رغم عذابك ألي حبيتك((باللهجه العراقيه))

part-3

يله نبدء
بسم الله
-صلو على النبي-

ديم"غير هذا الدكتور هسه وگت تقسيم أما هسه لازم أروح راح يفوت گروبنه هسه ديربالچ على نفسچ ماشي ولاتقلقين سبوع الچاي راح نرجع سوه لاتخافين.

راحت ديم واني دا أفكر شخص مثل عبدالعزيز مستحيل يأذي أحد مأگو أنسان شهم مثله حتى
ساعدني بدون ماطلب منه ودا افكر ليش حذرتني ديم شو حتى كلمة شكرآ بالغلط ماكلتله ياها.....

گنت گاعده على المسطبه....بالحديقه وبعد دقايق أجتي منى.....گعدت يمي.....گعدنه نسولف أني وياها...

منى"تذگرت شرائيچ نسوي گروب أحنه الاربعه اني وياج وعبدالعزيز وفارس علمود نساعده..

نور"لا عيني أني ماحب هاي السوالف...اذا أحتاچ شيء احنه نساعده ميحتاچ اله نتراسل.

منى"لعد لاتسولفين لاحد لن هذا الاقتراح اني أقترحته لذلك لاتسولفين لاي شخص عنه أمانه لايرحون ياخذون فكره غلط عني أني أجتماعيه ويه الگل ماعندي غير فگره بالي.

نور"لاتاگلين هم ياعمري ماحچي لاي شخص وألانسان حر بتصرفاته وأفعاله لگن بحدود واني مافد يوم شفتچ واگفه بوحدچ ويه احد.

منى"تسلمين ياعمري...شرايچ نروح نشتري شيء من الكافتريا وناكله.....نور"دا أنتضر ديم ما أشتري هسه..

منى"لعد تعالي هسه ويايه بس أشتري حلويات لن ماحب أروح بوحدي..

نور"تمام.....رحت أني ومنى فتنه للكافتريا بجهة الحلويات وتفاجئت طالبه من طالباتنه گاعده ويه طالب من قسمنه ودا ياگلون ويضحگون هاي شنووو ألناس نست ألحياء وين راحت عشايرنه ماتخاف لا تنفضح.....أشترت منى ورجعنه گعدنه......

عاد گم طالبه هم أشترن من قسمنه صرنه سته گاعدين....

عاد وحده من طالباتلنه گالت"تدرون يراد نگل طلابنه الدكتور يريدگم بالگافتريا تا يشفون الي أحنه شفناه..
عاد منى گالتلهم"عمي هسه گلها تدري وساگته...
گعدنه نسولف عن مواضيع مختلفه وعاد أجتي ديم....وگعدنه شويه وبعدها...رحنه گدنه بوحدنه..

نور"شون المختبر وياچ..

ديم"الحمدلله أني سويت بوحدي تجربه ممحتاچ أحد ويايه لن عددنه قليل ونصنه مافاتم گال گل اثنين سوه فاني سويت بوحدي وخلصت..

نور"عفيه سباعيه أعرفچ تدبرينها بوحدچ...أحنه وگاعدين چانن أگو ثلاث بنات گاعدين ورانه أجاهم شاب وگاللهم شخبار الي وصيتگم عليه..

ألبنيه"باوع هاي شوف صوره تعجبك أگيد واذا عچبتك صدگ ندبرلگ لقاء وياها أحسن من سگينه الي خبصتنه بيها