قلوب متحجره

بعنوان #حجرني_الزمن 4

#حجرني_الزمن
حلقة ( 4 ) والاخيرة 💛

للكاتب/محمد مالك

___

ايات: خيررك تجري ؟؟!
جمال..يفنص وباعلي صوته: خوك بيردها ع اساس وحجر جنات افهمووو يا عيلة افهمووو درت هكي لي مصلحتك مصلحتك مصلحتك اني
ايات: به غير نقص السرعة بس بتقتلنا انتا
جمال: اني بنقتل خوك اصلا
ايات: بالله نقص السرعة يا جمال
جمال..يشوف لي ايات ومش منتبه لي الطريق: بنقتلكم كلكم اني نوريكم كيف اديرو هكي ف اختي !
ايات..تعيط: سيارة قدامك سيارة

وهب جمال ملحقش يشد فرين ( فرامل ) وخش في السيارة ونقلبت السيارة ع ظهرها

ع مفتحتش عيوني

والا الناس فوقي
ونشوف في الدنيا مشوشة
ومش حاسه بي اي شئ من جسمي ولا نسمع في صوت الناس الي حواليا
نفتح ونغمض ومعنديش اي تحكم بالي ندير فيه
فقدت الوعي ونضت
بعد الحادث بثلاثة ايام

فتحت عيوني كنت في غرفة في المستشفي
شفت ايميني نسمع في صوت الاجهزة
مفيش اي حد في الدار

شفت للسقف

نفتح الباب

ليلي..خشت وف ايدهاا قهوة

ليلي..شافت لي السرير لقتني فاتحة عيوني

ليلي..طاحت منها القهوة: حييي يا ماما يا ماما ايات ناضت

سالمه( امها )
وحمد
خشو الدار

____

سالمه شدت ف ايد ايات: الحمد الله ياربي الحمد الله
ايات: وين جمال ؟!
جمال..خش الدار: متوقعتش انك تسالي عليا
سالمه: امتا جيت من العزاء ؟
ايات: عزاء من ؟
جمال..مطبس راسه: جنات
ايات..دموع ينزلو : كيف امتا صار ؟
جمال.. حط ايده ع وجهه ويبكي : انتحرت لما سمعت بالتحجير
ايات..تبكي: قداش ليا راقدة اني ؟
جمال: اربعة ايام او ثلاثة
ايات..تبكي: لاحول ولا قوة الا بالله
ايات..تحرك في رجلها مش قادرة: مش قادرة
سالمه: شن مش قادرة ؟
ايات..توترت: نحرك رجلي يا ماما مش قادرة نحرك رجلي
سالمة: اص به اص متوتريش روحك
حمد: نشوفلك الدكتور هي دقيقة

خش الدكتور

الدكتور : السلام عليكم

كلهم : وعليكم السلام

دكتور: رجليك الزوز متقدريش تحركيهم ؟!
ايات: ايه
دكتور خدي ابرة يمس بيها في رجل ايات : توجع فيك ؟
ايات: لا منحسش برجلي
دكتور..رفع حاجبه: هكي مشكلة

جمال: شن فيه يا دكتور طمنا
دكتور:منقدرش نعطيك شى توا قبل ندير صورة ونشوف
جمال: به كم يبي مش تعرف
دكتور: عشرة دقائق بس

خدو ايات لي غرفة التصوير وخدو كم صورة

شوية وطلع الدكتور وفي الكروسة ايات ف جنبه