قلوب متحجره

بعنوان( مظلومه_ بحكم _العادات)1

الـحلـقه_الأولـى من الرواية المشتركه: قلوب متحجره »»

تحت عنوان (مظلومة_بحكم_العادات)

للكآتبة »» أودي_ الشلوي 💙

نعرفكم بالعائلات قبل ل نبدا الروايه عشان ماتلخبطوش
عائلة جبريل :الزوجه فتحيه الاولاد الاول منصور ( زوجته صالحه اعياله جمال 25 متخرج من. الصيدله صلاح عمره 31سنه متزوج وعنده 3اعيال وبنت ناديه عمرها 6سنه متخرجه من التقنيه الطبيه جنات عمرها 16سنه)بعدها مبروكه ( مبروكه زوجها عبدالكريم بنتها نيروز عمرها 17 سنه تقررا في ثالثه ثانوي بنتها اسمهان 16 سنه بس بنات سابقات سنهن ونيروز تحب عبدالسلام ولد حمد من هم صغار)بعدها حمد ( الزوجه. سالمه اشرف عبد السلام عمره 22سنه يقرا في ثانيه جامعه ايات عمرها 24سنه متخرجه من الصيدله. ليلي اخر العنقود عمرها 19سنه اولى جامعه حمد تزوج بدري )بعدها سالم(سالم عنده 4اعيال وبنت وله زمان في ابريطانيا مايجيش لليبيا الا بعد وين وين دكتور اسنان) بعدها ابراهيم (اعزب عمره 29سنه وهو اخر العنقود يشتغل مهندس نفط)بعدها هناء عمرها 35سنه ومازال ماجاها نصيبها قرت لعند ثالثه متوسط وسيبت القرايه
عائلة العريس: الاب محمد الزوجه سليمه. العيال ميلاد متزوج معتصم(العريس) وعمره 25 متخرج من الصيدله لمياء عمرها 18 . مؤيد عمره 16سنه

******-------********--------********-------******

ركبت عليهن وطلعتهن من الدار وبدن في الحوسه والحوش بدا ايجو الناس والحوش بدا في الازدحام
وايات وكانه اليوم مش فاتحتها امكملتها ابكاء في الدار تمسح ادموعها في وقت امها اتشوفها
فجاء سمعت صوت بوها اينادي علي امها
اطلعت تجري تبي اتشوفه سمعت صوتها امهاا وهي تشهق: كيف ياحمد كلامك هذا ?
حمد فنص في سالمه: من امتى تعلي في صوتك علي
سالمه بصوت واطي: حمد الله يربحك نا عبيت ب العرب عشان العشا وكلمت خياتي كيف تقولي لغيته
حمد: ياوليه ع اساس هل العريس يجيبو سياق للفاتحه لكن ماجابوش ايش انديرو وحولي واحد مايسدش الرجاله وصيتلهم ع مثروده تنور من عمتي فوزيه والصبايا مش دايرتلهم البصاير اللي تحطن فيها هذني حطيلها وخلاص
سالمه وهي وجها اسود وانقلب: عليك فضايح قدام العرب وين نودي وجهي ;
ايات ضاقت في وجهها وانقهرت خشت لدارها لقت معتصم يرن قلبها رفرف: حبيبي
معتصم تنهد بقوه: اعيووووني اووف مش مصدق اليوم تقعدي مراتي خلاص ;
ايات سكتت
معتصم: تؤ تؤ مازالتي تنحرجي مني نا راجلك ياهبلتي ياعيوووني ياروحي نحبك مووووواه
ايات : اعيووووني اشش خلاص حرجتني معش طلع مني الكلام ;
خشت ليلى : صبي عاوني شوي حايسين امك دزت ع مثروده وغيرنا ع طول
ايات فنصت فيها: حبيبي توا نحكو بعدين
معتصم :شن شن عطيها لي ليلى انتي عروستي اليوم تقعمزي وتقعدي اميره
ايات تبسمت: هاااك
ليلى فنصت وخذت التليفون ;
معتصم: ويه اليوم نبيها اميره عدي اشتغلي انتي بدالهااا ولك مني هديه سمحه ;
ليلي رفعت حاجبهااااا: فيهاا هديه بس اهم حاجه حاجه صح ;
معتصم :عيب عليك نا عمري جبت حاجه اي كلام
ليلي: امممممم وطلعت ليلى وغمزتلها
ايات تنهدت وحست باالجبل اللي ع صدرها يزيد غمه ع قلبها بس تحاول انها تجي ع روحها وماتحسسش معتصم بشي ;