قلوب متحجره

بعنوان#للنصيب_كلمه_آخيره 1

#للنصيب_كلمه_آخيره
🎀الحلقه الاوله🎀
الْحياة مَجرَد كتَاب...
غَير أَنَّنَا مَجبوَرَيْن عَلَى ان نعَيْش صَفحاتِه بِالْتَّرْتِيْب...
وَلَا يَمّكنَنَا اختَيّارالْصَّفْحة الَّتِي نَشَآء..
............
........
سالمه ام ايات طرابلسيه تعرفت علي حمد في الجامعه وكانت طالبه في اول طب اعداد وهو دكتور وجاي يعطي في محاضره وكانت قصه حب نهايتها زواج بعد ما دار علي خاطرها هلبه لان اهل سالمه ماوافوش ان بنتهم تمشي للشرق وتتباعد خاصه وانها كانت راس بنت علي 4ولاد لكن بآصرار ولد الشرق وحبه لي سالمه مااستسلمش وفعلا تزوجوا وبدت تجي لخوتها مره مره ....
وطبعا كنا نعرفوا ان عادات طرابلس تختلف علي الشرق ومنها حكايه
#التحجير
وهدي الكارثه الحقيقيه في المجتمع المتقدم مش قلت وعي او ثقافه لا تسكر راس وعادات
#التحجير هو ان ولد العم يقدر يخطب بنت عمه وهيا مخطوبه وتفسخ خطبتها وحتى لو الفاتحه مقريه عادي تطلق وياخدها ولد عمها تعالوا مع بعض نشوفوا شن اللي صار لاايات من وراء حكاية #التحجير
.............
#ايات بنيه خدت طبع امها وشكلها حليوه وطيوبه بعكس اختها #ليلي اللي خدت جمال بوها وطبع امها اما #اشرف فكان نسخه طبق الاصل من بوه واعر وعصبي بس حنون وخوهم عبد السلام #عبسي شهلولي وضحاك وطيب ويحب بنت عمه
#جمال ولد عم ايات #والدجوكر متع عيله ال... كلها راجل عصامي كون نفسه بنفسه اكبر من آيات ب18سنه صاحب شخصيه قويه وكلمته مسموعه وناسه كلهم يديرله في الف حساب صاحب مال ونفود في بنغازي ومن الناس اللي تحب الخير وتساعد وهدا اللي دارله هيباء وزاد من شهرته متزوج زواج تقليدي وعنده 3بنات اغلب وقته مسافر اليابان عنده شركه غادي
.........
طبعا لزم نعرفكم ان سالمه قعدت متمسكه بالهجتها الطرابلسيه وهدا اللي خالا بناتها يتكلموا بيها اما اشرف شرقاوي صرف وعبسي علي االجو مع خواله طرابلسي ومع عمامه شرقاوي
وباق السخصيات نتعرفوا عليها في الروايه......
.........
الحاج جلال : توا ولدك ماقالكش من بيخطب!🤔
ناناهم :قالي ياحاج وقالي متفاهمين الزوز
الحاج جلال متردد :وقالك منين اصلها !!
ناناهم تشوف لراجلها بحيره : قال من الشرق وعيلة اصل وفصل ومتسمين غادي ... وسكتت شويا وكملت
.....لكن امها طرابلسيه راه
الحاج جلال يشوف للفراغ بعيد كأنه يفكر : تو بيرضوا اهلها تجي تسكن في طرابلس وهي رضت
ناناهم : وانت صادق قول الولد بيتبهدل بين هني وغادي
الحاج جلال تعصب : تو من قلت لبنات مشي لشرق 🙄😒
ناناهم : .... شنو بنديرله ياحاج ولدك يبيها القلب ومايعشق
جلال متردد : والله ماني مطمن ولا مرتاح
ناناهم تحاول تلطف الجو : تو ولدك يبيها ومهدرز معاها ومتفق خلاص ندعوا ربي يتملهم علي خير
الحاج جلال : يا ودي زعما اهلها يعطوها
ناناهم : علي كلام معتصم البنت مقايله لامها والام قالت لبوها وقال تفضلوا في اي وقت يعني منضمين الجو
الحاج جلال : هيا امالا خلي نمشي نكلم خوتي ونحددوا موعد
ناناهم : ان شالله خير
..................
