قلوب متحجره

بعنوان#قـيـود_وتـقـالـيد الـحـلـقـة (2)

#قـيـود_وتـقـالـيد
الـحـلـقـة (2)
گـتـابـتـي #Koka_Saleh

::::::::::::::::::::::::::::::::::::::::::::::::::::

آيات:امالا احكي شن صاير وليش الدوشة اللي برا هذي كلها
مروة;مش عارفة قصة غريبة قالو واحد من ضنى عمك حجرك
آيات:اتبصري انتي صح
مروة:لا والله ماانبصر هذا الكلام اللي سمعناه من برا لان الرجالة كلمو الصبايا وقالو الفاتحة ماانقرتش لكن مازال ماخش حد لا خوتك ولا باتك ولا حد من عيال عمامك
آيات:امالا انتن كيف سمعتن
مروة:الرجالة لما كلمو الصبايا يطلعن قايلينها الهن في التليفون حتى هنا طلعن مش فاهمات شيئ
آيات:لا اكيدة فيه حاجة غلط ولا سوء فهم كيف ايحجروني نحن في اي عصر مستحيل نا متأكدة بابا ماايعدلش علي كلام زي هذا
مروة:توا حني فتحية ادز في العيال الصغار عشان ايكلمولها عمو حمد بتفهم منه
آيات:يعني توا الصبايا عدن
مروة:اها
آيات:معناها نطلع عشان نفهم القصة
مروة:باهي وطلعن مع بعضهن
طلعت ولقت صبايا عيلتهم كلهن وقعدت تسأل فيهن بس مازالن كلهن مش فاهمات شيئ

:::::::::::::::::::::::::::

#عند_الرجالة

عبسي بعصبية:جمال اللي درته هذا اسمه تخريب راه
جمال:نا ماخربتش بنت عمي ونبيها شن فيها من عيب ولا حرام
حمد:هي لاهي عيب ولاهي حرام لكن ياجمال كنت حكيت من قبل اقل شيئ يوم اللي جونا الرجالة يتفقو كنت حاظر وشفت كل حاجة كان في وقتها قلت نبي بنت عمي مش توا والعرب جاية بتقرا الفاتحة حرجتنا امعاهم وردت الرجالة مش ساهلة
جمال:نا عارف اللي درته غلط والمفروض حكيت من قبل لكن نا تحشمت منكم بس بعد شفتهم خلاص بيقرو الفاتحة لنقنها ماهانت علي 💔
أشرف:عارف شن معنى اللي درته انت راك بترد اخسارة العرب كلها
منصور:الخسارة ماعليكم فيها كلها شوري
حمد:يعني انت راضي باللي داره جمال
منصور:نا مش راضي عالحركة لكن خلاص ولد عم ويبي بنت عمه وهو اولى بيها مالغريب
عبسي:باتي شاور آيات قبل مرات مش راضية بجمال
منصور بعصبية:وكنه شن ناقصه جمال وسيدي معتصم اللي كنتو بتعطوها له بيش خير منه وبعدين نحن ماعندنش بنات انشاوروهن دبين بوها وافق معناها خلاص
عبسي:لكن ياعمي باتي مازال ماوافق
منصور:باتك حيوافق هو عارف عاداتنا وتقاليدنا وعارف ان عند اجدودنا كان ولد العم اينزل في بنت عمه مالكرمود وهي ماشية شور راجلها وياخذها ولو هو رفض مش حيسلم من الكلام سوا مالعيلة ولا خاطيها وحتى آيات كان رفضت هذا مش في مصلحتها انتو ادرى بكلام الناس وشن بيقولو علي اختكم ايحطو فيها اللي ماينحط وفهمكم كفاية ياضنى خوي
حمد تنهد:امعاك حق يامنصور
عبسي:يعني شنو ياباتي
حمد:يعني خلاص آيات الجمال ولد عمها وهو اولى بيها مالبراني وهذي دمه والحمه
عبسي:لكن ياباتي
اشرف بعصبية:خلاص ياعبسي باتي وعمي اتفقو نحن معش عندنا كلام امعاهم
عبسي تعقد منهم بس معش قدر يحكي وخش جوا