قلوب متحجره

بعنوان (مظلومه_بحكم_العادات)4

(الـحلـقه_الرابعةه_والأخـــيــرةه) من الرواية المشتركه : قلوب متحجره »» تحت عنوان (#مظلومة_بحكم_العادات)

للــكــآتـبـــة »» أودي_ الــشــلـوي 💙

خشت للشقه وخشت امها معاهاااا وقعدت تسند فيهااا وجهزتلها دبشهااا وخشت للحمام;
جمال خش لدار يبي ينزل ل ايات الشرشف متاعهاااا ويطيح في يده مومري استغرب لانه ايات حاطه في مكان مطمور حط الشرشف ع السرير عشان تجي اتغطا بيه ورد ل مومري فتحه في تليفونه لقاااه فيه صور معتصم وكله حزن وتركيب فيديوهات عليه: جمال لما شاف الصور مص غضبه وقعد بس شاد اعصابه
ايات قاعده تبكي بحرقه تحت الدش ااااااااااااه مووووجووووعه قلبي معش نحس بيه اااااه شن اللي يسير معاي هذي ااااااه ااااه كملت بكاهااا ولفت المنشف عليهااا وطلعت وهي ترجف لقت سالمه ترجا فيهااا:خفت عليك طولتي
ايات هزت براسها وخشت لمرقدها جمال شد اعصابه وخذا المومري: عمتي ناقصتكم حاجه نجيبها
سالمه: اصبر نشوف لانه هلك وعيت جدك جايين
جمال :تمام
وعدت سالمه وكتبت ل جمال اللي ناقص وردت عليه وعطاته الورقه وقعدت تمشط ل ايات في شعرها
سالمه ضمتهااا: انسي يامي انتي توا مرت راجل وتبي تقعدي ام بكرا تندمي ع ايامك هذني وتقولي ياريتني ادلعت ع راجلي مصيرك راضيه بالامر الواقع هذا نصيبك يالهبله تبي تعترضي ع حكمه وقدرته ديمه قولي حاجه وحده لعله خير لعله خير كله مكتوب ومقدر ايات حطت ايدها ع قلبها وتنهدت

