل من المستشفى للبيت برأي منطيچ حريه زياده عن اللزوم.

ريم"سوال بالله عليگ ليش حاط روحك بگلشي ومدخل بحياتي...

أبتسم بس سالته هذا السوال..

معتز"لن أريد اعلمچ شلون تحترمين الي أكبر منچ.....وهسه راح اروح لن عندي شغل بس أذگرچ راح نتشاوف أكثر منا ورايح..

ماهتميت لحچيه ورگبت سيارتي....ورحت انسان مستفز بس يريد يزعجني ردت أروح ع البيت بس ماليه واهس وماريد احد يزعجني أشتريت لفات ورحت للمختبر.....

أگضي وقتي بالشغل أرحم من البيت ميت مره.....

وصلت المختبر وگعدت على المكتب..طلع ياسين من المختبر وعاف حلا لن راح يتسوگ......

گعدت گبالي حلا وتباوع عليه وتبتسم..

ريم"خير حلا ضحكيني وياچ شنو سر هل الابتسامه.
حلا"أگو شيء بينچ وبين الدكتور معتز والله من مشاچرتكم ذاگ اليوم واحسكم قراب على بعض..

ريم"لايروح عقلچ بعيد ويمكن تعرفين مازن متزوج اخته لذلگ عباله يتامر عليه وگفته عند حده ماگو شيء اخر..

حلا"تدرين ياسين گالي هاي امور عائليه وميصير ندخل بيها بس اني گتلني الفضول.

ريم"وهسه عرفتي گلشي ماگو ارتاحي..

حلا"تدرين ذگرتيني بلقائي أني وياسين چنه طلاب جامعه وتصير بيناتنه مشاحنات هوايه وگل شخص يشوفنه يگول ناس تكره ناس وصرنه احلا ثنائي وبس يصير عندچ مجال احجيلچ ياهن..

ريم"الله يديم سعادتكم وهسه خليني اشتغل وبعدين نسولف..

كعدت اشتغل وبداخلي أگول اخو هدى شلون يطلع اكيد مثلها يغث الخاطر ياربي ماريد شيء بهل دنيا بس خليهم يعوفوني بحالي وأعيش حياتي مثل ماريد..

☆☆☆☆☆☆☆☆
محافظة الانبار قضاء راوه

عند حسام..
خلصت شغلي ورجعت للبيت..لگيت ماما گاعده بالصاله ويمگن تحچي ويه ست منال....وگطعت الخط..