قلوب متحجره

بعنوان (مظلومه_بحكم_العادات)2

الـحلـقه_الثــآنـيـة من الرواية المشتركه: قلوب متحجره »»

تحت عنوان (مظلومة_بحكم_العادات)

للكآتبة »» أودي_ الشلوي 💙

***&-------******&-----*********&&&&----****
صالحه وهي تسقم في محرمتهاااا : والله مانلحقووو والله العظيم نا وناديه نطلعو مع اجموله صبح وعشيه وهذااا كله مازال يامااا ناقصنااا
منصور :نبي نمشي ننهي كل حاجه وندفع ونحدد بكرا كلمت باتي وقال تمام
صالحه : عاد هووو اوليدي ونبي نفرحه بيه تبو كل حاجه بسرعه والله مايجي فرحه كيف مانبي يسير فيه كلام احرى
منصور:وشن الحاجه لخرا ياحنه تعالي اضربيني خيبرررر كلمه قلتهاا ومانبيش انثنيهااا واطلعي من احدااا وجهي ،
وقعد كلهم يجهزو العرس وايات كانت في حاله وهذا كله وهي متواصله مع معتصم من تليفون ايات ويقنع فيها بانها تسيب عرسها وتهرب معاه

كانت طول وقتها تفكر كيف لو اجوزت جمال كيف تبي تعيش معاه وهي احلامها وكل شي بنتهن ع حب عمرهاااا معتصم اللي بس فتحت عليه

كانت في جامعتهاا البنات كلهااا يقوللنلهاا كيف مسيبه ولد عمك الطرف (ع جمال) وكان جمال في الجامعه مؤدب ومحترم وجذاب بس كان ديمه مايقبلش معتصم لانه كابسنه كم مره ونحنا نحكوووو وكان ديمه بينهم مشاكل

قرب اسبوع العرس وايات كل مالهااا كل مافي الناقص وجهها اصفر وحالتهااا حاله كل يوم ياخذو فيها عايشه بس بالتغديه
كان تفكررر هل تهرب معاااا معتصم باهي وبوهاا وهلهاااً بوجوهم حرام تكسر خشومهم ؟

هناء وهيا قاعده ع راس ايات وتديرلها كمدات : ليش ماتبيش ترضي بالنصيب والله جمال كويس ويجنن ومليون بنت اتمناه
ايات وهي دوبهاا تحكي : نحبه يااعميمه نحبه
هناء : الحب بعد الجواز يالهبله مالك ومال كلام المسلسلات كله كذب راهووو شوفي نا شن صاير فيا من ورا الحب الكلب قصدي:انتي تعرفي صارن في ايام سود صاح نا توا مع ايمن بس مش نفس نادر اول حب لي وحتي ايمن من ارل ماصارت قصتك تخلى عني ونا ماليش ذنب 💔
ايات :مش متخيله حياتي بلاه كيف نبي نعيش قولولي
هناء : بكرا تنسي ويقعدن ذكريات ولو تبي نصيحتي سكري عليه ومعش تكلميه بعد كم يوم تبي تقعد مرات راجل وفي ذمته
ايات :معش تقولي هك والله لما تقوليه موس يخش فيااا جوووا
ع خشت سالمه عليهن :هااا مازالت ماصحصحت
ايات قعدت عقلها يشوش وتتذكر من 3اسابيع :
حمد وهو رافع حاجبه ؛ خوي جاي يحدد الفرح بنقوله لا مثللاا ومن امتي تردي علي انتي
ايات وهي ذابله وعيونها متورمات :مانبيش سيرة الفرح الا نين ماما تروح للحوش وبعدهااا ساهله من غير ماما مانبيش سيرك الفرح والله لو تحددو الفرح تلقوني قاتله روحي ونتريح من هالعيشه بكل
حمد قرب منهااا وهوو معصب : اقتلي روحك وخشي ل نار تحسابي روحك تبي ترحمي روحك وطلع وسيبهاا وقعد يفكر كيف يبي يرد سالمه وهوو مهناك راجل نين جابه ل بوهااا لكن بوها كان مسكر راسه ومابش يتنازل اب سالمه طبعه واعر بكل وعصبي
حمد قعد يحك في راسه ماعندش الا حل واحد يمشي ل شيخ قبيلة سالمه وهو راجل بوجهه وكلمتة مسموعه ،
عداله ومشااا معاه وفعلا رد سالمه وع طول جو حددو الفرح ;
ايات تتذكر واعيونها دموع تبحت في امهاا ;
سالمه : يامي هذا نصيبك تبي تعاندي ربك هذي حكمتهاااااا
ايات : ماما بس نا والله عمري ماتوقعت ولاني مخططه اني نكون ل غير معتصم بنيت كل حاجه معاه الشقه كل شي طموحي حلمي بس معاه
سالمه: سبحان الله نحنا نخططو وربك يخطط وكل واحد في الدنيا ياخذ نصيبه ;