‏كل ما يحدث معك هو ترتيب الله وليس صدفة، فاطمئن لعله خير وبل هو خير..🦋

رقدت في حضن امها الدافي وهي تمسحلها ع شعرهاااا في العشيه جت هناء وفتحيه وليلى وصالحه وجنات وناديه عشان يطمنن عليهااا.
فتحيه تحكي مع سالمه بصوت واطي: الصبح خشت علي انجود تخطب في هناء ل عبدالكريم ولدها
سالمه :صاح وايش قالت هناء
فتحيه : مازالت ماخبرتهااا خايفتها ترفض ولله عبدالكريم راجل اخلاق ومال وكويس وهو صاح مطلق لكن والله عليك احترام وكلنا نعرف عليش طلق
سالمه: لا معاك الحق سيبيها علي
فتحيه: ان شاء الله ع ايدك الفرج نخاف ترفض هناء توا مش صغيره قريب تخش ع 35سنه والله منشغله من احذاها ;
سالمه: اطمني ياعمتي وكوني هانيه ماعليك ومشا الجو عند ايات
سالمه: ليلى خليك مع اختك هالايام نين تحس روحها كويسه
ليلى بحتت في امهااااا بصدمه بس
سالمه رفعت حاجبها بخزره: وكنك ان شاء الله عندك اعتراض
ليلى: تمام (ليلى قعدت سارحه كيف تدير كيف يبي يجمعهامكان واحد وتشوف كيف يعاملهااا قعدت اتخيل)
ايات:ياماما ماتخفيش علي عدن خليها ع قرايتهاا حرام تلهيهاا امتحاناتها قريب
ليلى : اها ياماما عندي قرايه واجد كان هكي انتي خليك توا نمسك بدالك غادي
سالمه: والله مايفرغ سري
هناء: توا نقعد نااا ماعليكن
سالمه بحتت في هناء: لا انتي هيا معاي
ايات بحتت فيهن:نا كويسه وجمال معاي ماتشيلنش هم
المهم ايات اقنعتهن وعدن وليلى تنهدت بالقوه ماصدقت وتريحت انها تقعد مع جمال في حوش واحد
***************
روحن للحوش وكل وحده خشت لدارها وفتحيه قعمزت ع عدالة اشاهي ;
سالمه خشت عليها : توا نخش عليهاا
فتحيه: يالله ياسلومه يكون ع ايديك الفرج يالله يالله
سالمه: يارب
خشت سالمه ع هناء: اهنيوه اهنيوه
هناء ترفع في شعرها بحتت في سالمه: نعم
سالمه :تعالي نبيك في موضوع
هناء : خير ان شاء الله. وقعمزت حذاها وقعدت تقنع فيها ع عبدالكريم وتحكيلها انتي تعرفي انه هو اجوز مسكين ومرته هربت مع واحد وهو شاب الناس كلها تشهد ع اخلاقه فكري زين وماتسرعيش ;
بس هناء كانت مقتنعه خلقه تبي تنسى ايمن ونادر وتبي تعيش زي الصبايا عندهاا حوش وحياة مستقله ;
هناء: موافقه ;
سالمه: متاكده وغريبه هالمره وافقتي ع طول
هناء : اهو خلاص ماعد في العمر مابقااا;
سالمه: اي والله اديريلك اعويلك وحوش وسيور ع حالك
خيرلك;
هناء: اي والله صبت هناء وهي مش حاسه باي شعور لا فرح ولا زعل خشت لدارها وحطت ايدها ع قلبها: ياربي خفف عني يارب سهل علي ويسرلي ونسيني همي يارب
خشت عليها ليلي: سمعت امي تقول جايك عريس
هناء تنهدت: اهاااا
ليلى: وكنك مش فرحانه
هناء قعمزت ع المرقد حطت ايدها ع قلبهاااا ليش مش مكتوبلي نفرح طول عمري ونا نحلم بروحي نجوز اللي نبيه بعدهاااا تسير قصة ايات كسرة قلبي حتي ناااا العادات والتقاليد اللي كسرن قلب ايات وكسرن قلبي
ليلى وهي اتنهد وفي عقلهااا كسرن قلبي حتي نا 💔
**************
جمال خش ع ايات وهووو متعصب: ممككن نعررررف شن هذا
ايات بحتت في معتصم وهي مرتبكه: شششن جابه لك
جمال: النصيب جابه لياااا ومسكهاا مع شعرها
ايات اايييييي حرام عليك
جمال: حرام علياااااا حرام علباااااا ايش اندير فيك بسسسس لو اعيالي اللي في بطنك والله مارحمتك قعمز ع ركبه نين ايات انصدمت من منظره حساته مكسور وكسرة الراجل واعره 💔 قعدت تحس في كسرة صبت من مكانها وجت عنده حطت ايدها عليه: جمال سامحني
جمال وهووو متعصب:علي شن نسامحك ولا شن.
ايات: حط روحك مكاني نا مانحبكش
جمال مااستوعبش الكلمه وبحت فيهااا بعين مكسوره: حاولت معاك ودرت كل حاجه عشان اتأقلمي نا حبيتك واخترتك من بينهن كلهن لكن خلاص لعند هنا وساد هي لمي دبشك وعدي ل هلك ;
ايات اخنقتها العبره مش عارفه ليش وجعتها روحها مع انها كانت اتمني روحها تطلق اليوم قبل بكرى بس شن تبي تقول لهلهاا خافت من جمال يجي عند هلها ويحكي كل شي مشت وهي ذابله توتي في دبشها جمال نرجا فيك تحت ;
خذت شنطتها ونزلت عليه لقاته يحرق في الدخان ركبت جنبه وطلعو شور حوش هلها
***
عبدالسلام: قتلك ديرلي شاهي راه انجي انهدلك فمك ع خشت حمد سمعه وهو يهزب: ايش كلامك ل اختك هذا
عبدالسلام :قتلها ديري شاهي اتعوج
حمد: ماتشوف فيها تشتغل ومش فاضيه مرا اخرا تعلي صوتك ع اختك يقعد يومك عطيب تكمل شغلها وتديرلك
ع دقت الباب: حمد بحت في عبدالسلام: عدي حل الباب ;
فتح الباب لقاء ايات بشنطتها وراها جمال بحت فيهم باستغراب;
حمد: من ياولد
عبدالسلام سلم عليهم وخشاهم ; حمد لما شاف ايات بشنطتها بلع ارياقه هي ع طول خشت لدار ; لحقتها ليلى لما شافتها ; فتحت الباب ليلي وشافت ايات عاطيتها بضهرها ومنسنده ع الساس:
ليلى. قربت منها: كنك كنك
ايات برمت عليها وضمتهاااا: ااااه مقهوره 💔مكسوره ااااااه خسرت كل حاجه معش نبي نعيش
ليلى ضمتها : ماتقوليش هكي حرام عليك ارحمي روحك وارحمي اعيالك اللي في بطنك ايش ذنبهم ;
ايات: رقدت ع المرقد وعارفه انها لو حكا جمال بوهاااا حيقتلها قتل 💔 واكيدحيقوله انه شفت معاهاا مومري ويقوله مرات تغلط باسمه ويقوله اني مانعطيش فيه حقوقه الزوجيه الا غصب ليش كلهم يقولولي ارضي بابنصيب ونا مارضيتش معقوله نا ايماني ضعيف لدرجه هذي غمت روحها تحت المخده وقعدت تبكي ;
******
جمال : ياسيدي ما خفت عليها وهي مريضه توا قلت نخليها عندي عمتي هنا اخسن
حمد: ولد اصل والله
جمال:خليها كم يوم وتوا نروح بيها اقل شي نين تصحصح
******
ايات تحت مخدتها وتتفكر في ايام الجامعه
ايات وهي وجهها وردي وفيها روح وكانت مهتمه بروحها وتجنن وراقيه ومعتصم كان مدللهااا كانت حتي الشيتات هو اللي يشري فيهن لهاااا وديمه محاوطهاااا ومايتحمل فيها شي
سمعت صوت امها: ويه ويه
ايات دوبها فتحت اعيونها من البكاء: نعم ياماما
سالمه بحتت فيها: كنك مع راجلك
ايات ارتبكت: ماما خليني نرقد ;
سالمه طلعت من احداها وقعمزت حذا فتحيه وجمال وحمد.
جمال هو كاتم غضبه: عمتي عينك منها تمام نا خفت عليها حبتها لكم مرات مانعرفش دوتها
فتحيه: هبي هيا سياره ع اساس ماتعرفش دوتها تكلم كويس
جمال 😂😂😂😂درعنه يامي خبر جديد علينا تبو شي
حمد: اقعد تعشا
جمال: تبقى طيب وطلع من احذاهم وهوو مغصوص مش عارف وين ايدير وجهه كيف تحمل كلام وحده قالتله مانبيكش في وجهه;
*****
ايات لماااا سمعت بأنه جمال ماحكش ل بوها كبر في عينها وعرفت روحها منسنده ع راجل 🌸