قلوب متحجره

المقدمه

#قلوب_متحجره

المقدمه

ايات ؛؛ بسم الله بسم الله بسم الله بسم الله بسم الله

هناء؛؛ نطت من سريرها واتشوف في ايات وهي كيف ناطه من الفراش واتسمي وحاطه يدها اليمين علي صدرها  حولت بطنيتها ومشتلها تجري

ايات ايات حبيبتي كنك كنك شن في

ايات ؛؛ بسم الله الرحمن الرحيم

واتشوف في عمتها واعيونها امعبيات ادموع

ايات ،،مش عارفه يااعميمه مش عارفه كني

هناء ؛؛ كنك ياايات شن كنتي تحلمي

ايات ؛؛  عارفه يااعميمه  حلمت حلم شين بكل
هناء؛؛ تعوذي من الشيطان وقوليلي شن هو
ايات ؛؛ اعوذ بالله من الشيطان الرجيم

حلمت ان نا وهلي امصبين قدام بحر هايج هايج بكل بكل ويضرب فينا هذاك البحر بقوه بكل وتمينا انعيطو ونمسكو في بعضنا ونبو نهربو بس الموج كان كل ما له يقوه وياعالي اكتر  
وكنت انا اكتر وحده قادر عليها البحر
وبابا كان ايعيط وايقول ايات لا لا  ايات لالا
ويشد فيا بكل قوته  خوتي امسكو في ماما وليلي وقعدو ايوخرو  بس نا وبابا كنا انعانو اوحدنا  البحر ايكر فيا وبابا ايكر
وانا سيطر عليا البحر وتما ايموج فيا وقدر ياخذني من بابا  وشالني شور بريمه كبيييييره في البحر
وبابا وماما وخوتي وليلي  قعدو ايعيطو ويبكو 

وتمت تبكي بعبرتها

هناء اضبطتها واطبطب عليها وتحكي والعبره خنقتها

اعوذ بالله من الشيطان الرجيم
صبي صبي يا ايات  تعوذي من الشيطان وقولي الحلم في الحمام ثلاث  مرات  وانتي ملتفته شور جهتك اليسار وبعدها  اتفلي ثلاث مرات جهة اليسار

ايات وخرت واتشوف في اعيون عمتها وهي مستغربه

الحلم شين صاح يااعميمه قولي الحق الحلم شين صاح

هناء ؛؛   لا عادي اصلا البحر اكويس وبعدها ايقولو الحلم علي فسارها  فسريها انها اكويسه وح تقعد باذن الله اكويسه

ايات ؛؛  يااااااارب ان شاءالله خير ياااارب
بس اتصدقي حاسه بحاجه هنا علي صدري  ثقيله  مش عارفه شنو يااعميمه

هناء؛؛ صبت من جنب ايات وافتحت الروشن ولقت منظر السماء حلو كيف لون الشروق باين حلو افتحت الزجاج وتمت اتشم في رائحة المطر وهي اتصب علي التراب  واترفع في راسها واتشوف في السماء وهي كيف باديه  اتبخبخ ابرمت  علي ايات

تعالي ياايات تعالي شمي البنه السمحه وشوفي منظر السماء

ايات ؛؛ اتشوف ل عمتها ومعجبه بهدؤها وحركاتها الهاديه والرومانسيه صبتلها ومشت شورها وتمت اتشوف في المنظر