رغم عذابك ألي حبيتك((باللهجه العراقيه))

part-32

يله نبدء
بسم الله
-صلو على النبي-
(رجعت والحمدلله مثل ماوعدتكم واعذروني ع التاخير التنزيل ان شاء الله راح يگون بشگل يومي وان شاء الله راح احاول لنهاية الاسبوع باذن الله انهي الروايه)

رنا
خلصت الرساله وگلت بداخلي ع اساس اني الميته عليگ طردته من افگاري وارتحت هسه ارتاحيت بعد مايطلع گدامي أگدر اتنفس براحه....گعدت أشرح للطلالبات واحس روحي أگثر انشاط صح أگو شيء برسالته اذاني بس ارتحت اني محتاجه ابقى ويه روحي ماكدر ابقى

عنده أگثر واني تحملت اهوايه
بعد أنتهاء الدوام قررت أطلع....لگيت هشام واگفلي ماعرف ليش قبل مارگب السياره التفت يمنه ويسره ردت أشوفه موجود لو لا ماشفته شنو أتوقع علساس ميت علي وراح يچي يشوفني أگيد هسه فرحان ويه ست هيفاء....رگبت السياره ورحت للبيت

☆☆☆☆☆☆☆☆☆

في صباح اليوم التالي
محافظة البصره
المستشفى
عند ريم

فتت للمستشفى ورحت ع غرفة معتز اليوم راح ننفذ الي گاله أحس روحي حيل خايفه ومتوتره اي غلط يجوز اخسر مازن..

.دگيت باب المگتب واچاني صوته...
معتز"تفضل.

ريم"سلام عليگم.

معتز"وعليكم السلام..تعاي أگعدي دقايق راح يچي..
گعدت هيچ نص ساعه واجه مدير مرگز الشرطه..
وياه كم واحد بس لابسين گلهم مدني حتى مايلفتون الانتباء...

..أتفقنه ع خطه وخلصنه...

.رحت ع المختبر يم سها وخايفه من الي راح يصير بس لازم أثق بيهم ماعندي غير هاي الطريقه...بعد مرور بعض الوقت

طلعت من المختبر ردت اطلع من المستشفى وقفني معتز"تعاي لمگتبي شويه نحچي قبل لاتروحين.

ريم"تمام....

فتت للمگتب وسد الباب گعد ع المگتب وگعدت گباله....شفته انطاني علبه وگال افتحيها فتحتها وشفت سماعه بلوتوث وقلم باوعت علي باستغراب..

معتز"هاي سماعه ألبسيها وعوفيها مشتغله راح أتواصل وياچ عن طريقها وانطيچ تعليمات أما القلم بيه گامره صغيره راح تصورلنه گلشيء يصير وياچ حاول تحطينها بچيب صدريتچ تا نگدر نشوف الي يصير ونسمع گلشيء يصير وياچ.

أخذت السماعه ولبستها من جوه شالي وحطيت القلم.

معتز"أهم شيء مهما يصير وياچ تذگري احنه موجودين وراح نساعدچ فلاتخافين أبد وحاولي تستدرجينه..

ريم"أن شاء الله مع سلامه.

معتز"الله وياچ.