قلوب متحجره

بعنوان#التمرد_بين_الظلم_والموروث 1

#التمرد_بين_الظلم_والموروث

بقلم زهور جمال🌷🌷
🌱الحلقه الاولى🌱

-حمد / سالمه .. ياسالمه
-سالمه / نعم
-حمد/ تعالى خوك محمود وصل
-سالمه متفاجأ /ياناعليا خي محمود😍 !!وينه ..مش قال مانيش جاى عندى عمل ضرورى
-خش محمود للممر/ اهلين بوخيتى .. قلت نديرهالك مفاجأة
-سالمه تسلم وتبوس/سلم وخيي اللى عمره مايخلى اخته.. مرحبتين بيك ..توة كملت فرحتى
-نجاة / تى حول يامحمود اعطينا دور نسلمو

خشت نجاة مرت خالها / اهلين يا سالمه مبروك على بنيتك
-سالمه/ هكى اديرو فيا يا نجوته تزلبحونى
-نجاة/ تو معقولة انتى تصدقيها ان محمود يغيب على فضانيه ايات وهوا مربيها
#الفضانيه=الدفع
-حمد/ انا والله مامشت عليا
-نجاة / اهلين عمى حمد...
-حمد/ اهلن بنتى نجاة كيف حال باتك وامك
-نجاة / الحمدلله فخيار الخير
-سالمه تنادى / ايااات ...يا ايات تعالى خالك محمود جى بيحضر فرحك
-ايات من الصاله / ااه ..خالى...محمود جانا
وطلعت تجرى واضبطت خالها وتبكى
-محمود / وانا نقدر نخلى بنتى فى يوم زى هدا.. ربي يحفظك بنت اختى ويهنيك يااارب

"ايات بنوته حلوة وشاطرة فقرايتها ..م 85 .. كانت فطرابلس من لما عمرها 18 سنه.. مشت فالصيف لحوش خالها محمود لانه حصلها فى كليه الفاتح فطىابلس لان فى بنغازى ماقبلوهاش .. قرت ادارة اعمال فى اربع سنوات ونجحت بتفوق .. وقرت بعدها الماجستير فى ثلاث سنوات.. وبردو قعدت عند خالها لحد ماكملت وروحت حوش بوها من ثلاث شهور ..مرت خالها من طرابلس وعندها زوز صغار صفاء وطه.. يقرو رابع وخامس ..وخالها يدوى طرابلسى لانه فطرابلس من عمره 15 سنه ..وتصاحبت ايات مع بنات طرابلسيات وعجبتها اللهجة وبدت اكثر كلامها طرابلسى"

-سالمه تسلم على صغار خوها/ اهلين حبايب عمتهم
-صفاء/ اهلين عمتى
-طه/ اهلا عمتى ...

وخشت نجاة للصالة وبدت حناهم عمتك فتحية تهلل وترحب..ياحنه تموووت فى نجاة مرت ولد خوها .. ماهو سالمه فالاصل بنت خو الحاجه فتحيه
-فتحية/ نجووتة ...توووة نور العرس بناسه يالووووولى
-نجاة/ اهلين يا عمتى منور بالحضار
-هناء/ يا اهلا يا نجاة ..تو هدا مقلب اديروه فى سالمه
-نجاة تسلم عليها/ والله ولد خالك هوا اللى يبي يديرهالها
-فتحية / وينه محمود ولد خوى
-نجاة/ مقعمز مع ايات فكراسى الممر ...
-وقفت فتحية / خلى نمشيله
-نجاة/ واجب هوا يجيك يا عمتى
-فتحية / مفيش فرق بينى وبين محمود ولد خويا الغالى
وطلعت فتحية تسلم على ولد خوها وهيا تهلل وتضبط

" حمد م 54 .. تزوج سالمه بنت خاله وهو عمره 25 سنه وهيا كان عمرها 21 سنه .. جاب ولده اشرف سنه 80 وعلى جرته عبدالسلام فى 81.. وبعدهم ايات 85 وليلى 89"

_________________________________________

-

فى حوش منصور