الحاج حمد : مرحب بعرب طرابلس نورتو
جلال: انتم اهل ود وكرم وصلنا
منصور: تفضلوا الحوش ليكم والعتبا لينا
طارق عم المعتصم : بالجوده بيكم ان شالله معرفة خير
اشرف: تفضلوا تفضلو
وتغدوا وشربوا شاهيهم وبعدها...
الحاج جلال: ياحاج حمد والله احني جاين وطامعين في نسبكم وطالبين كرميتكم لولدنا علي سنه الله ورسوله
الحاج حمد بعلو حس: وانا عطيت لو عمامها ماعندهمش فيها نصيب هيا ليكم
منصور عم جمال : عل بركه
سالم عم جمال : ربي يقدم مافيه الخير
محمد عم جمال : ربي يهني
الحاج حمد بفرحه : مادم هكي انا عطيتكم وربي يسهل
الحاج جلال : اول الشهر الجاي نجوا نقروا الفاتحه وتو يجوا معاي خواله وعمامه
الحاج حمد :ان شالله خير
............
معتصم يكلم في أيات عالموبايل وفرحان : وأخيرا قدمنا خطوه واهم خطوه مع اني كنت متردد من ردت فعل اماليا واماليك
ايات وهي مقعمزه في البلكونه : تعرف خااايفه لكن منعرفش علاش
معتصم : خيرك اللطف حسيت من اول المكالمه ان في حاجه معكره جوك احكيلي شن صاير
ايات : حلمت حلم شين وو .....
معتصم : اي وشنو !!!
ايات: والله مانعرف بس نطيت مخلوعه من فراشي وقعدت الحلمه في راسي وكل شويا تخطر علي باللي و....
معتصم : وشني ان شاءلله خير !!
ايات : منعرفش لكن الحلمه مش حلوه وحاسه بآحساس خي وقلبي مقبوظ من بعدها
معتصم : تي غير استعودي من الشيطان واستغفري ربي وما هو الا حلم وبعدين علاش تفاولي خلّي ايمانك قوي واللي يصير من ربي نحمدوه عليه ولا نسيتي كلام الله
*قل لن يصبنا الا ما كتب الله لنا*
ايات تتنهد : صدق الله العظيم
هيا سلام امي تنادي
معتصم : نحبك
ايات :وانا نحبك
معتصم : ردي بالك من روحك راهي ليا
ايات : ورد بالك من روحك راهي ليا
(معتصم شاب من طرابلس واكبر من ايات ب8سنين..
تعرف عليها في الجامعه وهي طالبة في كليه اللغات قسم انجليزي وهو كان جاي زياره لبنغازي لواحد صاحبه والصدفه ان صاحبه اتصلت بيه اخته ضروري تبي منا يطبعلها شيتات ومش معاه وشافها وكانت قصتهم اللي بس كانت 3شهور وتقدم المعتصم وخطبها
سكروا الحبيبين وما يعرفوش شن الايام الجايه دستلهم
.........
ايااااات : ياعميمه انا نحس في قلبي مقبوض
هناء :هيا عاد بري شوفي اللي ناقص تو قريب الناس الاول الاول يخشوا
اياااات بغصه :حاضر
لما طلعت ايات وقفت هناء العجن وهيا تشوف لاايات طالعه ومهموهه وقعدت تتفكر في حلمتهاومع نفسها
*ياربي يستر والله حتى انا قلبي ناقزني وقامت عيونها لربي وقالت
ياااارب استرها معانا*
حمد : سالمه ياسالمه
ركبت سالمه لراجلها وهي مستغربه كيف لبارح مارقدش وهو يتقلب وكيف ناض ونوض بنته وهيا راكبه لاحظت دمعه في عين ايات
سالمه : خير ان شالله ياحمد
حمد : شن صار شن وتيتوا شن درتوا
سالمه مستغربه : تو مناديني صبح علي هالكلمتين خيرك ياحمد مش عاحبني انت
حمد : لبارح وانا راكب من بعد صلاه الفجر سمعت ايات تحكي في حلم لعمتها
سالمه بخوف : حلم اسم الله ان شالله خير
حمد :خايف منعرفش علاش حاسس ان في حاجه بتصير لانك تعرفي ايات ماتحلمش وكان حلمت اسكتي بس
سالمه وهيا تتفكر في دمعت بنتها وهيا راكبه وفي هناء اللي مش علي طبيعتها اليوم وقالت
سالمه : شن الحلم ياحمد
حمد : تو فوتي الحلم وقوللي شن اللي ناقص ومن اللي جي وين الولاد اشرف وعبسي
سالمه تبطب علي حمد : استهدى بالله ياغالي وان شالله مايصير الا كل خير وفي النهايه هو حلم واللي مصوره ربي بس ان شالله هو اللبدي بيصير واو شالله خير
حمد........
