قلوب متحجره

بعنوان #حجرني_الزمن 1

( قلوب متحجرة )

تحت عنوان (( حجرني الزمن ))

للكاتب محمد مالك
حلقة (( 1 ))

السلام عليكم اكيد قريتو كلكم المقدمة الي كانت بلهجة الشرق واني حنكمل بلهجة الغرب حتحسو باختلاف بسيط في بداية الحلقة بعدين تنسجمو قراء ممتعة ونتمنا نكون قدمت شى جميل في اربعة حلقات وينال استحسانكم كلكم ارائكم مهمة في تعليقات هيا الي تخليني نطور من نفسي اكثر واكثر 💛 قراءة ممتعة للكل

________
ركبت عليهم وطلعتهم من الدار وبديت في الحوسه والحوش بدا ايجو الناس والحوش بدا في الازدحام
وايات وكانه اليوم مش فاتحتها امكملتها ابكاء في الدار تمسح ادموعها في وقت امها اتشوفها
فجاء سمعت صوت بوها اينادي علي امها
اطلعت تجري تبي اتشوفه ...............

امها ( سالمه ) : ايوا يا حمد شن جابك من الفاتحة ؟!

حمد..مطبس راسه وجهه عرق وتوتر واضح عليه

سالمه: كنك شن فيه تكلم خيرك ساكت

حمد: معاش نقدر يا سالمه خلاص شن بندير توا اني شن بندير

سالمه...حطت يدها ع صدرها: رعشتني يا حمد شن فيه متقولش معتصم صارتله حاجة

حمد: لا جمال

سالمه: جمال ولد منصور شن صارله العفو مبكرى معا اشرف ولدك هوا

حمد..بدا يبكي

سالمه: حي يا مصيبتي السودة تبكي يا حمد شن فيه قلبي طاح معاش ترعشني شن فيه

حمد: جمال حجرها ف الفاتحة اليوم

سالمه..حطت يدها ع صدرهاا: وووووه عليا بنيتي وووه

حمد...منزل راسه ومش قادر يدير شئ

سالمه: وقصدك بتخليه يحجرها يا حمد وبنتك تتدمر

حمد: شن بندير قوليلي

سالمه: تمشي توا وتقوله معندناش التقاليد هادي

حمد: لا منقدرش هادي عاداتنا وبعدين اهلي كلهم يقطعوني منقدرش يا سالمه

سالمه..قعمزت وايديها ع راسها : يا مصيبتي السودة اني شن درت تحت ربي بس وديما ف الهم والمشاكل عطه ما يرفعه هالجمال هاده

طلعت هناء لقتهم مقعمزين حمد خوها وسالمه

هناء: كنكم البرا وشن ادير يا حمد مش توا الفاتحة

سالمه: تعالي شوفي المصيبة الي طحنا فيها ووواك عليا واااك شن بندير توا اااه يا بنتي اااه

هناء: رعشتيني شن فيه

سالمه: جمال اليوم حجرها ف نص الفاتحة

هناء: حي يا حي قليل الاصل

سالمه..تبكي وتجبد في دبشها : بنتي ادمرت بنتي خلاص عليها ااااه يا بنيتي اااه