قلوب متحجره

بعنوان#التمرد_بين_الظلم_والموروث 4

الروايه المشتركه #قلوب_متحجرة

تحت عنوان ↘↘

#التمرد_بين_الظلم_والموروث

بقلم زهور جمال الدين🌷
   واخيراً وليس اخراً

🌱الحلقه الرابعه والاخيرة🌱

-

فى حوش فتحيه

درس حمد قدام الباب ونزلو كلهم وجوهم سودا ...
عبسى مقعمز فى الصاله هوا واشرف .. وليلى كيف تحطلهم فى القهوة ... عبسى طبعا تحشم يسأل قدام بوه
-اشرف / هااا بشرو .. انشالله عطوكم المستورة و كملتو فيها 
-حمد مشى لدروج حوشه وركب/ انا العيلة هضوما معش تجيبولى سيرتم
-عبسى/ كنكم يا عيلة .. شن صار.. كنه باتى
-ايات/ يا وخى ماتغشش روحك واللى خلقها خلق غيرها
-عبسى مفهمش /كيف خلق غيرها نا مش فاهم كلامكم  فسرولى
-اشرف/ كنكم يا ايات شن فى
-فتحيه / نيروز حجرت ....حجرها فتحى ولد عمها
-عبسى يحدف القهوة من قدامه تتبزع ع البساط/ شنو تقولو انتو ...شن تخرفو
ويطلع يجرى ....
-سالمه تبكى/ يابينى على وليدى .. الحق خوك يا اشرف
-ايات / اكيدة بيمشى لى حوش عمتى
اشرف يلبس فى كندرته/ اهو بنلحقه ولما نقربعها على راسه راجل عمتى....كيف يرد باتى بعد وصل مربوعته
-فتحيه / وكنكم انتو لما حجرت اختكم وقفتو مع ولد عمكم وزريتو اللى خاطبها ..حتى عمك عبدالكريم مايقدرش يرد ولد خوه ويوقف مع ولد نسيبه
-اشرف/ كنك تحكى هكى يا حني..انتى واقفه معاهم
-هناء/ يا اشرف حنتك تحكى ان الموقف مشابه واخترتو ولد عمكم .. وعمك عبدالكريم معنداش اولاد دكور.. فميقدرش يطلع من خوته وولاد عمه عشان ولد نسيبه
طلع اشرف ماشى للباب/ تو نعرف كيف نتصرف نا

فتحيه تلفتت لى ايات/ كلمى ولد عمك يجيك وروحى
( فتحية شاكه انها حامل وماتبيهاش تحضر عركات وتنخلع)
-ايات / خلى نشوف كيف بيصير فى خويا
-سالمه / ديري اللى قالتلك عليه حناك وروحى توة بسرعه
ويبانو هناء وليلى يوشوشو.. لان ليلى تسأل تبى تفهم شن صار
قامت ايات تليفونها تتصل بي جمال بيش يجيها وتروح .. لكن ماردش على مكالماتها ...عاودت اكثر من مرة ..نفس الشى مافيش رد ...
اتصلت بي جنات ماتردش .. اسمهان نفس الشى ... قلبها ولع نار ...
-ايات / جمال ماردش عليا ... خلى نركب نشوف باتى
-سالمه / يابنيتى فكينا تاكلى منه بعض التكشيخات
-فتحيه / انا قلتلك روحى ..ماتسمعيش فى الكلام انتى ولا شنو
-ايات/بنراجى خوى عبسى نشبح شن صار معاه وبنقوله مايغشش روحه
-سالمه / يا ايات اطلعى منه الموضوع هدا ..لانهم واخدين زواجتك من جمال حجة
-ايات / باهى جمال ماحصلتاش .. نروح على رجليا ولا كيف
-فتحيه / لالالا حوش عمك مسافه علينا نخاف تخلعك شى حاجه فى الطريق .. اصبري يروحو خوتك ويوصلوك
-هناء/ كان روحو خوتها هداكه وين بتاكلها الخلعه الصح
-ايات / معش فهمتكم نا ...نقعد نراجيه وخلاص ..اكيدة ناسى تليفونه فى السيارة ..تو يكمل شغله ويجينى