سالمه :هيا هيا انزل تو افطر وهدرز مع امك شويا مابين روموا الشباب
حمد علق عينه فيها: وين مشو واليوم فاتحة اختهم
سالمه وهيا نايضه :اشرف مشي االشركه قال مش معطل وعبسي مشي بيجيب عمته مبروكه وبنتها لان راجلها قالت طلع لعمله بكري ولدها عنده عمال كان بتراجيهم تبي لبعد الظهر
حمد.......
سالمه....هيا هيا وتوكل علي ربي وان شالله مايصير الا كل خير
طلعت هيا وهيه ونزلوا لقوة مرت عمهم محمد سليمه وبنتهى لميا
محمد ....السلام عليكم
حمد وهو نازل....وعليكم السلام خوه محمد تفضل اهيا امي في الصاله خش...
سليمه....كيف حالكم
سالمه..الحمد لله هيا تفضلوا
خش محمد وحمد لصاله لاامهم وخشت معاهم لميا باش تسلم علي حناها هيا وامها وبعدين طلعلوا النسوين لدار تانيه يوتوا فيها لبنات حاجات للفاتحه وقعدوا الرجاله مع امهم
فتحيه امهم...خير ولدي حمد قالت سالمه تتقلب ونوم هارب منك
محمد...يخمم في فاتحه بنته من زيا اهو دوره وتسمعي بيه ولاء جد
ضحكت فتحيه....هههه يااارب وان شالله عيتي حيا ونشوف ولاد ولادكم
الزوز....آمين يام
مع ال11 صبح خشت عمتهم مبروكه وبنياتها اللي هما نيروز واسمهان حبيبة عبسي
وبعدها مع ال12تخش مرت عمهم منصور صالحه واللي تكون ام خالد وبنتها ناديه وصغارها الزوز وجنات اللي خاطبها شريك خوها خالد ..
مع بعد صلاه الظهر لعم وولد العم متجمعن ع الغداء وفرحانين لبنات يبصروا والشباب يجهزوا للفاتحه مع الساعه4 يخش جمال ويرحبوا بيه الرجاله شباب وكبار وشيابين
بوه الحاج منصور :سلم ولدي كيف حالك وامتى روحت
جمال : هذي وصلتي من المطار قالولي عمي فاتحة بنتنه ليوم قلت نجي ونبارك
حمد وهو يطبط فيه :هلا ومرحب ياولدي والله لو نعرف انك جاي راهو كنت اول المعزومين تعرف معزتك عندي
جمال يبوس علي راس عمه حمد : عيب ياعمي بنت عمي نجيها بلا عزومه ولا كيف
اشرف :اهلا بالغالي غيبه طويله المره هدي
جمال :سامحني الكيد كله جي عليك في شريكه
اشرف :تي عيب مدورش
**جمال لما تخرج اشرف من ادارة الاعمال حطه المدير المسؤل في الشركه متاعه واللي مربوطه باشركته في اليابان برغم ان فرق بينهم8سنين بس اقرب ولاد ومرتبطين ببعض وطبعهم نسخه من بعض**
وسلم جمال علي عمامه وولاد عمه وسمعت امه وطلعت تجري وتحظن وتبوس
سليمه....وين سندس ولبنات
جمال...في الحوش يام تعرفي سفر وتعب والنسوبن تبوا عام باش تجهزوا قتلها ااا ماشي وهيا تو تجي غضوه وتبارك
طلعوا نساوين عمه وعمته سلموا عليه وداروله شان
قبل العصر بي ساعه بزبط تصير عيطه قويا يخشوا الرجاله
سالمه... وووه عليا بنتي وووت عليا خيرك
مبروكه حماتها....غير خيرك تولولي مافيها شي تعب بس
حمد مخلوع...خيرها ايات شن فيها
سالمه تخبط بنتي طاحت لابيها لاعليها
يتقدم حمد بيحاول يفيق بنته ولا حياه لمن تنادي
اشرف يصيح.....وخروا من عليها
وقامها وهو يصيح علي خوه
عبسي بسرعه ولع سياره
في هالحظه كانت سيارة خالد مسكره عليهم بحكم اخر من وصل واشرف طالع يجري وراره عبسي يشوفها جمال خطف وتخطف قلبه معه ......
