قلوب متحجره

بعنوان~ #زواج_تحت_الخطر ! ~2

~#زواج_تحت_الخطر~
.
الحلقة الثانية
بقلم كاتبة رواية المستشفي
#Aya🔮
.
.
""كانت الكارثة كلها في الإفراط.. الإفراط في الأمل، في الحب، في التوقعات، في الإنتظار، في كل شيء"
.
.
ثاني يوم كان الحوش مليان رجالة وشيوخ قبايل وماشيين الحوش هل المعتصم عشان يوصلو الحل

الجد>> منصور امسك جمال وخليك هنا
منصور>> كيف ياباتي لازم نمشي
الجد>> مش انا ماشي؟؟ يبقى تخش وتمسك ولدك جوا

طلعو العمام كلهم ومعاهم حمد بات ايات و رجالة واجد وتقريبا ١٥ سيارة مليانات رجالة

//
//

وصلو عند هل المعتصم ولقو عمامه وجده وخوته

والمعتصم ماكانش قاعد جاه علاء صاحبة خذاه

دوا الجد اللي عنده وقاللهم ع لي صار و ردلهم فلوس الدفع كلهن وكل شي

جد المعتصم>> بس لو تجي للحق الكلام هضا ماهوش ساهل يبي بنت عمة كان ياخذها قبل مايجي المعتصم ويخطب !

جد جمال>> هضا تحجير و مافيش وقت وهذين عاداتنا ومانبيش نعاود ونشرحهن لكي
البنت بنتنا و اولى من الغريب وهضا لي تربينا عليه

جد المعتصم>> والله عاد بعد هالكلام ماعندي قول ولدنا تو نمسكوه وكل شي قسمة ونصيب

عم المعتصم >> والمعتصم عروستة عندي غير يوافق ماحد بيموت علي حد

دارولهم عشا و اتفقو علي الكلام هضا وكل حد يمسك عيالة وتنتهي القصة بدون خساير و روحو و هما متفقين !

هما يحسابو انهم لقو حل يحسابو كل شي ينتهي بلمة شيوخ قبايل وسيارات و عشا

ماحدش يفكر انه في شي اسمه حب !

.
.
.

بعد عدو الرجالة رن عم معتصم عليه وقاله يروح كان عنده امل يكونو لاقيين له حل
حكالة عمه لي صار

المعتصم >> انتو من جدكم ؟

جده>> يا راجل نزلو عليا نزلة قبيلة ! كيف بندير والله مانقدر نحل فمي عار عليا يقعد بتنزل راسي فالوطا ، ربيتك و كبرتك بعد مات بوك ونحسب فيك راجل وعمري ما كسرتلك كلمة !جاي توا تعلي في صوتك عليا علي سبة وليه ؟ هكي ربيتك انا

المعتصم مسح بيده علي وجه وتنهد>> قسم بالله ماني عارف ما نقول
الله لا تسامحهم والله يحرق قلوبهم

خش عم المعتصم لاخر >> قول موافق وهاجر بنتي من بكرا تكون لكي

المعتصم بحت فيهم نظرة هضا اللي ناقص 🙄
خذا دخانة وطلع وسيبهم
.
.
.

مرن كم يوم والوضع في العيلتين متلخبط و مافيش علي لسانهم غير كلمة ايات حجروها

وايات منهاااااارة لاتاكل ولا تشرب ولا تبي تشوف حد ولا تبي حد يخش يشوفها ومعش حكت مع المعتصم كل ما تسمع صوته اتعذب وتبكي ويحرقو في قلوب بعضهم
معش عندها نيه الشي ولا تبي تسمع شي كان تلقي الدنيا توقف
كانت تفكر واخر شي