قلوب متحجره

بعنوان#قـيـود_وتـقـالـيد الـحـلـقـة (4 والأخـيـر)

تفاعلو الكل عالحلقة ايهمني ارائكم 😍
#قـيـود_وتـقـالـيد
الـحـلـقـة (4 والأخـيـرة)
گـتـابـتـي #Koka_Saleh

::::::::::::::::::::::::::::::::::::::::::::::::::::

سالمة تبكي وخشت الايات وقالتلها اتوتي روحها لان خلاص معش عندها مكان هنا بعد اللي صار
آيات قعدت اتلم في دبشها وهي في قلبها كانت عارفة انها حتمشي الجحيم لان عارفة رد فعل خوتها وباتها بعد اللي صار وانها حتنحرم من كل شيئ بس كانت راضية لان جهنم هلها ولا جنة واحد مااتحبش ومش طايقته
وتت دبشها ولبست عبايتها ووشاحها وطلعت لقت هلها واتيين وبيطلعو
الكل عرفو ان حمد بياخذ آيات وبذات ان حمد حكى مع منصور وقاله ان حيتم الطلاق بكل هدوء وهكي ومنصور وافق
طلعت آيات مع باتها و امها وعمتها واختها وحنها وركبو في السيارة بيمشو مع طلعت صلاح خو جمال
صلاح:عمي حمد عمي حمد
حمد:نعم ياصلاح
صلاح:عمي يبيك جمال جوا
حمد:هي توا ننزله توا ونزل وخش للمربوعة لأن جمال كان فيها
حمد خش:شن فيه ياجمال قالي صلاح تبيني
جمال:صح ياعمي انت خذيت آيات
حمد نزل راسه:ماعندها عليش قاعدة امعاك بعد الفضيحة اللي داراتها نطمرها ونطمر عارها في حوشي خير
جمال:يس نا آيات مراتي ومانبيش انطلقها
منصور:واللي صار ياجمال عادي اتخليها قدام الناس
جمال:نا راضي وهذي مراتي وفي الاخير ناولد عمها وولد العم دينا ستر وغطى علي بنت عمه حتى بعد تغلط الغلط الكبير وتحمل من حد اخرى ولد عمها يجوزها ويستر عليها مانبيش نا اندير هكي علي واحد هو اللي تهجم علي حوشي
منصور وسالم وإبراهم معش حكى حد وقعدو غير ايشوفو الجمال وحمد
جمال:عمي كان انت مازال عطيني بنتك نزلها ماتاخذهش نا مانبيش انطلقها
حمد حس كأنه حمل وانزاح علي ظهره لان كان مش عارف كيف ايواجه الناس والاشاعات اللي حيطلعن علي آيات وشيئ صار وشيئ ماصار ودغري
حمد:والله انك راجل وينشد الظهر بيك ياجمال ويقدر الواحد ايقول ناسب راجل وهو واثق وقلبه متريح
إبراهيم:ايوا جمال من يوم يومه مواقفه يشهدله وسترتك علي بنت عمك هذي كبيرة لك والله
سالم:ربي ايكملك بعقلك لو طلقتها العيب مايبي يلحق حمد بروحه بيلحقنا كلنا
منصور:ايوا صدقت
جمال:خلاص كلمها وخليها تنزل ياعمي
حمد:حاظر توا نمشي انزلها توا وطلع حمد للسيارة وفتح الباب اللي جنب آيات
حمد:هي انزلي
آيات:عليش
حمد:جمال قال ان مش مطلق
آيات:بس انا مانبيش وبنطلق
حمد بعصبية لين عروقه شدن:انتي مازال عندك وجه تنطقي انزلي ساد ان الراجل ارضي بيك بعد كل شيئ درتيه وتوا اتقولي نبي نطلق انتي عارفة كان اطلقتي شن معناها العار اللي درتيه بيلحقنا لعند لما انموتو
آيات تبكي:مانيش نازلة وانا مادرتش شيئ والله مادرتش حاجة😭
حمد بعصبية:احكو امعاها ولا اقسم بالله نرتكب فيها جريمة توا وهن قدام الناس كلها
هناء:خلاص ياايات اسمعي كلام باتك وانزلي وبارك الله فيه جمال مايبيش ايطلقك بعد كل اللي صار
سالمة بعبية:آيات انزلي ساد ماسودتي وجه باتك قدام خوته مش داعي اتسودي وجه قدام الناس كلهم انزلي وفكيني مالدلع امتاعك
حني فتحية بحزم:ايات انزلي مع باتك الراجلك وسادنا فضايح قدام الناس
آيات نزلت مع باتها وهي دمعتها علي خدها ماتبيش جمال تكرههة مش طايقته ورغم انانيته وكل شيئ داره فيها الا الكل واقف امعاه ومعتبرينها هي المتهمة
نرلت وخشت الحوشها وكانن الصبايا اللي جوا مايبنش ردتها الي هنا ام جمال وصبايا عماها وبناتهن لان الكل معتبرها غالطة وردتها فيها إهانة الرجولة جمال
كملت اليوم هذك في دارها ماتحكيش مع حد ولا حد يحكي امعاها كانت غير تسمع فيهن ايقرمن فيها وخلاص
الوحيدة اللي كانت تحكي امعاها نادية رغم هزايب امها وماتبيهش اتعاملها كويس او اتجي شورها بعد اللي داراته مع جمال بس نادية كانت مش مدورة وكل اشوي اتخشلها وتطمن عليها واتهدرز امعاها
آيات رغم كل مشاكلها ورغم كل شيئ قاعد ايصير كانت اتفكر في شخص واحد #معتصم وين مشى وشن صار فيه هل مكانه الي قاعد فيه امن ولا لا وكل خوفها كان ان تمسكه الشرطة او يمسكوه ضنى اعمامها وخوتها 😔