طلع جمال بسرعه....اركب سيارتي اشرف انت مسكرين عليك
وفعلا ركبها اشرف وركب معاها وسندها علي كتفه وركب عبسي لقدام وطاروا بيها ....
جمال مره مره يخطف في نظره ليها من المريا وكانت في نظره سبحان من خلق وصور
اشرف.....نوضي نوضي ايات ردي عليا ياوخيتي خيرك
جمال بصوت حاول يكون هادي....شن عندها هيا
اشرف....علمي علمك اول مره تفقد وعيها هكي
جمال....خلاص اهداء بالك تعب وقلة ماكله
عبسي....هيا من صبح علي كلام حناي تقول انا مخنوقه وقلبي مقبوض
جمال يشوفلها ومع نفسه.* ياااربي احفظها واحميها تو من سبب غصتها وخنقتها تي هالملاك اهيا مكانها قصر وجواري وبس*
وبسرعه وصلوا و درس ونزلوا للمصحه
قامها اشرف وجمال يصيح....دكتوره نبي دكتوره
تقدم دكتور بسرعه في حجرة الاسعاف وكيف بيحط ايده ببكشف سبقه جمال وشد ايده وحدفها وشده من كبوط الطب ويهدد و يقول
جمال...قلت دكتوره جيبولي دكتوره
دكتور....انا الدكتور ال.....
ويقاطعت من ببن سنونه....تخلقلي تو دكتوره
يشوفله الدكتور شوي وتجي الدكتوره ويمشي ومستغرب ( هذا خيره تقول راجلها) ماهو الدكتور يعرف عيلة حمد
اشرف :تي خليته يشوفها راهي...
ويقاطعه جمال.. .اسكت ايات مفيش راجل يحط ايده عليها طول ما انا حي
شاف اشرف لعبسي وخشت الدكتوره في لحظتها واستآدنت منهم يطلعوا بتكشف عليها
جمال ب لهجه حاول تكون طبيعيه لانه متعفلق والغيره بتقتله : من امتا ايات مخطوبه ؟؟؟
اشرف يشوف لعبسي.....من 4شهور تقريبا

جمال عاطي بظهره ويخمم باش متنفضح ملامح وجه
جمال....وين شافها ؟؟؟
اشرف...في في الجامعه !!
جمال....وين تقراء ؟؟
اشرف مستغرب.....لغات قسم انجليزي
جمال وهو بيتفجر....في علاقه بينهم يعني؟؟؟
اشرف تعصب وقال....اختي مربيه و...
تلفت جمال وقاطعه بسرعه بعد ماحس ان بيضايق اشرف ومش من مصلحته قاله
جمال....عارف ربايت عمي حمد ومرت عمي سالمه ويكفي انك والعبسي خوتها
استغرب اشرف وعبسي وسكتوا
شويا وطلعت الدكتوره وبسرعه مشالها جمال ويسآل فيها
جمال .....ان شالله خير شن فيها
الدكتوره....هبوط في السكر وعندها فقر دم و ضغطها نازل شوي ان شاءلله خير صايرلها حاجه عندكم ( الدكتوره تسال في اشرف ومستغربه )
اشرف....والله لا لكن ممكن لان اليوم فاتحتها ومتوتره شويا
الدكتوة وهي تبارك ومبتسمه شافت جمال : من لهفتك عليها شكلك خطيبها متخافش ان شالله تكون بخير بس حافظوا علي ماكلتها وان شالله ربي يتمملكم علي خير
اشرف وعبسي يشوفوا ل جمال مستغربين وجمال مش مهتم
جمال...امتا نقدروا انطلعوها
دكتوره....تكمل تغديه وتروح
جمال : يخمم في ا يات ومش معبر حد في
الدكتوره : نستأذنكم وتقدرو تخشو وتخليكم معاها وبالشفاء ان شاءلله
اشرف....لو منعرفكش ياولد عمي نقول انك ..انك ....وسكت
جمال وهو متكي عالباب وايده علي المانيلية ( يد الباب) ويشوفله بنص عين :اني شني ياولد عمي
عبسي يبصر....انك بجد خاطيبها
جمال شافلها شبحه ليها مغزى فهمها اشرف وخاف منها
اشرف....وين خاش خاليك بره تو انا نخش نشوفها
جمال شافله بهزواء....وخيرني مانخشش
اشرف حس بالخطر.....مرات مش لابسه حجابها
ايد اشرف علي ايد جمال والزوز علي مانيلة الباب ويشوفوا لبعض
#اشرف مع نفسه
* شن اللي في باالك ياولد عمي*
#جمال مع نفسه
*ايات مش يسكر عليها دار حد غيري*
عبسي مع نفسه
*ياشنك يوم مبارك تلاقوا الاسد والنمر*
سمعوا صوت وراهم وكانوا...
حمد وسالمه وعمتهم مبروكه وعهم منصور ولده ولد مبروكه
عبسي.....الحمد لله فرجت
وشاف لأشرف وجمال ولقاهم وخروا من عالباب
سالمه....بنتي وين بنتي
اشرف وجمال يشوفوا لبعض
عبسي...اهيا في الدار اهني متخافيش تكمل تغديه ونروحوا ببها ونتموا فاتحتها بعون الله علي...وشاف لااشرف وجمال
لقاهم يشوفوله سكت
جمال....هيا نروحوا حني وخلو وعمتي ومرت عمي سالمه تو يروح بيهم عبسي
ومدله مفاتيح سيارته وقال
انا واشرف تو نروحوا مع عمامي
استغرب عبسي لكن اشرف شبه فهم شن نية ولد عمه
مع اذان العصر وصلوا السيارات من طرابلس ومعاهم خوال ايات واستقبلوهم ورحبوا بيهم وصلو العصر وروحت ايات من المصحه
وجي الشيخ وكيف بيبداء وقف جمال وسط الحشد المعزوم كله وقال بعلو صوت...
جمال....انا حجرت علي بنت عمي
نصدم حمد وكل الموجودين واستغربوا الطرابلسيه من الكلمه وشاف اشرف لولد عمه وابتسم بسخريه وقاله في صوت شبه همس
اشرف....بتواجهم كلهم
جمال....علي خاطرها نحاربهم
اشرف بصوت يسمع لجمال بس
....لكن هيا مخطوبه واحتمال تح....
قاطعه جمال بصوت واطي....اسكت متكملش لنمشي نمحيه من الوجود
اشرف بنفس الصوت....مدرقش عين الشمس بالغربال
جمال....حنسيها اسمها مش اسمه
اشرف شافله وشاف للموجودين المصدومين وخاصه خواله....
اشرف....راك بتخلي العرب عربين
جمال....يتصلح وربي خلق نعمة النسيان
وسط هرج الموجزدين وصدمه حمد مازال الهمس بين اشرف وجمال
اشرف....حتكرهك ايات وعمرها ما...
قاطعه جمال بقوة....اسكت اسكت الحب مع العشره يجي.....
شن اللي بيصير لايات مع معتصم ويا هل ترى بتحمي حبها؟؟؟
وجمال اللي عجباته بنت عمه وحبها من اول نظره بسخر ربي وتكون نصيبه؟؟؟؟
سندس وبناتها ...!!!
لشرف وقفته مع ولد عمه...!!
حمد وكلتمه اللي عاطيها للطرابلسيه..!!
#استنوتي واحداث غريبه في مجتمع متقدم
# ابتسام_علي